နှစ် ၃၀ ကျော်ကြာမှ ရုပ်ရှင်တစ်ကားကြောင့် အဖမ်းခံခဲ့ရတဲ့ လူယုတ်မာ သန်းကြွယ်သူဌေးအကြောင်း စ-ဆုံး скачать в хорошем качестве

နှစ် ၃၀ ကျော်ကြာမှ ရုပ်ရှင်တစ်ကားကြောင့် အဖမ်းခံခဲ့ရတဲ့ လူယုတ်မာ သန်းကြွယ်သူဌေးအကြောင်း စ-ဆုံး

ရုပ်ရှင်ဇာတ်ကားတစ်ကားကို အကြောင်းပြုလို့ အမှုမှန်တွေပေါ်ကုန်တဲ့ သန်းကြွယ်သူဌေးကြီး Robert Durst ရဲ့ အကြောင်းနဲ့ ပတ်သက်ပြီးတော့ သူ့ရဲ့ဘဝအကြောင်းအရာတွေကို ပြောပြခဲ့ပါတယ်၊ ခြုံပြီးပြောရမယ်ဆိုရင် ကျိကျိတက်ချမ်းသာတဲ့ မိသားစုက ဆင်းသက်လာတဲ့ သူဌေးသားက ပစ္စည်းဥစ္စာ၊ အာဏာနဲ့ ဂုဏ်ရှိန်ကို သုံးပြီးတော့ သာမန်အရပ်သူအမျိုးသမီးတစ်ယောက်ဖြစ်တဲ့ ဇနီးဖြစ်သူကို နိုင်လိုမင်းထက်ပြုခဲ့တာလို့ပြောရင် ပိုမှန်မယ်။ ၁၉၈၂ ခုနှစ် ဇန်နဝါရီလထဲမှာ ဇနီးဖြစ်သူက ကွာရှင်းခွင့်တောင်းတဲ့အခါမှာ မကျေနပ်လို့ ဇနီးဖြစ်သူကို အပျောက်ရှင်းလိုက်တယ်လို့ယူဆရတဲ့ အခြေအနေမှာပေါ့လေ။ ဒါပေမယ့် သက်သေပြလို့မရတဲ့ အခြေအနေမှာ အမှုကဒီလိုနဲ့ အေးသွားတာ။ အဲ့လိုပြောလို့ Robert Durst ခေါ် Bob က လိမ်လိမ်မာမာနဲ့ အိမ်မှာပဲ အပိုးကျိုးသွားရမယ့်အစား ဒီလိုပဲ ဆက်ပြီး မူးယစ်ပျော်ပါးနေတဲ့အပြင် သူ့ကိုယ်ပိုင် မိသားစုကိုပါ ဒုက္ခမျိုးစုံပေးနေခဲ့တာ။ဒီလူနဲ့ သူ့အဖေက လုံးဝမတည့်သလို ၁၉၉၄ ခုနှစ်ထဲမှာ သူတို့မိသားစုအမွေကိစ္စမှာ သူ့အောက်က သူ့ညီကို မိသားစုစီးပွားရေးကို လွှဲပေးလိုက်တဲ့အခါ အဖေကိုသာမက မိသားစုတွေအကုန်လုံးကို စိတ်ဆိုးပြီး မိသားစုစီးပွားရေးမှာ ဝင်မပါတော့ဘူး။ ၁၉၉၉ - ၂၀၀၀ မှာ စုံထောက်တွေနဲ့ ရဲဌာနက သူ့အမျိုးသမီးပျောက်ဆုံးသွားတဲ့အမှုအကြောင်းကို ပြန်လည်စုံစမ်းဖို့စတင်တဲ့ အကြောင်း သတင်းပေါက်ကြားတော့ Bob တစ်ယောက် နယူးယောက်ကနေ အပျောက်လစ်ဖို့ ကြိုးစားတယ်ဆိုတဲ့အကြောင်းကို ကျွန်တော်တို့ ပြောခဲ့တယ်။ ၂၀၀၀ ခုနှစ် နိုဝင်ဘာလထဲမှာ Kathie အမှုကို ရဲတွေက ပြန်လိုက်နေတယ်ဆိုတဲ့အကြောင်း သတင်းတွေထဲ ပါလာတယ်။ ဒါပေမယ့် Bob ညီမ Wendy က သူ့အစ်ကို Bob ကို အောက်တိုဘာလကုန်မှာကတည်းက ပြောပြထားပြီးသား။ သူတို့မိသားစုရဲ့လက်တံက