Azərbaycanda ƏN GÖZƏL 5 Kənd Hansılardır? - YAYDA ƏN GƏZMƏLİ YERLƏR скачать в хорошем качестве

Azərbaycanda ƏN GÖZƏL 5 Kənd Hansılardır? - YAYDA ƏN GƏZMƏLİ YERLƏR

#azerbaycan #kənd #rayon Azərbaycanda yayda gəzməli ən gözəl 5 YER hansılardır? Bu videoda elə rayonlar, kəndlərdən danışacam ki, getmədiyinizə görə peşman olacaqsınız. 40 dərəcə istidə belə bu yerlərdə hava sərin, gəzməli olur. Yerin Qulağı kanalı Azərbaycanda yayda ən gəzməli 5 yeri təqdim edir: Yay gəldi, istidən qaçmaq, təbiətin qoynunda dincəlmək istəyənlər üçün Azərbaycanın cənnət guşələrini təqdim edirik. Təmiz hava, sərin bulaqlar, dağ mənzərələri və tarixi kəndlər bu videoda sizi gözləyir! Azərbaycanda yayda gəziləcək 5 gözəl təbiət məkanı: 1. Quba – Qrız kəndi və Afurca şəlaləsi. Qrız kəndinə gedən dağ yolları, kənd evləri, çobanlar, şəlalə görüntüləri. Qrız kəndi Quba rayonunun ən ucqar dağ kəndlərindən biridir. Yol çətin olsa da, oraya çatanda səni sanki başqa bir dünya qarşılayır. Kənddə hələ də qədim adət-ənənələr qorunur, yerli sakinlər qonaqpərvərdir. Buranın sükunəti yay istirahəti üçün əvəzolunmazdır. Qrız kəndində hazırda 30-40 ev var. Kəndin əhalisi 368 nəfərdir. Yerli əhalinin bildirdiyinə görə vaxtilə burda 777 olub və 8000-ə yaxın əhali yaşayıb. Əhali əsasən heyvandarlıqla və dəmyə əkinçiliyi ilə məşğul olur. Xalça və palaz toxunması kimi sənətlər inkişaf edib. Qrız kəndi Ağ dağın ətəyində, dəniz səviyyəsindən 2000–2050 m yüksəklikdə, Qudyalçayın sahilində yerləşir. Kəndin ətrafında bir necə bulaq, şəlalə, mağara və çay var. Qrız kəndi Azərbaycan ərazisində ən çox qar düşən yaşayış məntəqələrindəndir. Yaxınlıqda yerləşən Afurca şəlaləsi isə Azərbaycanın ən hündür və gözəl şəlalələrindən biridir. Yayda bu sərin suların yanına gəlib oturmaq bir terapiyadır. Vəlvələ çayının Yan silsiləsini kəsib keçdiyi yerdə əmələ gətirdiyi kanyonvari dərənin yamacında eyniadlı çayın üzərindədir. Çayın yatağında Yura yaşlı əhəngdaşı suxurlarının səthə çıxması və sıldırım pillə əmələ gətirməsi ilə əlaqədardır. Azərbaycan Respublikasının geoloji təbiət abidəsi kimi qeydə alınmışdır və dövlət tərəfindən mühafizə olunur. Hündürlüyü 60 metrdir. Afurca şəlaləsi öz qeyri-adiliyi və bənzərsizliyi ilə turistlərin və səyahətçilərin diqqətini cəlb edən təbiət hadisəsidir. Foto və video həvəskarları üçün Qrız və Afurca əsl xəzinədir. 2. İsmayıllı – Lahıc və Basqal Daş küçələr, misgərlik dükanları, dağ mənzərələri. Lahıc – təkcə təbiəti ilə deyil, həm də mədəniyyəti ilə seçilən kənddir. Burada əsrlərdir davam edən misgərlik sənəti, qədim hamamlar və daş evlər bu kəndə fərqli ruh qatır. Yay aylarında Lahıcda sərin hava hökm sürür. Dağlardan gələn bulaqlar, meşəlik yollar turistləri özünə çəkir. Lahıc XVIII–XIX əsrlərdə Azərbaycanın misgərlik və silah istehsalı mərkəzlərindən olub. Qəsəbə Azərbaycanın şimalında, Böyük Qafqaz sıra dağlarının cənub yamacında dəniz səviyyəsindən 1505 m hündürlükdə yerləşir. Lahıc Girdiman çayının sahilində yerləşməklə Babadağ və Niyaldağ silsilələri ilə əhatə olunur və ona təbii qala şəraiti bəxş edir. Bu gün Lahıc çox saylı turisti cəlb edir. Türkiyədən, İrandan, Rusiyadan, Yaponiyadan, İtaliyadan və İspaniyadan buraya gələnlər əsasən Lahıcda dincəlmək istəyirlər. Lahıca gedən yol aşırımdan keçir. Lahıc aşırımı möhtəşəm Niyaldağ silsiləsinin suayırıcındadır, hündürlüyü təqribən 1700 metrdir, dar və çətin keçiləndir. Basqal isə daha sakit və klassik bir kənddir. Burada Basqal kəlağayısı ilə tanış ola bilərsiniz. Hər iki kənd həm təbiət, həm də tarix sevənlər üçün ideal seçimdir. 3. Qax – İlisu və Şəkiyə yaxın ərazilər İlisu çayı, dağ keçidləri, köhnə körpülər, yaylaqlar. Qax rayonunun İlisu kəndi dağlarla əhatələnmiş gözəl bir yerdir. Kəndin içindən keçən çay, ətrafdakı meşələr və yaylaqlar yay üçün ideal şərait yaradır. Burada həm də İlisu qalası, dağ yolları və təmiz bulaqlar var. Kənd bir yaşayış məskəni kimi XIII əsrdə yaranıb.Yaşayış məntəqəsi buradakı İlisu bulaqlarının adı ilə adlandırılıb. Toponim qıpçaq sözü olan ili (isti) və su sözlərindən düzəlib, "isti su" deməkdir. Türk dillərində "ilisu" həm də "yel suyu" mənasındadır. Kürmük çayının sahilində, Baş Qafqaz silsiləsinin cənub yamacında, Kürmükçay və Ağçayın (Hamamçay) kəsişdiyi yerdə, dörd tərəfdən dağlarla əhatə olunmuş bir çay terrasında yerləşir. Şəkiyə gedən yol boyunca təbiət mənzərələri dəyişir – meşə, çay, kənd həyatı, dağlar. İstirahət mərkəzləri, yürüş marşrutları və çadır qurmaq üçün yerlər tapmaq asandır. 4. Lerik – Uzunömürlülər diyarı. Yaşlı kənd sakinləri, dumanlı dağ yolları, meşələr, çoban həyat tərzi. Lerik Azərbaycanın cənubunda yerləşir və təmiz havası ilə tanınır. Elə bu səbəbdən burada yüz yaşını keçmiş insanlar çoxdur. Dağ kəndləri yayda sərin, qışda isə sərt olur. Amma yay istirahəti üçün burada ideal sakitlik və rahatlıq tapmaq mümkündür. Lerikin meşələrində gəzinti, kənd evlərində qalmaq və yerli məhsullarla qidalanmaq turistlərə fərqli bir təcrübə yaşadır. Bura daha çox “sakitlik axtaran” insanlar üçündür. Lerik rayonunun ərazisi Talış silsilə dağlarının əhatəsindədir.