Tv Klan - Berisha: nesër, dita e gjykimit për kryehajdutin Rama скачать в хорошем качестве

Tv Klan - Berisha: nesër, dita e gjykimit për kryehajdutin Rama

Jo vetëm prova e madhe për opozitën, por protesta kombëtare e të shtunës do të jetë, sipas Sali Berishës, edhe dita kur shqiptarët do t’i bëjnë “gjyqin” Kryeministrit Rama. “Qytetarët do t’i japin leksion të fortë qeverisë. Le të rrijë në zyrë, ta provojë. Kaq i them, rri aty. Muret i ke blinduar, dyert i ke plumbosur, rri e shko futu, rri në je burrë”. “Është dita e gjykimit të popullit shqiptar për një organizatë kriminale që nuk e ka sot asnjë vend tjetër në Europë". Ripërsëriti akuzat për grusht shteti në çështjen “Balluku”, duke shënjestruar edhe Gjykatën Kushtetuese. “Seriali i hajdutëve dhe kryehajdutëve, Edi Rama, Niko Peleshi, Bajram Begaj, u paraqitën në pafytyrësi të plotë para prokurorëve që zbatonin ligjin në sallat e Gjykatës puçiste Kushtetuese. Katër institucionet më të larta të shtetit të turpit, të narkoshtetit, bëhen mur për mbrojtjen e korrupsionit. Shtet i kakistokracisë, më i keqi”. Ndryshe nga sa argumentoi Kryeministri, Berisha tha se mungesa në Davos e Edi Ramës nuk lidhej aspak me pritjen e Ivanka Trump-it në Shqipëri. “Asnjëri në botë nuk mund të besojë një mashtrim të tillë. Në atë sallë historike nuk mund të ishte. E tregoi ai, e tha sinqerisht, dy-tre prej nesh nuk mund të jenë, nuk i honeps dot dhe nga këta dy-tre, njëri është Rama, tjetrin e gjejmë më vonë”. Derën e bashkëpunimit me mazhorancën për dy reformat, atë zgjedhore dhe territoriale, e la sërish të mbyllur, duke paralajmëruar ngritjen e dy strukturave paralele brenda selisë blu. “Me Edi Ramën nuk ka asnjë bashkëpunim, ka vetëm betejë. Ne krijojmë komisionet e reformës territoriale me forcat opozitare dhe reformën zgjedhore me forcat opozitare. Oerd Bylykbashi dhe Luçiano Boçi do të jenë ata që do të kryesojnë”. Ky qëndrim i kryedemokratit vjen në një kohë kur mazhoranca ka paralajmëruar të ndryshojë formulën e paritetit, duke i hequr opozitës bashkëdrejtimin në këto komisione, në mënyrë që këta të fundit të mos kenë mundësi, për shkak të bojkotit, të bllokojnë dy reformat. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/