當年今日 1974年4月25日 葡萄牙康乃馨革命 скачать в хорошем качестве

當年今日 1974年4月25日 葡萄牙康乃馨革命

老友，早晨！ 你知唔知道，1974年今日，葡萄牙發生過一件大事呢！ 康乃馨革命（葡萄牙語：Revolução dos Cravos），又稱四二五革命，指葡萄牙首都里斯本喺1974年4月25日發生嘅一次軍事政變。 第二次世界大戰後，殖民帝國英國及法國等紛紛自願或被迫放棄其殖民地。但葡萄牙嘅薩拉查反共政權就拒絕放棄殖民地，所以佢仍然維持住相對龐大嘅殖民帝國。葡萄牙憑藉加入美國領導嘅北約，嘗試抵抗殖民地發起嘅反殖浪潮，並因此爆發了殖民戰爭（1961年-1974年）。長久嘅戰爭和龐大嘅軍費令薩拉查軍政權，失去了很多葡國人民，特別係中下級軍官嘅支持。 呢啲中下級軍官組成了「武裝部隊運動」（Movimento das Forças Armadas），喺1974年4月25日喺里斯本發起政變，期間有好多平民自發參與。 政變期間，民眾將康乃馨插喺軍人嘅步槍上，康乃馨革命就由此而來。呢個革命推翻咗20世紀西歐為期最長嘅獨裁政權（42年），之後引發了兩年混亂嘅「過渡時期」，政府更替頻繁，10年內更換15個總理。 此後政府宣布實行非殖民化政策，放棄海外殖民地，導致世界各殖民地紛紛脫離葡國統治獨立。然而因撤離時未有善後，前殖民地莫三比克、安哥拉獨立後隨即爆發多年內戰，葡萄牙被迫收容多達100萬葡裔難民（喺葡萄牙稱之為「歸僑」Retornados）。 同普通暴力革命相對比，葡萄牙康乃馨革命者採用和平方式來達成目標，而冇經過大規模嘅暴力衝突獲得成功。為紀念呢日，葡萄牙將4月25日定為自由日。 （如果想日日學習歷史小知識，歡迎喺YouTube訂閱本頻道。）