獨家丨關曜儁聖誕公布第三胎性別 張振朗鼓吹兄弟生夠六個 скачать в хорошем качестве

獨家丨關曜儁聖誕公布第三胎性別 張振朗鼓吹兄弟生夠六個

獨家丨關曜儁聖誕公布第三胎性別 張振朗鼓吹兄弟生夠六個 大隻仔關曜儁Leo實現三年抱三，早前興奮公布老婆 楊韻璇Twinkle 懷有第三胎嘅喜訊，趁住聖誕節佳節同大家分享驚喜，Leo同親友舉辦咗個BB揭曉派對，圈中嘅好兄弟 張振朗Owen Cheung 、 周嘉洛Kalok Chow 同 朱敏瀚Brian Chu 都有一齊嚟估吓BB嘅性別。 作為爸爸嘅Leo有心有力，今胎佢一早就預測係仔，結果願望成真，佢仲講笑話生仔唔會受傷害，而振朗就估生女，因為自己覺得生女會更開心，而朱仔就認為生仔會更好玩更有動力，可以同爸爸一齊做運動。 人人都話生一個小朋友最少要400萬，Leo即將生第3個小朋友，呢個數字真係好可觀，但Leo呢位慈父就話最緊要係令小朋友開心快樂成長，身邊幾位兄弟即鼓吹佢再生多啲，特別係振朗，佢話以Leo嘅經濟能力、屋企大嘅程度，家族好強大，起碼要生夠六個啦，Leo剩勢多謝幾位契爺嘅相助。嘉洛笑言想做第七個小朋友，激發朱仔講出真心話：「令我唔想派利是，一派就起碼三、四封。」場面搞笑。 Leo已經開始灌輸一對子女屋企即將有新成員加入，等小朋友慢慢適應會多個細佬，三位兄弟即刻模擬扮Leo嘅仔女爭寵，嘉洛自稱最乖要做大女，朱仔同振朗就做兄弟，令Leo可以實習吓面對三個子女同時叫爸爸嘅實況。 #關曜儁 #三年抱三 #聖誕節 #張振朗 #周嘉洛 #朱敏瀚 #派利是 #爭寵 #新成員 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0