ဘယ်လောက်ရှည်တယ်ဆိုတာ ကျွန်တော်တို့တွေ ခန့်မှန်းကြည့်လို့ရတယ်။ အဲ့ဒီတော့ Bob က နယူးယောက်မှာ သူနေလို့မဖြစ်တော့ဘူးဆိုတာ သဘောပေါက်လိုက်တယ်။ အဲ့ဒါနဲ့ နယူးယောက်ကနေ တိတ်တဆိတ်ခွာဖို့ ပြင်ဆင်တယ်။ အဲ့လို ပြင်ဆင်နေတုန်း သူလုပ်ခဲ့တာတစ်ခုက သူနဲ့ ရင်းနှီးတဲ့ အိမ်ခြံမြေပွဲစား အမျိုးသမီးတစ်ယောက်ဖြစ်တဲ့ Debrah Charatan ဆိုတဲ့အမျိုးသမီးကို လက်ထပ်လိုက်တာပဲဖြစ်တယ်။ Bob က Debrah နဲ့ ဒီဇင်ဘာ ၁၁ ရက်နေ့ ၂၀၀၀ ခုနှစ်မှာ နှစ်ယောက်သား အကျဉ်းချုံးလက်ထပ်ခဲ့ပြီးတော့ ဒီဇင်ဘာ ၁၂ ရက်နေ့မှာတော့ ခရီးထွက်သွားခဲ့ပါတယ်။ သူဘယ်သွားမယ်ဆိုတာကို Debrah ကိုတောင် ပြောမသွားခဲ့ဘူးလို့ဆိုပေမယ့် ဒါက နည်းနည်းတော့ သိပ်ယုံချင်စရာ မကောင်းပါဘူး။ ဒါပေမယ့် ထားပါ။ Bob အဲ့ဒီလို ပျောက်သွားတဲ့အခါ ရဲတွေက သူ့ကို ဆက်သွယ်လို့ မေးမြန်းလို့မရတော့ဘဲ ရှိတဲ့လူတွေကိုပဲ မေးမြန်းပြီး အမှုကို ပြန်လိုက်နေရပေမယ့် အမှုက ရှေ့မတိုးဘူးဖြစ်နေတာပေါ့လေ။ အဲ့ဒီအချိန်မှာ သူတို့ မေးခဲ့တဲ့သူတွေ တော်တော်များများက Bob ရဲ့ သူငယ်ချင်းအမျိုးသမီး Susan Berman ကို မဖြစ်မနေ စကားပြောကြည့်ဖို့ တိုက်တွန်းကြတာပေါ့။ ဒီအမျိုးသမီးက ၁၉၈၂ ခုနှစ်တုန်းက Kathie ပျောက်သွားတုန်းက အမှုနဲ့ ပတ်သက်တဲ့ကိစ္စတွေကို သတင်းထုတ်ပြန်ရေးလိုမျိုး လုပ်ခဲ့တဲ့သူပေါ့လေ။ Susan အတွက်ကျတော့ Bob ဟာ ဘာနဲ့တူလဲဆိုတော့ အကာအကွယ် လမ်းကျောင်းပြဖို့ လိုအပ်နေတဲ့ လူတစ်ယောက်ပေါ့။ မနှိုင်းကောင်း နှိုင်းကောင်း၊ သူ့စိတ်ထဲမှာ သူ့အဖေနဲ့ သူ့အမေနေရာမှာ Bob နဲ့ သူနဲ့ကို မြင်နေသလိုမျိုးပုံစံမျိုးရှိတယ်ဆိုပြီးတော့ ပြောလို့ရတဲ့အခြေအနေပေါ့လေ။ Bob က ငွေကြေးချမ်းသာတော့ လုပ်ချင်ရာလုပ်တယ်။ အဲ့ဒီနောက်မှာ လိုက်ရှင်းပေးရမယ့်သူက ကျွန်မ Susan ပါပေါ့။ လိင်မှုရေးရာ ချစ်မှုရေးရာ မပါဘဲနဲ့ သူတို့နှစ်ယောက်ရဲ့ ခင်မင်မှုအတိုင်းအတာက တော်တော်ကို တာသွားတယ်ပေါ့။ အဲ့ဒီအတွက်ကြောင့်လည်းပဲ Kathie တစ်ယောက်ပျောက်သွားတဲ့ 1982 ခုနှစ်မှာ သူက သတင်းစာနယ်ဇင်းတွေကို ကိုင်တွယ်ခဲ့တာ။ Bob က ငွေရှိတယ်။ သူက လည်လည်ဝယ်ဝယ်ရှိတယ်။ ပါးနပ်တယ်။ စကားပြောတတ်တယ်။ ပေါင်းသင်းဝင်ဆံ့တယ် အဲ့ဒီအတွက် သတင်းစာနယ်ဇင်းကနေတဆင့် Kathie ပျောက်သွားတဲ့ကိစ္စမှာ သူတို့လိုသလို ပုံဖော်နိုင်ခဲ့တယ်ပေါ့လေ။ သူကိုယ်တိုင်က ဂျာနယ်လစ်လဲဟုတ် စာရေးဆရာမဆိုလည်း ဟုတ်ဆိုတော့ ဒါက အပေါ်ယံကြည့်ရင်တော့ ယုတ္တိကျတယ်လို့ ထင်ချင်စရာပဲ။ သို့ပေမယ့် အဲ့ဒီ ၁၉၈၂ မှာတုန်းက Kathie နေမကောင်းလို့ ကျောင်းမလာနိုင်ပါဘူးဆိုပြီး ခွင့်တိုင်ခဲ့တဲ့အမျိုးသမီးဟာ Kathie မဟုတ်ဘဲ ဒီအမျိုးသမီးဖြစ်လိမ့်မယ်လို့ Kathie သူငယ်ချင်းတွေကရော လူတွေကရော ထင်ကြတာ။ ၂၀၀၀ ခုနှစ်ရဲ့ Christmas Eve ဒီဇင်ဘာလ ၂၄ ရက်မှာ Beverly Hills ရဲဌာနဆီကို လျှို့ဝှက်အကြောင်းကြားစာ တစ်စောင်ရောက်လာခဲ့ပါတယ်။ အဲ့ဒီစာထဲမှာ Susan Berman ရဲ့လိပ်စာကိုရေးထားပြီးတော့ Cadaver သက်မဲ့အလောင်း ဆိုပြီးတော့ပဲ စာရေးထားပါတယ်။ အဲ့တော့ ရဲတွေက အဲ့လိပ်စာကို သွားကြည့်တော့မှ အသက်မဲ့နေတဲ့ Susan Berman ရဲ့ ခန္ဓာကိုယ်ကို ကြမ်းပြင်ပေါ် လဲနေတာကို တွေ့ကြရတာဖြစ်ပါတယ်။ Susan Berman သည် မာဖီးယားဂိုဏ်းခေါင်းဆောင်ဟောင်းတစ်ယောက်ရဲ့ သမီးဖြစ်တဲ့အခါကျတော့ Beverly Hills, Los Angeles က ရဲတွေက ဒါက ဂိုဏ်းသားတွေရဲ့ လုပ်ကြံမှုဖြစ်မယ်ဆိုပြီးတော့ ယူဆခဲ့ကြပါတယ်။ အဲ့ဒီအတွက်ကြောင့် မှုခင်းဖြစ်တဲ့နေရာကို လက်ဗွေရှာတာတို့ ဘာတို့သေချာမလုပ်ခဲ့ဘူးတဲ့။ ဒီကိစ္စကလည်း ခေါင်းစီးပိုင်းကနေ ပါခဲ့တဲ့ သတင်းတစ်ပုဒ်တော့ ဖြစ်ခဲ့တာပေါ့လေ။ ဒီသတင်းကို Kathie သူငယ်ချင်းတွေဖြစ်တဲ့ Gilberte နဲ့ Elenor တို့ကြားတော့ ဒါသည် Bob Durst လက်ချက်ပဲဖြစ်မယ်ဆိုတာ တန်းတွေးမိတာပေါ့လေ။ သို့သော်လည်း Bob Durst တစ်ယောက် ဘယ်ရောက်လို့ရောက်နေမှန်းလည်း မသိရသလို သူနဲ့ Susan Berman ကိစ္စတုံး လုပ်ကြံခံရမှုမှာ ဆက်စပ်မှုကို ပြစရာမရှိတော့ သူ့ကို တရားစွဲလို့မရဘူးဖြစ်နေတာပေါ့လေ။ နောက်တစ်ခုက New York ကရဲတွေက LA ဖြစ်နေတဲ့အမှုတစ်ခုကို နယ်ကျော်ပြီး ဝင်ပြောလို့လည်း မရဘူးဖြစ်နေတာလေ။ သူတို့မှာ ပျောက်နေတဲ့ Bob Durst ကိုပဲရှာရမလို၊ တခြားလူတွေကိုပဲ လိုက်မေးရမလို ဖြစ်ကျန်နေခဲ့တာကိုး။