Beynəlxalq Qadınlar Günü скачать в хорошем качестве

Beynəlxalq Qadınlar Günü

Bakı Sağlamlıq Mərkəzində 8 Mart – Beynəlxalq Qadınlar Günü münasibətilə tədbir keçirildi. Tədbirdə Mərkəzin xanım əməkdaşları iştirak etdi. Tədbirin açılışında çıxış edən Bakı Sağlamlıq Mərkəzinin İcraçı direktoru Dos. Dr. Asiman Həsənov kollektivin xanım nümayəndələrini 8 Mart – Beynəlxalq Qadınlar Günü münasibətilə təbrik etdi, onlara gələcək fəaliyyətlərində uğurlar arzuladı. Asiman Həsənov çıxışında Azərbaycan qadınının tariximizdə oynadığı əvəzsiz roldan, onların Vətən müharibəsi dövründə göstərdikləri fədakarlıqlardan və ölkəmizin ictimai həyatına verdikləri töhfələrdən bəhs etdi. O qeyd etdi ki, qadının ailədə və cəmiyyətdə layiqli yer tutması dövlətimizin əsas məqsədlərindən biridir. Bildirildi ki, qadın və qızlarımız dövlət tərəfindən yaradılan imkanlardan yararlanır, təhsil alır, ictimai-siyasi proseslərdə fəal iştirak edir, yüksək vəzifələr tutur və sahibkarlıq sahəsində geniş təmsil olunurlar. Tədbirin qonağı Milli Məclisin deputatı və sədr müavini, professor Fəzail İbrahimli çıxış edərək Azərbaycan qadınının cəmiyyətimizdəki rolundan danışdı və Bakı Sağlamlıq Mərkəzində çalışan xanım əməkdaşları bayram münasibətilə təbrik etdi. Tədbir çərçivəsində mərkəzin istedadlı əməkdaşlarının əl işlərindən ibarət mini sərgi stendi nümayiş olundu və iştirakçılar tərəfindən böyük maraqla qarşılandı. Sonda kollektivin xanım əməkdaşlarına bayram hədiyyələri təqdim olundu, tədbir tortun kəsilməsi və xatirə şəkillərinin çəkilməsi ilə davam etdi. Bakı Sağlamlıq Mərkəzində təşkil olunan bu tədbir kollektiv daxilində səmimi və bayram ab-havası yaradaraq qadın əməkdaşlara göstərilən diqqət və ehtiramın növbəti nümunəsi oldu.