Ghar Par Desi Ghee Banane Ka Asaan Tarika | Homemade Pure Desi Ghee From Malai | Step By Step Recipe скачать в хорошем качестве

Ghar Par Desi Ghee Banane Ka Asaan Tarika | Homemade Pure Desi Ghee From Malai | Step By Step Recipe

Aaj ki video mein main aapko ghar par bilkul asaan tareeqay se pure desi ghee banana sikhaungi. Sab se pehle jo roz ka doodh aata hai us par jo malai jamti hai main usay rozana utar kar ek box mein daal kar freezer mein rakh deti hoon. Roz ki malai usi box mein jama karti rehti hoon. Taqreeban 15 se 20 din mein jab box bhar jata hai to main usay freezer se nikaal leti hoon aur room temperature par thora sa melt hone deti hoon. Uske baad malai ko ek bartan mein daal kar halki si garam karti hoon. Itna garam karna hai ke agar hum us mein finger daalein to zyada dair bardasht na kar saken. Phir us mein 1 cup khatti dahi daal kar achi tarah mix kar leti hoon aur bartan ko mote kapray mein lapet kar 5 se 6 ghantay ke liye rakh deti hoon taake dahi jam jaye. Jab dahi jam jati hai to main usi bartan mein hand blender ki madad se thanda pani daal kar usay blend karti hoon. Aap chahain to blender jug ya electric beater se bhi beat kar sakte hain. Is tarah makhan aur lassi alag ho jati hai. Phir main strainer ki madad se makhan alag kar leti hoon aur lassi ko alag rakh leti hoon. Is lassi ko zaya nahi karenge — agli video mein isi se kadhi banana sikhaungi. Ab makhan ko ek karahi mein daal kar halki aanch par melt kar lein. Sirf melt karna hai, pakana nahi. Jab makhan melt ho jaye to chulha band kar dein aur room temperature par aane dein. Uske baad ise 30 minute ke liye fridge mein rakh dein. Is se makhan upar jam jayega aur jo lassi hogi woh neeche reh jayegi. Phir churi ki madad se makhan ko nikaal lein aur neeche wali lassi hata dein. Ab is makhan ko medium flame par 5–6 minute pakayein. Thori dair mein khushboodar desi ghee tayar ho jayega. Is tarah ghar par bilkul asani se pure desi ghee banaya ja sakta hai. #desighee #homemadeghee #malaisetoghee #desigheerecipe #pakistanicooking #ghar_khane #cookingathome #puredesighee #easyrecipe #kitchenhacks