TAFAKKUR TARBIYASI скачать в хорошем качестве

TAFAKKUR TARBIYASI

Keyingi o‘n yil mobaynida maktabgacha ta’lim sohasida pedagog xodimlarni psixologik qo‘llab-quvvatlash, ayniqsa, pedagog-psixologlar faoliyatini izchil yo‘lga qo‘yish, ular malakasini oshirish izchil tus olmoqda. Chunki, bu kabi say’-harakatlar ta’lim-tarbiyaning sifat ko‘rsatkichini yanada yaxshilanishiga xizmat qilmoqda. ✅Shu maqsadga qaratilgan navbatdagi viloyat seminari Namangan tumani MMTBga qarashli 35-DMTTda tashkil etildi. ◀️ “Muvozanat”. Yoki pedagog xodimlarni psixologik qo‘llab-quvvatlashga doir treninglarning ahamiyati” mavzusidagi ushbu tadbirda viloyat MMTB shoʻba mudiri Abror Abduqayumov, tuman MMTB mudiri Elbek Elmirzayev, shuningdek, viloyat hududlaridagi maktabgacha ta’lim tashkilotlarining psixologlari ishtirok etdi. 🔖Seminarda ta’lim-tarbiyani to‘g‘ri, ilmiy asosda tashkil etish uchun bu jarayonning o‘ziga xos psixologik qonuniyatlarini, uning mexanizmlarini, shuningdek, faol, mustaqil hamda ijobiy tafakkur jarayonini zamonaviy bilimlar asosida tarkib toptirishning samarali usullarini chuqur o‘zlashtirish bu – davr talabi ekanligi ta’kidlandi. – Ko‘rib guvohi bo‘lyapmizki, so‘nggi yillarda ta’lim ishlarining mazmuni tubdan o‘zgardi. Uning eksperimental ravishda tekshirilgan yangi usullari masalan, interfaol ta’lim metodlari joriy qilinmoqda. Bu jarayonlar bevosita pedagog-psixologlar faoliyati orqali amalga oshmoqda. Mazkur seminarni tashkil etishdan maqsad ham ta’lim maskanlarida psixologlar faoliyat samaradorligini yanada oshirishdan iboratdir, – dedi tadbirda so‘zga chiqqan Elbek Elmirzayev. ➖ Jarayon davomida master-trener Maftuna Ahmadjonova seminar ishtirokchilariga mavzu doirasida o‘zi egallagan nazariy bilimlarni taqdim etdi. Shuningdek uning yetakchiligida trening mashg‘ulotlari o‘tkazildi. ✅Mashg‘ulotlardan: ➡️emosional holatni tiklash va stressni boshqarish; ➡️professional va hissiy charchashning oldini olish usullari; ➡️jamoada sog‘lom va do‘stona muhit yaratish; ➡️o‘z-o‘zini boshqarish hamda emosional qo‘llab-quvvatlash texnikalari; ➡️emosional intellekt va professional motivatsiyani rivojlantirish; ➡️ta’lim muhitida emosional va jismoniy zo‘ravonlikning oldini olish kabi interfaol usullar o‘rin oldi.