ՀՊՏՀ «Ֆինանսներ» մասնագիտության մասին скачать в хорошем качестве

ՀՊՏՀ «Ֆինանսներ» մասնագիտության մասին

💰ՀՊՏՀ «Ֆինանսներ» մասնագիտության ուսուցումը առկա բակալավրիատում 4 տարի է։ Ընդունելության քննական առարկաներն են՝ «Մաթեմատիկա»՝ պարտադիր, «Հայոց լեզու և գրականություն» կամ «Օտար լեզու»՝ ընտրովի։ Քննությունները գրավոր-թեստային են։ Ուսման վարձը 600․000 ՀՀ դրամ է։ Կառավարել ֆինանսները, նշանակում է կառավարել աշխարհը։ Ֆինանսների մասնագետները տնտեսությանն անհրաժեշտ են թե՛ լավ, թե՛ վատ իրավիճակներում։ Ֆինանսական հմտությունները թույլ են տալիս վերլուծել տնտեսական իրավիճակը, ֆինանսական ցուցանիշները ու տվյալները, ընդունել ռազմավարական որոշումներ: Անկախ նրանից, սկսում եք ձեր սեփական բիզնեսը, թե կառավարում եք անձնական ֆինանսները, ֆինանսական գիտելիքների տիրապետումը կարող է ապահովել ձեր հաջողությունը։ Ֆինանսներ սովորելը հնարավորություն է տալիս ընդունելու ճիշտ ներդրումային որոշումներ, կատարելու հաջող գործարքներ ֆինանսական շուկայի տարբեր հատվածներում՝ բաժնետոմսերի, պարտատոմսերի, ինչպես նաև անշարժ գույքի և այլ ակտիվների շուկաներում, հասկանալու ֆինանսական շուկաները, գործընթացները, վերլուծելու և կառավարելու ֆինանսները, մեծացնելու սեփական բարեկեցությունը։ Ֆինանսները գլոբալ մասնագիտություն է, չի ճանաչում ո՛չ ազգություն, ո՛չ էլ աշխարհագրական սահմաններ։ Ֆինանսների իմացությունը հնարավորություն է ստեղծում առանց որևէ խնդրի աշխատանք գտնելու ցանկացած երկրում, միջազգային և բազմազգ կորպորացիաներում։ Անձնական ֆինանսների կառավարման ժամանակ ֆինանսական գիտելիքներն ապահովում են բյուջետավորման, խնայողությունների, ներդրումների, կենսաթոշակային պլանավորման և պարտքի կառավարման արդյունավետ որոշումների ընդունումը, ինչը հանգեցնում է ավելի մեծ ֆինանսական անվտանգության և ազատության: ‼️Լրացուցիչ հարցերի դեպքում զանգահարեք (+374 10) 59-34-73, (+374 41) 76-40-41