Homazhe në Varrezat e Dëshmorëve të Atdheut скачать в хорошем качестве

Homazhe në Varrezat e Dëshmorëve të Atdheut

Është përkujtuar sot me nderim dhe përulje dita e Dëshmorëve të Atdheut. Në ceremoninë zyrtare të organizuar me këtë rast në "Varrezat e Dëshmorëve" morën pjesë kryetari i Kuvendit, z. Ilir Meta, Kryeministri i Edi Rama, Ministrja e Mbrojtjes, znj. Mimi Kodheli, shefi i Shtabit të Përgjithshëm i FA të RSH, gjeneralmajor Jeronim Bazo, Ambasadori i SHBA-ve Aleksandër Arvizu, politikanë e zyrtarë të tjerë etj. Personalitetet më të larta të shtetit kanë kryer homazhe dhe kanë vendosur kurora me lule në monumentin "Nënë Shqipëri", në shenjë respekti të thellë për veprën dhe sakrificat e Dëshmorëve që dhanë jetën për lirinë e atdheut. Ministrja e Mbrojtjes znj. Mimi Kodheli dhe shefi i Shtabit të Përgjithshëm të FA gjeneralmajor Jeronim Bazo kryen homazhe dhe vendosën një kurorë me lule dhe pranë varrezave ku prehen trupat e pajetë të pilotëve që kanë shërbyer në Forcat e Armatosura dhe kanë dhënë jetën në krye të detyrës, si dhe në varrin e dëshmorit më të ri, kapiten Feti Vogli, i cili ra në krye të detyrës gjatë kryerjes së misionit paqëruajtës në Kandahar, Afganistan. Ministrja Kodheli dhe gjeneralmajor Bazo u takuan me familjarët e të rënëve dhe u shprehën ngushëllimet më të thella.