姚焯菲代好姊妹Yumi澄清緋聞 自爆紐約生活難敵美食誘惑 скачать в хорошем качестве

姚焯菲代好姊妹Yumi澄清緋聞 自爆紐約生活難敵美食誘惑

姚焯菲代好姊妹Yumi澄清緋聞 自爆紐約生活難敵美食誘惑 鍾柔美Yumi 同 劉展霆Eden 喺 Boxing Day傳出緋聞，女方疑似錯手PO出男方從後擁抱兼錫佢面珠嘅動態圖，究竟19歲嘅Yumi同32歲嘅Eden係咪拍拖，當然要問下Yumi嘅好姐妹姚焯菲Chantel 啦。 Chantel 一聽到 Yumi 同 Eden 拍拖嘅問題即忍唔住笑：「其實嗰個係大家一齊玩遊戲，我覺得就唔需要咁認真嘅。」而二人共同朋友 張馳豪Aska 亦幫口，指佢哋應該係玩緊「Truth or Dare」，大家只係玩得太投入啫。至於二人是否拍拖，Chantel就叫大家問返當事人喇！ 呢日 Chantel 同 Aska 現身工展會擔任表演嘉賓，吸引大批粉絲到場支持，Chantel難得放假返香港，當然要update下佢喺紐約嘅大學生活啦！Chantel 話因為同學都係愛音樂之人，所以課堂氣氛非常好。至於紐約嘅生活都好開心，不過Chantel 就自爆屋企附近太多美食，實在太多誘惑啦！ 《萬千星輝頒獎典禮2025》第二階段投票 2025年12月28日晚上截止https://www.tvb.com/p100020 《萬千星輝頒獎典禮2025 》舉行在即，Aska上年勇奪「最佳男新人」，今年繼續有份入圍「飛躍進步男藝員」，不過就唔見佢好似其他人咁積極拉票，Aska表示：「可以入圍已經係一個好好嘅肯定，所以我覺得佛系啦，因為對手都太強。」至於有份入圍女新人嘅Chantel 同樣抱持佛系心態，佢仲搞笑話覺得自己其實已經唔可以叫新人啦！ #鍾柔美 #劉展霆 #姚焯菲 #張馳豪 #玩遊戲錫面 #TruthOrDare #工展會 #紐約大學 #美食誘惑多 #萬千星輝頒獎典禮2025 #飛躍進步男藝員 #最佳女新人 #佛系 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0