Arma e Aviacionit feston 63-vjetorin e krijimit скачать в хорошем качестве

Arma e Aviacionit feston 63-vjetorin e krijimit

Është zhvilluar paraditen e sotme, në ambientet e Regjimentit të Helikopterëve në Farkë, ceremonia e festimit të 63-vjetorit të krijimit të Aviacionit. Në këtë aktivitet kanë marrë pjesë shefi i Shtabit të Përgjithshëm të Forcave të Armatosura, gjeneralmajor Jeronim Bazo, zëvendësministri i Mbrojtjes z. Dritan Hila, komandantët e forcave, veteranë të Armës së Aviacionit, pilotë të Ministrisë së Brendshme dhe Ministrisë së Shëndetësisë, si dhe atashetë ushtarakë të akredituar në vendin tonë. Ceremonia u hap nga komandanti i Forcës Ajrore, gjeneral brigade Frederik Beltoja, i cili pasi falënderoi pjesëmarrësit për praninë e tyre, vlerësoi punën e të gjithë efektivave ndër vite të Forcës Ajrore. "Forca Ajrore shkëlqeu në vite, sepse në themelet e saj është gjaku i dëshmorëve, të cilët sakrifikuan jetën e tyre duke i dhënë shpirtin e tyre qiellit dhe u bënë kuraja e moshatarëve të tyre dhe brezit më të ri për të vazhduar fluturimin", theksoi në fjalën e tij gjeneral Beltoja. Më pas të pranishmit i përshëndeti shefi i Shtabit të Përgjithshëm të Forcave të Armatosura, gjeneralmajor Jeronim Bazo. "Modernizimi i Forcës Ajrore me teknologji perëndimore si dhe trajnimi i teknikëve dhe pilotëve në këto shkolla kanë bërë që imazhi dhe vizioni i kësaj force të ndryshojë. Me ndryshimet doktrinore dhe strukturore të Forcave të Armatosura ashtu edhe vizioni i Forcës Ajrore është ecja drejt një force të vogël në përmasa, por tërësisht profesioniste, ku spikat profesionalizmi dhe arsimimi i gjithanshëm", ka vlerësuar gjeneral Bazo. Aktiviteti u mbyll me një demonstrim ajror nga pilotët e Regjimentit të Helikopterëve në Farkë.