વલસાડમાં WELSPUN કંપનીની બસમાંથી વિદેશી દારૂ ઝડપાયો,ડ્રાઈવરની ધરપકડ,દારૂ મંગાવનાર વોન્ટેડ скачать в хорошем качестве

વલસાડમાં WELSPUN કંપનીની બસમાંથી વિદેશી દારૂ ઝડપાયો,ડ્રાઈવરની ધરપકડ,દારૂ મંગાવનાર વોન્ટેડ

વલસાડમાં વેલસ્પન કંપનીની બસમાંથી વિદેશી દારૂ ઝડપાયો, ડ્રાઈવરની ધરપકડ,દારૂ મંગાવનાર વલસાડના નાના પારસીવાડમાં રહેતા ઈસમને વોન્ટેડ જાહેર કર્યો વલસાડ સિટી પોલીસે બાતમીના આધારે સી.બી. હાઈસ્કૂલ નજીક વોચ ગોઠવીને વેલસ્પન કંપનીની પેસેન્જર બસમાંથી વિદેશી દારૂની હેરાફેરી કરતા બસના ડ્રાઈવરને ઝડપી પાડ્યો છે. ડ્રાઈવર દમણથી દારૂ લાવી બસની સીટ નીચે સંતાડીને વલસાડ પહોંચાડતો હતો. પોલીસે દારૂ મંગાવનાર શખ્સને વોન્ટેડ જાહેર કરી વધુ તપાસ હાથ ધરી છે. પ્રાપ્ત વિગતો અનુસાર, વલસાડ સિટી પોલીસ સ્ટેશનના ASI હેમંત વેણીલાલ ગોહિલ અને તેમની ટીમ પેટ્રોલિંગમાં હતા. તે દરમિયાન તેમને ચોક્કસ બાતમી મળી હતી કે, વેલસ્પન કંપનીની પીળા રંગની પેસેન્જર બસ નંબર GJ-05-Z-0082 નો ચાલક બસની પાછળની પેસેન્જર સીટ નીચે થેલાઓમાં ચોરીછૂપે ઈંગ્લીશ દારૂનો જથ્થો સંતાડીને સી.બી. હાઈસ્કૂલ તરફથી પસાર થવાનો છે..આ બાતમીના આધારે પોલીસે સી.બી. હાઈસ્કૂલ ગ્રાઉન્ડ પાસે મેઈન રોડ પર વોચ ગોઠવી હતી. બાતમીવાળી બસ આવતા તેને રોકીને તપાસ કરવામાં આવી હતી. બસમાં તપાસ કરતા પાછળની સીટ નીચે મૂકેલા થેલાઓમાંથી ભારતીય બનાવટના વિદેશી દારૂની અલગ અલગ બ્રાન્ડની કુલ ૩૦ બોટલો મળી આવી હતી. જેની કુલ કિંમત રૂપિયા ૧૧,૭૮૪.૨૪/- થાય છે..પોલીસે બસ ચાલક પાસે પાસ-પરમિટ માંગતા તે મળી આવી ન હતી. પૂછપરછમાં ડ્રાઈવરે પોતાનું નામ દીપ્તિરાજ કૃષ્ણજ બિહર સેઠી ઉ.વ. ૪૧, રહે. ફ્લેટ નં. ૨૦૧, સોમનાથ રેસીડેન્સી, પારડી સાઢપોર, વલસાડ હોવાનું જણાવ્યું હતું..ડ્રાઈવરની સઘન પૂછપરછમાં તેણે કબૂલાત કરી હતી કે, આ દારૂનો જથ્થો તેણે દમણના અલગ અલગ બાર અને વાઈન શોપમાંથી ખરીદ્યો હતો. તે આ દારૂ વલસાડના નાના પારસીવાડમાં રહેતા ભૂમિલકુમાર પટેલને છૂટક વેચાણ કરવા માટે પહોંચાડવાનો હતો..પોલીસે દારૂનો જથ્થો અને ગુનાના કામે વપરાયેલી વેલસ્પન કંપનીની બસ કબજે કરી ડ્રાઈવર દીપ્તિરાજ સેઠી વિરુદ્ધ પ્રોહિબિશન એક્ટ મુજબ ગુનો નોંધી તેની ધરપકડ કરી છે. જ્યારે દારૂ મંગાવનાર ભૂમિલકુમાર પટેલને વોન્ટેડ જાહેર કરી તેને પકડી પાડવા ચક્રો ગતિમાન કર્યા છે...