60. నరసింహ శతకం - తెలుగు పద్యాలు 1 & 2 భావం Telugu Poems with Lyrics скачать в хорошем качестве

60. నరసింహ శతకం - తెలుగు పద్యాలు 1 & 2 భావం Telugu Poems with Lyrics

శ్రీ నరసింహ శతకం 18వ శతాబ్దానికి చెందిన శేషప్ప కవి రచించిన ప్రసిద్ధ భక్తి కావ్యం, ఇది ధర్మపురి క్షేత్ర నరసింహునిపై వెలసింది. "భూషణవికాస! శ్రీధర్మపుర నివాస! దుష్ట సంహార! నరసింహ! దురితదూర!" అనే మకుటంతో సాగే ఈ పద్యాలు సరళమైన భాషలో భక్తి, నీతిని బోధిస్తూ అత్యంత ప్రజాదరణ పొందాయి. 1సీ. శ్రీమనోహర । సురా - ర్చిత సింధుగంభీర । భక్తవత్సల । కోటి - భానుతేజ । కంజనేత్ర । హిరణ్య - కశ్యపాంతక । శూర । సాధురక్షణ । శంఖ - చక్రహస్త । ప్రహ్లాద వరద । పా - పధ్వంస । సర్వేశ । క్షీరసాగరశాయి । - కృష్ణవర్ణ । పక్షివాహన । నీల - భ్రమరకుంతలజాల । పల్లవారుణపాద - పద్మయుగళ । తే. చారుశ్రీచందనాగరు - చర్చితాంగ । కుందకుట్మలదంత । వై - కుంఠధామ । భూషణవికాస । శ్రీధర్మ - పురనివాస । దుష్టసంహార । నరసింహ - దురితదూర । తాత్పర్యము: అలంకారములచే ప్రకాశించుచు శోభతో గూడిన ధర్మపురము నివాసముగా గల్లి దుర్మార్గుల నాశనముచేయుచుు పాపములను తొలగించునటైి ఓ నరసింహస్వామి ! లక్ష్మీ దేవికి భర్తవై ‌ సురలచే పూజింపబడి, సముద్రునివంటి గంభీరముగల్గి భక్తులను ప్రేమించువాడనై, కోటిసూర్యుల కాంతియు పద్మములవంటి కన్నులు, శంఖచక్రములను ధరించిన చేతులుగల్గి, హిరణ్యకళ్యపుని సంహరించి, సాధులను రక్షించి, ప్రహ్లాదుని ధన్యుని చేసినవాడవై, పాపములహరించి సమస్తమునకు అధిపతివై పాలసముద్రమున పవళియుండుచు, కృష్ణ వర్ణముకల్గి, గరుడవాహనుడవై భ్రమరకుంతలములుగల్లి, చిగురాకుబోలు పాదపద్మములు, దివ్యాంగమున్ను వైకుంఠవాసమును కల్గిన, ఓనరసింహా ! నీకు మ్రెక్కెదను. 002సీ. పద్మలోచన । సీస - పద్యముల్ నీ మీద జెప్పబూనితినయ్య । - చిత్తగింపు గణ యతి ప్రాస ల - క్షణము జూడగలేదు పంచకావ్య శ్లోక - పఠన లేదు అమరకాండత్రయం - బరసి చూడగలేదు శాస్త్రీయ గ్రంధముల్ - చదువలేదు నీ కటాక్షంబున - నే రచించెద గాని ప్రజ్ఞ నాయది గాదు - ప్రస్తుతింప తే. దప్పుగలిగిన సద్భక్తి - తక్కువౌనె చెఱకునకు వంకపోయిన - చెడునె తీపు? భూషణవికాస । శ్రీధర్మ - పురనివాస । దుష్టసంహార । నరసింహ - దురితదూర । తా. తామరరేకుల పోలు నేత్రములు గలిగిన యో నరసింహస్వామీ! నేను నీమీద కొన్ని సీన పద్యములు చెప్పుటకు పూనుకొంటిని. గణయతి ప్రాసలక్షణముల విచారింపలేదు. పంచకావ్యములను చదువలేదు. త్రికాండ అమరమునుగాని శాస్ర్రగ్రంథములను గాని, చదువలేదు. నీకటాక్షము చేతనే వ్రాసెదను గాని, కొనియాడుటకు నాసామర్ధ్యము గాదుసుమా! చెరకుగడ వంకరగా నుండినను తీయదనం యెలాగు లోటుపడదో అట్లే తప్పులు పడినను మంచి భక్తికి లోపములేదు.