વલસાડ LCB પોલીસે કારમાંથી રૂપિયા ૨,૯૯,૦૪૦ નો દારૂનો જથ્થો ઝડપી પાડ્યો,કુખ્યાત બુટલેગર વોન્ટેડ скачать в хорошем качестве

વલસાડ LCB પોલીસે કારમાંથી રૂપિયા ૨,૯૯,૦૪૦ નો દારૂનો જથ્થો ઝડપી પાડ્યો,કુખ્યાત બુટલેગર વોન્ટેડ

વલસાડ LCB પોલીસે કારમાંથી રૂપિયા ૨,૯૯,૦૪૦ વિદેશી દારૂનો જથ્થો ઝડપી પાડ્યો, કુખ્યાત બુટલેગર વોન્ટેડ વલસાડ લોકલ ક્રાઈમ બ્રાન્ચે શહેરમાંથી પસાર થતી કારમાંથી લાખો રૂપિયાનો વિદેશી દારૂનો જથ્થો ઝડપી પાડ્યો છે. નવાઈની વાત એ છે કે આ કારમાંથી પોલીસને અલગ-અલગ નંબર પ્લેટો પણ મળી આવી છે. આ ગુનામાં સંડોવાયેલ કુખ્યાત આરોપી પોલીસને જોઈને નાસી છૂટવામાં સફળ રહ્યો છે.. વલસાડ જિલ્લામાં દારૂની હેરાફેરી અટકાવવા પોલીસ અધિક્ષક યુવરાજસિંહ જાડેજાની સૂચનાથી એલ.સી.બી.ની ટીમ પેટ્રોલિંગમાં હતી. તે દરમિયાન એલ.સી.બી.ના પોલીસ કોન્સ્ટેબલ હરદેવસિંહ રણજીતસિંહને મળેલી બાતમીના આધારે પોલીસે વલસાડના કાશ્મીર નગર વિસ્તારમાં વોચ ગોઠવી હતી..સેન્ટ્રલ પાર્ક બિલ્ડીંગની સામેથી પસાર થતી હુન્ડાઇ ક્રેટા કાર નંબર GJ.15.CK.9803 ને પોલીસે અટકાવી હતી. કારની તલાશી લેતા તેમાંથી ભારતીય બનાવટનો વિદેશી દારૂ, વ્હીસ્કી અને બીયરના ટીન મળી કુલ ૮૮૮ નંગ બોટલો મળી આવી હતી. જપ્ત કરાયેલા દારૂની કિંમત ૨,૯૯,૦૪૦ રૂપિયા થાય છે. પોલીસે ૭ લાખની કાર અને દારૂ મળીને કુલ ૯,૯૯,૦૪૦ રૂપિયાનો મુદ્દામાલ કબ્જે કર્યો છે. ચોંકાવનારી વાત એ છે કે કારમાંથી પોલીસને ૦૮ જેટલી અલગ-અલગ નંબર પ્લેટો પણ મળી આવી છે, જેનો ઉપયોગ પોલીસને ચકમો આપવા માટે થતો હોવાનું મનાય છે. કારનો ચાલક અને કુખ્યાત બુટલેગર નિલેશ ઉર્ફે નિલ્યો ગુંડો રહે. પારનેરા અને અન્ય એક અજાણ્યો ઇસમ પોલીસને જોઈને કાર મૂકીને નાસી છૂટ્યા હતા. આરોપી નિલેશ રીઢો ગુનેગાર છે અને તેના વિરુદ્ધ વલસાડ રૂરલ, પારડી અને ડુંગરી પોલીસ સ્ટેશનમાં અપહરણ, ખંડણી, રાયોટિંગ અને આર્મ્સ એક્ટ જેવા ગંભીર ગુનાઓ નોંધાયેલા છે. હાલ તો એલ.સી.બી. પોલીસે વલસાડ સિટી પોલીસ મથકે પ્રોહિબિશન અને ભારતીય ન્યાય સંહિતાની કલમો હેઠળ ગુનો નોંધી, ફરાર આરોપી નિલેશ ઉર્ફે નિલ્યો અને તેના સાગરીતને ઝડપી પાડવા ચક્રો ગતિમાન કર્યા છે..