Ndryshimet në qeveri, Berisha: Lëvizje të Ramës për të shpëtuar lëkurën e tij скачать в хорошем качестве

Ndryshimet në qeveri, Berisha: Lëvizje të Ramës për të shpëtuar lëkurën e tij

Kryetari i Partisë Demokratike, Sali Berisha, ka reaguar në rrjetet sociale pas ndryshimeve në qeveri, ku mes të tjerëve u largua nga posti i zv/kryeministres dhe ministres së Infrastrukturës dhe Energjisë, Belinda Balluku. Sipas Berishës, ndryshimet në qeveri janë kryer nga kryeministri Edi Rama “për të shpëtuar lëkurën e tij”. Ai kërkoi dorëheqjen e kreut të qeverisë. “Lëvizja e fundit e Edi Ramës është një lëvizje me të cilën kërkon të shpëtojë lëkurën e tij. Është një lëvizje që fton qytetarët shqiptarë, opozitën shqiptare të vazhdojë fuqishëm protestat, pasi kryengritja paqësore e shqiptarëve synon, ka si qëllim kryesor, madhor, shpëtimin e Shqipërisë nga Edi Rama dhe jo kukullat e tij. Me lëvizjen e tij ai përpiqet të mashtrojë njerëzit në një kohë kur ai është kreu i organizatës kriminale që ai drejton. Ndaj dhe i kërkoj dorëheqjen e tij të menjëhershme, përndryshe do përballet me opozitën dhe mbarë popullin shqiptar. Edi Rama nuk ka më pranverë për qeverinë tënde dhe për ty; Je shkaku i të gjitha problemeve të mëdha që përballen sot shqiptarët”, tha Berisha. Kujtojmë se përveç Ballukut, pas mbledhje së grupit parlamentar të Partisë Socialiste u mësua largimi nga qeveria edhe i Pirro Vengut si ministër i Mbrojtjes dhe Elisa Spiropalit si ministre për Europën dhe Punët e Jashtme. Vendin e Ballukut si zv/kryeministre do ta pasojë Albana Koçiu, ndërsa si ministër i Infrastrukturës dhe Energjisë, Enea Karakaçi. Ndërkohë si ministër i Jashtëm u njoftua Ferit Hoxha, ndërsa si ministër i Mbrojtjes, Ermal Nufi. Besfort Lamallari u largua nga posti i ministrit të Drejtësisë, por jo nga qeveria. Ai do të zëvendësojë Albana Koçiun si ministër i Brendshëm. Ndërsa Toni Gogu u ngarkua me detyrën e ministrit të Drejtësisë. Një emër i ri në qeveri do të jetë Erjona Ismaili e cila zëvendëson Gogun si ministre për Marrëdhëniet me Parlamentin. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan