Urimi i shefit Shtabit të FA për Vitin e Ri скачать в хорошем качестве

Urimi i shefit Shtabit të FA për Vitin e Ri

Të dashur ushtarakë dhe punonjës civilë të Forcave të Armatosura të Republikës së Shqipërisë, atmosfera festive të fundvitit 2015 dhe dritat shumëngjyrëshe të kudondodhura, sjellin së bashku familjet, miqtë, shokët e kolegët, për të festuar e uruar njëri - tjetrin, por për disa, ky fundvit i gjen larg atdheut e në krye të detyrës, në mbrojtje të paqes e të vlerave të njerëzimit, krah për krah e denjësisht me aleatët tanë. Sot është dita e duhur për të përshëndetur të gjithë pjesëtarët e Forcave të Armatosura që kanë shërbyer ndër vite dhe ata që vazhdojnë të shërbejnë, prandaj Ju drejtohem me përulësi e dashuri për t’Ju përcjellë nga zemra Juve dhe familjeve tuaja, urimet më të mira për një Vit të Ri, me shëndet dhe gëzime në të gjitha fushat. Nder dhe respekt për të gjithë ata ushtarakë që mbajnë në krah e në zemër flamurin kuq e zi. Gjatë vitit 2015, anëtarët e FARSH e kanë gjetur veten të angazhuar në shumë operacione. Ata sakrifikuan në dhënien e ndihmës për popullsinë gjatë rasteve të përmbytjeve, ndihmuan në shuarjen e zjarreve. Njëkohësisht, forcat tona vijuan kontributin e tyre të rëndësishëm në kuadër të Aleancës nëpër misione jashtë vendit. Emri dhe flamuri i vendit u mbajtën kurdoherë lart e krenarë në përmbushjen e detyrave tona gjatë misionit “Resolute Support” në Afganistan, KFOR në Kosovë, ALTHEA në Bosnjë dhe Hercegovinë dhe së fundmi prej 1 muaji në misionin e Bashkimit Evropian në Mali të Afrikës. Ndaj mirënjohja dhe respekti ynë shkon për të gjithë, e në mënyrë të veçantë për ata që misioni i ka thirrur të jenë në roje të lirisë e kremtues të saj. Forcat e Armatosura asnjëherë nuk harrojnë se janë aty edhe për të mbështetur autoritetet civile kur emergjencat e nevojat me të cilat përballen i kalojnë kufijtë e mundësive të tyre. Nga Vermoshi në Konispol. Gjithçka bëni ju, gjithçka bëjnë gratë dhe burrat në uniformë është edhe falë mbështetjes së pakushtëzuar e sakrificës që familjet tona bëjnë. Asnjëherë nuk do mundemi t’ju shpërblejmë sakrificën. Të qenit në këtë detyrë më ka dhënë privilegjin të jem jo rrallë mes atyre që shërbejnë atje ku paqja, liria dhe vlerat e demokracisë janë të kërcënuara. Të dashur kolegë ushtarakë, viti që ne presim do të vijojë të jetë i mbushur me detyra e sfida, të cilat jam mëse i bindur se në sajë të eksperiencës, kurajës, dedikimit, përkushtimit dhe përgjegjshmërisë tuaj, do të arrijmë t’i përballojmë me sukses, duke treguar profesionalizëm. Do të jemi gjithmonë aty për detyrimet tona kushtetuese, njëkohësisht do të vazhdojmë kontributin tonë tashmë të filluar në misionin “Resolute Support” në Afganistan dhe misionet e tjera në Kosovë, Bosnjë dhe Hercegovinë e Mali. Transformimi do të jetë kryefjala e Forcave tona të Armatosura, duke implementuar paketën e re ligjore, strukturën dhe standardet më të mira në kuadër të arsimimit, edukimit, trajnimit e stërvitjes. Ne do të vijojmë modernizimin e FARSH, do të kujdesemi më tepër për të rritur integritetin e figurës së ushtarakut dhe do të jemi seriozë e transparentë në realizimin e objektivave të vendosura nga qeveria dhe Ministria e Mbrojtjes. Të dashur miq, të gjithë ne që kemi mundësinë ta ndajmë gëzimin e festave me familjet e njerëzit tanë të dashur, le të bashkojmë urimet e t’i përcjellim ato për familjet e ushtarakëve tanë në detyrë a mision brenda dhe jashtë vendit. Sakrifica e përkushtimi i tyre është garancia për të festuar e gëzuar në paqe sot e mot. Duke ju siguruar se mbështetja dhe përpjekjet e mia do të mbeten të pakufizuara për një Forcë të Armatosur më të mirë dhe për një Shqipëri më të mirë, edhe një herë ju uroj; Gëzuar Vitin e Ri 2016! Lumturi, shëndet dhe mirëqenie në familjet tuaja! Shefi i Shtabit të Përgjithshëm të FA, gjeneralmajor Jeronim Bazo