စည်ပိုင်းထဲက အလောင်း ၃ ခုနဲ့ တရားခံ ရဲတပ်သားဟောင်း Anthony John Sully - Murder Monday скачать в хорошем качестве

စည်ပိုင်းထဲက အလောင်း ၃ ခုနဲ့ တရားခံ ရဲတပ်သားဟောင်း Anthony John Sully - Murder Monday

အခြားလူမှုကွန်ယက်စာမျက်နှာများ   / storybearsmm     / storybearsmm     / storybearsmm   https://t.me/StoryBearsMM    / @polarbearsdiary   Credit : icon pack @svstudioart on Freepik https://en.wikipedia.org/wiki/Anthony... https://law.justia.com/cases/californ... https://caselaw.findlaw.com/court/us-... ပုံမှန်အခြေအနေမှာဆိုရင် ရဲဆိုတာက မကောင်းမှုဒုစရိုက်တွေကို ကာကွယ်တာဆီးဖို့ စုံစမ်းစစ်ဆေးဖို့နဲ့ ပြည်သူတွေရဲ့ လုံခြုံရေးကို တာဝန်ယူရတဲ့သူတွေဖြစ်ပါတယ်။ ဒါပေမယ့် ဒီလိုတာဝန်ကို ယူထားရတဲ့ ရဲတွေက တခါတလေမှာ ဒုစရိုက်မှုတွေကို ကျူးလွန်သူတွေလည်း ဖြစ်နေတတ်ပါတယ်။ ဒီကနေ့ ကျွန်တော်ပြောပြမယ့် အမှုအကြောင်းကတော့ အမေရိကန်နိုင်ငံ California ပြည်နယ်ကရဲသားက ဒုစရိုက်သားအကြီးစားတစ်ယောက်အဖြစ် ပြောင်းလဲသွားတဲ့အမှုအကြောင်းကို ပြောပြမှာ ဖြစ်ပါတယ်။ ၁၉၈၃ ခုနှစ် ဖေဖော်ဝါရီလကနေ ဩဂုတ်လအထိ ခြောက်လတာ ကာလအတွင်းမှာ သူကျူးလွန်ခဲ့တဲ့ အမှုတွေက ခြောက်ခုတောင်မှ ရှိတာဆိုတော့ နှယ်နှယ်ရရတော့ မဟုတ်ဘူးပေါ့လေ။ ဒါပေမယ့် သူ့အကြောင်းက တော်တော်လူသိနည်းတယ်။ ဒီကနေ့ ကျွန်တော်တို့ရဲ့ Murder Monday အစီအစဉ်ကနေ ဒီလူရဲ့အကြောင်းနဲ့ သူကျူးလွန်ခဲ့တဲ့ ပြစ်မှုတွေ၊ ပြီးတော့ ဘယ်လိုဖြစ်လို့ သူ့ကို ဖမ်းမိခဲ့တယ်၊ သူ့ရဲ့တရားခွင်အကြောင်းနဲ့ စီရင်ချက်အကြောင်းတွေကို တင်ပြပေးသွားမှာ ဖြစ်ပါတယ်။ ဒီလူရဲ့ နာမည်က Anothony John Sully တဲ့။ သူ့ကို ဇန်နဝါရီလ ၂ ရက် ၁၉၄၄ ခုနှစ်မှာ အမေရိကန်နိုင်ငံ ကာလီဖိုးနီးယားပြည်နယ် San Francisco မှာ မွေးဖွားခဲ့ပါတယ်။ ဒါပေမယ့် သူခပ်ငယ်ငယ်လောက်မှာပဲ San Franciso တောင်ပိုင်းက Millbrae ဆိုတဲ့မြို့လေးကို