موفتی پێنجوێنی؛ موددەتێکە من بە مەخفی شیوەن و گریان ئەکەم - شیعری کوردی «بۆ نیشتمان» скачать в хорошем качестве

موفتی پێنجوێنی؛ موددەتێکە من بە مەخفی شیوەن و گریان ئەکەم - شیعری کوردی «بۆ نیشتمان»

بۆ نیشتمان هۆنراوەی:موفتی پێنجوێنی خوێندنەوە:بێهزاد موحەممەدی [ telegram:https://t.me/behzadakurd ] موددەتێکە من بە مەخفی شیوەن و گریان ئەکەم هەر خەیاڵی خاک و قەومی میللەتی کوردان ئەکەم ڕوو بە سەحرا سەرئەنێم و قوڕ ئەپێوم پڕبەدڵ بێ خەبەر وا تێ ئەگەن من بێ خەمم سەیران ئەکەم ئاوی چەشمەی چاوەکانم وا بە هەوری خەم تەقی شۆخی و یاری بە زۆری بە ئاوەکەی سیروان ئەکەم هێندە غەرقی شینم و خەرقەم بە شینی کردە بەر قیمەتی پیرۆزە بێ شک زووبەزوو هەرزان ئەکەم بۆ کەسێکی عاشقی خاک و وەتەن گەر بێتە لام گەر کەبابی مەڕ نەبێ جەرگ و دڵم بریان ئەکەم من ئەگەر لافی ئەدیبی نێ لە سەرما بۆ تەماع کەی برای خاک و وەتەن مەیلی بە تیرباران ئەکەم دەوڵەمەندی خێڵی کوردی خێر و قوربانی ئەکەن من کە بێ پارەم سەرم بۆ قەومەکەم قوربان ئەکەم بێت و گەر دەرچم لە شارا، ڕوو بە سەحرا بۆ ئەچم ڕوو لە شاخ و بەردی شۆخی خاکی هەورامان ئەکەم ئەم دڵە خەمناکە چونکە هەر هەوای بەرزی ئەوێ جاربەجارێ یادی سەوزی گەردنی گاڕان ئەکەم داخی داخانم کەلیخانم لە دەست دەرچوو نەما ئێستە وەک جافی لەمەوبەر ئارەزووی کوێستان ئەکەم کۆمەڵی تیپی وەنەوشە و قارچک و ڕێواسەکەی بۆ دەروونی لەتلەتم دەرمانی وەک لوقمان ئەکەم من کە دارمازووم ببێ تا هەژدە بەر بگرێ بە ڕیز تازە بۆ فکری گوڵاڵە و داری هیندستان ئەکەم دەردەکانم بێ سەر و سامانە چاری ناکرێ بەم قسە و باسانە ئەم دەردانە من دەرمان ئەکەم موفتی بۆ ئەم خێڵە یا ئەم خاکە تا ماوی بڵێ قوڕ بە هەر دوو دەست لە تەوقی سەر هەتا دامان ئەکەم