TRIKITRAKA TRIKITRON 2003 (1x03) Basauri – “KAKUSAI TIRANOA” скачать в хорошем качестве

TRIKITRAKA TRIKITRON 2003 (1x03) Basauri – “KAKUSAI TIRANOA”

Euskal Telebistak 2002. urtean zehar emititutako Trikitraka Trikitron programaren 1. denboraldiko 4. atala da hau, 2002. urteko abenduaren 16ean Basauriko Social antzokian grabatua. Atal honetan, Txiribitonek Jaurlaritzako bandoa ekarriko du. Bertan dioen bezala, geltokian hauteskundeak egin beharko dituzte, geltokiko nagusia zein izango den erabakitzeko. Pailazo bakoitzak bere kandidatura aurkeztuko du, baita Maitanek eta Pepittok ere. Kakusai bere ere, geltokiko nagusia izateko bere estrategia erabiliko du. Ondoren, Txirrik eta Mirrik Txiribitonen botoa irabazi ahal izateko, haren botoa erosten saiatuko dira. Horretaz gain, haurrek Pelipe trenari jaten emateko ikatz-jaurtiketan arituko dira. Hori gutxi balitz, Elvi sabel-hiztuna, Sisi txoritxoa eta Prantxiska loreontzia ere geltokian izango dira. Azken partean, Luisa Fernanda Smith azalduko da geltokian. Hauteskundeetako bozkaketa egin ondoren, bera izango da irabazlea. Hori dela eta, Txirri, Mirri eta Txiribiton haren neskameak bihurtuko dira. Gainera, Txirri, Mirri eta Txiribitonek abesti hauek abestuko dituzte: “Zapi zuria”, “Behin edo behin”, "Arrinkun Trinkun Trankun” eta “Altza Pelipe!”.