ပြောင်းရွှေ့အခြေချခဲ့ပြီး အဲ့ဒီမှာပဲ အထက်တန်းကျောင်းပြီးတဲ့အထိ ကျောင်းတက်နေခဲ့တယ်တဲ့။ ၁၉၆၀ ခုနှစ်အစောပိုင်းကာလလောက်မှာ Elizabeth Ann ဆိုတဲ့ အမျိုးသမီးနဲ့စတင်တွေ့ဆုံခဲ့ပြီး နှစ်ယောက်သား သမီးရည်းစားဖြစ်ခဲ့ကြတယ်။ အဲ့လိုနဲ့ သူတို့နှစ်ယောက်သား ၅ နှစ်တာလောက် တွဲခဲ့ကြပြီးတော့ ၁၉၆၅ ခုနှစ်မှာတော့ လက်ထပ်ဖြစ်ခဲ့ကြတယ်တဲ့။ သူတို့နှစ်ယောက် မင်္ဂလာဆောင်ပြီး နောက်ပိုင်းမှာ Anothony က ရဲဘက်အလုပ်ကို စိတ်ဝင်စားမှုဖြစ်လာတဲ့အတွက်ကြောင့် Millbrae မှာပဲ ရဲအလုပ်လျှောက်ခဲ့ပြီးတော့ ၁၉၆၆ ခုနှစ်ထဲမှာတော့ ရဲတပ်သားအနေနဲ့ အလုပ်ဝင်ခဲ့တယ်။ သူ့ရဲ့အဓိက တာဝန်က စာတိုက်လုပ်ငန်းတွေနဲ့ လူနေအိမ်ရာတွေရဲ့ လုံခြုံရေးအတွက် ကင်းလှည့်ရတာပေါ့လေ။ သူ့ရဲ့ လုပ်ဖော်ကိုင်ဖက်တွေရဲ့အပြောအရ ပြဿနာဖြစ်ခဲ့တာမျိုးတွေ မရှိဘဲနဲ့ တော်တော်အဆင်ပြေတဲ့ ရဲသားတစ်ယောက်ပါတဲ့။ ဒါပေမယ့် ၁၉၆၉ ခုနှစ်ကိုရောက်တဲ့အခါမှာတော့ သူ့အမျိုးသမီးဖြစ်သူ Elizabeth Ann က တရားရုံးမှာ သူနဲ့ ကွာရှင်းခွင့်တောင်းခံခဲ့ပါတယ်။ Elizabeth ရဲ့အပြောအရ Anothy ဟာ သူ့အပေါ်ကို သူတို့ရဲ့ အိမ်ထောင်သက်တမ်း လေးနှစ်တာကာလမှာ ကိုယ်ထိလက်ရောက် အနိုင်ကျင့် ရိုက်နှက်တာတွေ ရှိခဲ့တယ်၊ အဲ့ဒီအတွက် ဆက်လက်ပေါင်းသင်းဖို့ရာ မဖြစ်နိုင်တော့ပါဘူး။ ကွာရှင်းချင်ပါတယ်ပေါ့။ ဘယ်လိုဖြစ်လို့ လုပ်ဖော်ကိုင်ဖက်တွေက လူကောင်းပါလို့ မှတ်ချက်ပြုချင်းခံရတဲ့ ရဲတပ်သား၊ ပြည်သူတွေကို အကာအကွယ်ပေးရမယ့် ရဲတစ်ယောက်၊ အမှန်တရားဘက်က ရပ်တည်ရမယ့် သူတစ်ယောက်က မိန်းမဖြစ်သူကို အဲ့လို အနိုင်ကျင့်ရိုက်နှက်နေခဲ့တာလဲ။ ဒါတွေကို ဘယ်သူကမှ မသိခဲ့ကြပါလား ပြောစရာရှိပါတယ်။ ဒါက အဲ့ဒီအချိန် ၁၉၆၀ ခုနှစ်တွေမှာမှ မဟုတ်တာ။ အခုခေတ်မှာ တောင် အိမ်တွင်းအကြမ်းဖက်မှုတွေကြောင့် ဒုက္ခရောက်နေကြရတဲ့ အမျိုးသမီးတွေ ကလေးငယ်တွေ အများကြီးရှိနေတာပဲလေ။ အမျိုးသားတွေလည်း အိမ်တွင်းအကြမ်းဖက်ခံရတာ မရှိဘူးမဟုတ်ပေမယ့် အမျိုးသမီးတွေနဲ့ ကလေးငယ်တွေနဲ့ ယှဉ်လိုက်ရင်တော့ အရမ်းကိုမှ နည်းတာပေါ့လေ။ ပြီးတော့ အမေရိကန်မှာတောင် အမျိုးသမီးတွေကို အကြမ်းဖက်မှုမှ ကာကွယ်တားဆီးရေးဆိုတာက ၁၉၉၄ ခုနှစ်ကျမှ တရားဥပဒေတစ်ခုအနေနဲ့ ဖြစ်လာခဲ့တာ။ အဲ့ဒီမတိုင်ခင်ကာလတွေမှာဆိုရင် အိမ်တွင်းအကြမ်းဖက်မှုတွေ ဘာတွေဖြစ်ရင် မိသားစုတရားရုံး Family Court ကနေပဲ အမှုရင်ဆိုင်ရတာ။ Family Court မှာကျတော့ ဒီအမှုတွေကို မတရားမှုအနေနဲ့ တရားစီရင်ဖို့ ခက်ခဲတဲ့ အခြေအနေမှာရှိတယ်တဲ့။ အဲ့ဒီတော့ အိမ်တွင်းအကြမ်းဖက်မှုကို ခံစားကြရတဲ့သူတွေမှာ အနိုင်ကျင့် နှိပ်စက်တဲ့သူတွေရဲ့ ဒဏ်ကို ခါးစည်းပြီး ခံရတဲ့အနေအထားမှာရှိတာပေါ့လေ။ အဲ့ဒီတော့ ဒီလိုကိစ္စတွေ နောက်ကွယ်မှာဖြစ်ပျက်နေပါတယ်ဆိုတာ လူမသိတာကလည်း မထူးဆန်းဘူး ပေါ့လေ။ ဒီလိုမျိုး တရားရုံးမှာ ကွာရှင်းခွင့်လျှောက်ခဲ့ရတဲ့အကြောင်းအရင်းက အိမ်တွင်းအကြမ်းဖက်မှု ကြောင့်ဆိုတာကို အပြင်လူတွေမပြောနဲ့ Anothy ရဲ့ လုပ်ဖော်ကိုင်ဖက် ရဲသားတွေတောင် သိချင်မှ သိကြမှာ။ အဲ့လိုနဲ့ ၁၉၇၄ ခုနှစ်ထဲမှာတော့ Anthony က ရဲဌာနကနေ အလုပ်ထွက်ခဲ့တယ်။ ပြီးတော့ Donna ဆိုတဲ့ အမျိုးသမီးတစ်ယောက်နဲ့ ဒုတိယအိမ်ထောင်ပြုခဲ့တယ်တဲ့။ ဒီအမျိုးသမီးမှာက အရင်အိမ်ထောင်နဲ့ ရထားတဲ့ သမီးတစ်ယောက်ပါလာတယ်။ အဲ့လိုနဲ့ Donna နဲ့ သူ့သမီးလေးက Anothy နဲ့ တူတူလာနေ ကြတယ်ပေါ့လေ။ သူတို့အဲ့လိုလက်ထပ်ပြီးတော့ တစ်နှစ်နဲ့ သုံးလကြာတော့ Donna ကလည်းပဲ Anthony နဲ့ ကွာရှင်းဖို့ တရားရုံးကို လျှောက်ထားပါတယ်။ အကြောင်းရင်းက Anthony သည် သူ့ကို အမြဲတမ်းလိုလို ကိုယ်ထိ လက်ရောက် ညှဉ်းပန်းနှိပ်စက်နေလို့ပါတဲ့။ ဒီကွာရှင်းပြတ်စဲမှုက ချောချောမွေ့မွေ့နဲ့ ပြီးသွားတာတော့ မဟုတ်ဘူး။ အဲ့လိုနဲ့ Donna က သူ့သူငယ်ချင်းတစ်ယောက်အိမ်မှာ ခဏသွားနေနေရတယ်တဲ့။ အဲ့လို သူနေနေတဲ့ ကာလမှာ Anothny က Donna သူငယ်ချင်းအိမ်ကိုရော Donna အလုပ်ကိုရော ဖုန်းခဏခဏ ဆက်ပြီး ခြိမ်းခြောက်တာတွေ လုပ်တယ်တဲ့။ #storybears #storybearsmm #myanmar #truecrime #မှုခင်း #ဖြစ်ရပ်မှန်