Weet Julle Nie? скачать в хорошем качестве

Weet Julle Nie?

In 'n tyd waarin onsekerheid en vrees so maklik in ons vatplek kry, is die enigste konstante waarin ons kan vasklou, God se Woord. Tydens vandag, 8 Oktober 2018, se preek, was een van die teksverse en God se belofte uit Jesaja 40:28. "Weet julle nie, het julle nie gehoor nie? Die Here is God vir altyd, Hy het die hele wêreld gemaak. Hy word nie moeg nie en Hy rus nie, en niemand kan weet hoeveel die Here weet nie." Tydens Bybelstudie hierdie week, het ek ook Matteus 10:29 oor die mossies weer raakgelees, maar daar was 'n storie wat daarmee gepaardgaan. Die storie vertel hoe die twee mossies op die ou Suid-Afrikaanse eensent muntstuk beland het. Ek het die storie probeer verifieer deur na verskillende bronne te verwys op die internet, maar ek kon geen historiese bronne vind wat die storie bevestig het nie. Ek aanvaar dit is oorvertel, maar ek deel dit tog hier. Hierdie weergawe kom van die webtuiste www.randcoin.co.za. The sparrows depicted on the 1 c coin of 1965 are Cape Sparrows. Their distribution is confined to South Africa and Namibia. The story of the origin of the sparrows on the 1 cent coin has been told in a number of texts. Although difficult to verify using written historical records, the use of the sparrows apparently has its origins during the South African War of 1899 to 1902. The conditions in the concentration camps were so harsh and the women and children detained in these camps had a continuous battle for survival. After the war, some of the survivors visited the farm of the Free State President M T Steyn, Onze Rust, near Bloemfontein. There they lobbied Mrs Steyn that if South Africa ever minted its own coins, the two sparrows should appear on the smallest denomination coin in remembrance of victims and survivors of the concentration camps. The person assumed to have suggested the sparrow design to Mrs Steyn was Jacoba Marais from the farm Vlakfontein near Bloemfontein, referring to the biblical sparrows in a verse taken from the Dutch Bibles of the time, Matthew10:29. The verse read as follows, " Worden niet twee musjes om een penningsken verkocht? En niet een van deze zal op de aarde vallen zonder uw Vader." The general English translation from the Dutch would be " Will not two sparrows be sold for a penny? And none of these will fall on the earth without your Father." Hier is nog 'n weergawe van die storie soos vertel op bvv.bybelmedia.org.za. Skynbaar het ‘n boerevrou, Anette Marais, meer as ‘n honderd jaar gelede agter die hoë draad van ‘n konsentrasiekamp haar medekampgenote een oggend uit die Bybel probeer troos en bemoedig. Die vorige nag het sy in haar gebede gesmeek dat haar God tog aan haar ‘n boodskap sal gee. Haar teks vir die oggend was Matteus 10:29 wat handel oor God se sorg vir die geringstes, met name die mossies van die veld. Dit was terwyl sy besig was om dié woorde te lees toe die onverwagse gebeur het. Uit die bloute het daar op daardie oomblik skielik ‘n vaal klein mossie op haar skouer kom sit. Almal teenwoordig was met verbasing en verwondering gevul. Hulle kon nie anders as om hierin ‘n teken van hoop te sien nie – die hoop dat God in hierdie uitsiglose situasie steeds by hulle sal wees en vir hulle sal sorg, net soos vir die klein mossies. Trouens, in die maande wat gevolg het, het die mossie die simbool van hoop geword waaraan die vroue van die konsentrasiekamp in Bethulie vasgehou het. Ná die oorlog in 1902 het Anette Marais as oorlewende op pad terug huis toe die storie aan ‘n invloedryke vriendin vertel. Sy het dit weer aan Generaal Jan Smuts oorvertel. Die gevolg was dat die teken van die mossie in 1923 op die land se kleinste muntstuk verskyn het. Selfs al verskyn die simbool vandag nie meer op enige muntstuk nie, bly die boodskap daarvan staan. Dit is dat die God van die Bybel na ons omsien, maak nie saak hoe gering en weerloos ons is nie. Hierdie teksvers het meer as 'n 100 jaar gelede aan mede Suid-Afrikaners hoop gebring, en in hierdie tyd wat ons hoop so nodig het, herinner hierdie liedjie ons dat ons hoop en vertroue in God nooit moet beskaam nie.