Data Stories- 3 shkurt 1924 - Wilson, Presidenti Amerikan që ruajti dhe ideoi Shqipërinë e Re скачать в хорошем качестве

Data Stories- 3 shkurt 1924 - Wilson, Presidenti Amerikan që ruajti dhe ideoi Shqipërinë e Re

Më 3 shkurt të vitit 1924 mbylli sytë përgjithmonë Woodrow Wilson, Presidenti i 28-të i Shteteve të Bashkuara, i cili, pas përfundimit të Luftës së Parë Botërore, mbrojti kufijtë shqiptarë, që kemi edhe sot, në Konferencën e Paqes të Parisit. Wilson u zgjodh President i Shteteve të Bashkuara, për dy mandate me radhë, në periudhën 1913 - 1921, duke përballuar Luftën e Parë Botërore, pas përfundimit të së cilës bëhet arkitekti kryesor i themelimit dhe funksionimit të Lidhjes së Kombeve. Mes të tjerave, pas përfundimit të Luftës, Presidenti Wilson, luftoi fort për vetëvendosjen e popujve të vegjël dhe të përfaqësuar, një nga të cilët ishte populli shqiptar. Në këtë kohë, territoret e banuara nga shqiptarët, megjithëse me kufij të përcaktuar qysh në vitin 1913 nga Konferenca e Ambasadorëve e Londrës, rrezikonin sërish ndarjen dhe shpërbërjen për të kënaqur synimet agresive-historike të shteteve fqinje. Të gjitha letrat i luante Car Nikolla i Dytë i Rusisë, i cili, pas fillimit të Luftës, planifikon ndarjen e Shqipërisë mes Serbisë, Italisë dhe Greqisë. Për habi, në prill të vitit 1915, idetë e Car Nikollës, hidhen në letër, pa asnjë ndryshim, në një takim të fshehtë që njihet si Traktati Sekret i Londrës. Me qëllim për të tërhequr Italinë në anën e tyre, Britanikët, Francezët dhe Rusët, i premtojnë një numër territoresh, nga Sllovenia në Turqi, mes të cilave dhe Vlorën dhe ishullin e Sazanit në Shqipëri. Më keq akoma, sipas hartës tashmë të njohur të Traktatit Sekret të Londrës, Fuqitë e Mëdha të Europës, kishin parashikuar formimin e një shteti Islamik Shqiptar, marrëdhëniet me jashtë të të cilit do të drejtoheshin nga Italia. Porse gjatë zhvillimit të Konferencës së Paqes në Paris, në vitet 1919-1920, Presidenti Wilson dhe Qeveria Amerikane, jo vetëm e mbrojtën Shqipërinë nga copëtimi i territoreve, por dokumentohet të kenë pasur edhe plane të tjera. Po si ndodhi që kreu i shtetit më të madh dhe më të fuqishëm të Botës të investohej për një popullsi prej më pak se 1 milion shqiptarësh, historia e të cilëve, me përjashtim të kohërave të Skënderbeut, nuk i kishte kapërcyer ndonjëherë kufijtë ballkanikë? Hap pas hapi, ndërhyrjet e Presidentit Wilson në favor të garantimit të kufijve të Shqipërisë janë dokumentuar nga Justin Godart - politikan dhe shtetar francez. Sipas Godart, pikësëpari, Presidenti Amerikan, u deklarua kundër traktateve të fshehta duke i konsideruar si të paqëndrueshme. Në një hap të dytë, me anë të një letre dërguar Lloyd George dhe Aleksandr Milerand - përfaqësuesve të Britanisë dhe Francës në Konferencën e Paqes – ai rrëzoi synimet e italianëve për të aneksuar një pjesë të Shqipërisë së Jugut. “Dhënia e pikave të mbështetjes në lindje të Adriatikut – Italisë, ishte për t’i lejuar asaj sigurimin e brigjeve kundër një agresioni detar nga Austro-Hungaria. Por Austro-Hungaria nuk ekziston më!” Por italianët nuk tërhiqen. Më 29 korrik 1919, ata nënshkruajnë një pakt sekret me grekët, të njohur si marrëveshja Titoni-Venizellos, ku planifikohet sërish rindarja e territorit shqiptar. Përgjigja e Presidentit Amerikan ndaj këtij zhvillimi të papritur ishte e vrazhdë: “Këto kushte dhe të tjera akoma, nga Memorandumi i 14 janarit, të biseduara pa dijeninë dhe pa pëlqimin e qeverisë amerikane, ndryshojnë plotësisht pikëpamjet e rregullimit të çështjes së Adriatikut… ne nuk mund të japim miratimin tonë në një rregullim, i cili, si në termat e klauzolave të tij, ashtu edhe në metodat e përdorura për t’a imponuar, përbën një mohim absolut të parimeve për të cilat Amerika hyri në luftë”. Në vijim Presidenti Wilson hedh në kosh edhe një përpjekje të serbëve, të cilëve u ishte premtuar një dalje në detin Adriatik. Koha do të tregonte se Presidenti Amerikan Wilson, veç mbrojtjes së Shqipërisë nga copëtimi, kishte edhe plane të tjera. #mcntv #mcn #datastories #ferdinanddervishi #histori #ngjarjethistorike #WoodrowWilson #Shqipëria #HistoriaShqiptare #KufijtëShqiptarë #KonferencaEPaqes #Paris1919 #LuftaEPareBotërore #Diplomacia #Vetëvendosja #LidhjaEKombeve #TraktatiSekretILondrës #PavarësiaShqipërisë #PolitikaNdërkombëtare #MiqësiaShqipëriSHBA #HistoriaBotërore