కర్మ ఫలితం скачать в хорошем качестве

కర్మ ఫలితం

కర్మ ఫలితం అది కాలిఫోర్నియాలోని ఒక సముద్రతీరం. మధ్యాహ్నవేళ నులివెచ్చటి ఇసుకలో కూర్చుని ఆ సముద్రపు కెరటాలవంక తదేకంగా చూస్తూ, దీర్ఘాలోచనలో ఉన్నాడు కేశవ. 'ఎంతటివారైనా కర్మఫలితం అనుభవించక తప్పదురా!', అని తనతో గంగవ్వ అన్న మాటలు కేశవకు పదే పదే గుర్తుకొస్తున్నాయి. కేశవ గంగవ్వను వదిలిపెట్టి అమెరికాకు వెళ్లి పాతికేళ్లపైనే అయ్యింది. కానీ ఆమె జ్ఞాపకాలు ఇప్పుడు కేశవను చుట్టుముడుతున్నాయి! గంగవ్వకు కేశవ అంటే చెప్పలేనంత ప్రాణం. సుమారుగా నలభైయేళ్ల క్రితం, భారతదేశంలోని ఒక మారుమూల పల్లెటూరిలో, తల్లిదండ్రులులేని చిన్నారి కేశవను గంగవ్వ దగ్గరకు తీసి, అతడు ఉండడానికి తన పాకలో చోటిచ్చింది. తను ఎన్నడూ బడికి వెళ్లి చదువుకోకపోయినా కేశవను మంచి బడికి పంపి చదివించింది. కేశవ కోసం ఎన్నో త్యాగాలను చేస్తూ, కష్టాలను ఓర్పుతో సహిస్తూ, తను కడు బీదరికాన్ని అనుభవిస్తూ కూడా కేశవ ఇబ్బంది పడకుండా ఉండటానికి కావలసినవి అతడికి సమకూరుస్తూ, కేశవను ఎంతో గారాబంగా పెంచింది గంగవ్వ.