"ከጥበብ እና ጠቢባን ጀርባ" - ወ/ሮ ገነት አሰፋ - (የእንሥራ ሸክላ ማዕከል ሥራ አስኪያጅ) - ሐዋዝ ሀሳብ - Hawaz Hasab скачать в хорошем качестве

"ከጥበብ እና ጠቢባን ጀርባ" - ወ/ሮ ገነት አሰፋ - (የእንሥራ ሸክላ ማዕከል ሥራ አስኪያጅ) - ሐዋዝ ሀሳብ - Hawaz Hasab

ይህ ቃለ - መጠይቅ ከ "እንሥራ የሸክላ ማዕከል" ዋና ሥራ አስኪያጅ ከወይዘሮ ገነት አሰፋ ጋር የተደረገ ነው፡፡ በቃለ መጠይቁ አጠቃላይ የሸክላ ሥራ ሂደትን ከጅማሬው እስከ ፍፃሜው በሚኖር ጉዞ ውስጥ የሚኖርን ብርቱ ጥረት ሊያሳይ የሞከረ ጥበባዊ ቃለ መጠይቅ ነው፡፡ ስለ ሸክላ ሥራ ከስር መሰረቱ የጀመረ ሙሉ መረጃን ይሰጣል፡፡ ብዙዎች ስለሸክላ ሥራ የማያውቋቸውን ከጀርባ ተከልለው ያሉ ተምሳሌነትና ዓርዓያነት ያላቸው ልፋቶችን እንዲሁም አስገራሚ የመጠበብ ክህሎቶችን ያስቃኛል፡፡ ሸክለኞች በሙያቸው የሚያልፉባቸውን የማይታዩ ድንቅ ትጋትና ብልሃቶች ያስመለክታል፡፡ ከጥልቅ ጥበባቸውና ከአስቸጋሪ ልፋታቸው ተነስተንም ለጥበበኞች መለገስ የሚገባንን ተገቢ ክብር ያስገነዝበናል፡፡ መስጠት የሚኖርብንን ትክክለኛ ዋጋም ጠይቀን እንድንረዳ ያደርገናል፡፡ ሸክለኞች በሙያቸው የሚገጥሟቸውን ውጣ ውረዶች ጥልቅ በሆነ መንገድ ባይሆንም ከብዙ በጥቂቱ በሸክላ ሥራ ዙሪያ ፤ አግባብነት ያለው በቂ ዕውቀት ይሰጠናል፡፡ በሰጠንም ትክክለኛ ዕውቀት መነሻነት ባለሙያዎችን (የሸክላ ሥራ ባለሙያዎችን) በወጉና በልኩ እንድናከብር መንገድ ይከፍትልናል፡፡ ይህ ቃለ መጠይቅ በሸክላ ስራ ጥበብ ላይም የሚያሳዩትን ፅኑ ብርታትና ጥንካሬ ተመልክተን ከማድነቅ ባሻገር ድጋፍ ለመስጠትና በሙያቸው የሚያስፈልጓቸውን ነገሮች ለማሟላት እንጥር ዘንድ ያሳስበናል፡፡ ቀረፃው የተካሔደው በ እንሥራ የሸክላ ማዕከል ውስጥ ይሁን እንጂ ማሳያነቱና መታወሻነቱ በመላው የሀገሪቷ ክፍሎች ውስጥ ለሚገኙ የእጅ ሙያ ጥበበኞች ነው፡፡ በዚህ የሸክላ ሥራ ማዕከል ውስጥ (በቀጨኔ መቀጠያ፣ ጥድ፣ አምታቴ ጫካ፣ በሃ እና ሌሎች የህብረት ማምረቻ ማዕከላት ፤ በየቤታቸውም በነፍስ ወከፍ ሸክላ የሚሰሩ ፣ በመላው ሃገሪቱም በተለያየ ስፍራ ከትመው የሸክላ ሥራን እየተጠበቡ ያሉ የሸክላ ሥራ ጥበበኞች ፤ ተገቢ የሆነን የልፋታቸውን ዋጋ ሊያገኙ እንደሚገባ ፤ ክብርም ሊቸራቸው እንደሚያሻ ለማስረዳት ያለመ ቪዲዮ ነው፡፡ ከዚህ አለፍ ሲል ደግሞ ስለሸክላ ሥራ ብዙዎቻችን በስማ በለው ከተረዳነው ካለን ቁንፅል እውቀት ባሻገር ስለሸክለኞችና ስለሸክላ ሥራ ትክክለኛውን ተግባራዊ እውነታ በጥበብ ያስጨብጣል፡፡ ከሸክላ ሥራ ጀርባም ያለውን አታካችና አድካሚ ሂደት ያስገነዝባል፡፡ የዚህ ቪዲዮ ክሊፕ ዋና ዓላማ ፤ የሸክላ ሥራ ጥበብን ድካምና ልፋቶች ፤ ትዕግስትና ፅናቶች እንዲሁም ሌሎች ያልተነገሩ ተምሳሌታዊ መረጃዎችን ፤ ግንዛቤው ለሌለው ሁሉ ማስረዳት ነው፡፡ አግባብነት ያለው ቦታና ክብርንም ለጠቢቦቹ እንዲሰጥ ጠቆምታ ይሰጣል፡፡ በተጨማሪም ፈታኝና አስቸጋሪ መንግዶችን አልፎ የሚገኝን እርካታና ደስታን ፤ በጥበብ አዋዝቶ ይዳስሳል፡፡ በዘልማድም ለሸክላ ሥራና ለሌሎች የእጅ ሙያተኞች የሚሰጥን የወረደ ክብርና ያልተገባ ስም ለማስቀረት የራሱን አስተዋፅዖ ያደርጋል፡፡ "ሐዋዝ" የግዕዝ ቃል ሲሆን ፤ ትርጓሜውም "የሚያምር" ፣ "ደስ የሚል" ፣ "መልካም" እና "ቆንጆ" የሚል ነው፡፡ ይህንን ውብ ኢትዮጵያዊ ቃል የ "ዩቲዩብ ቻናላችን" መጠሪያ ስም አድርገን የተጠቀምንበት ዋና ምክንያት ፤ በዩቲዩብ ቻናላችን ላይ የሚለቀቁ ሀሳቦች ሁሉ ፤ ከመዝናኛነት በዘለለ … ደስ የሚሉ ፣ የሚያምሩ ፣ እንዲሁም የሰው ልጆችን አዕምሮ ፤ በበጎ ሊያንፁ የሚችሉ ፤ ቅንና ጠቃሚ ጭብጦች የሚተላለፉበት ዩቲዩብ ቻናል እንደሚሆን ፍፁም በመተማመን ነው፡፡