KNU တပ်မဟာ ၇ နဲ့ တိုက်ပွဲမှာ စစ်ကောင်စီတပ် အသေအပျောက်ရှိ | People's Spring скачать в хорошем качестве

KNU တပ်မဟာ ၇ နဲ့ တိုက်ပွဲမှာ စစ်ကောင်စီတပ် အသေအပျောက်ရှိ | People's Spring

KNU တပ်မဟာ ၇ နဲ့  တိုက်ပွဲမှာ စစ်ကောင်စီတပ် အသေအပျောက်ရှိ   ဖေဖော်ဝါရီ-၂၅၊ ၂၀၂၆။ People's Spring   KNU  ဖားအံခရိုင်၊ တပ်မဟာ(၇)နယ်မြေ  ပိုင်ကျုံဒေသအတွင်း ဖေဖော်ဝါရီ ၂၃ ရက်က စစ်ကောင်စီတပ်နဲ့တိုက်ပွဲဖြစ်ရာမှာ စစ်ကောင်စီတပ်ဖွဲ့ဝင်နှစ်ဦးသေဆုံးတယ်လို့ KNU ဗဟိုက ဖေဖော်ဝါရီ ၂၄ရက် မနေ့ ညပိုင်းမှာ ထုတ်ပြန်ပါတယ်။   စစ်ရေးလှုပ်ရှားလာတဲ့ စစ်ကောင်စီတပ်စစ်ကြောင်းနဲ့  KNU တို့ ထိတွေ့တိုက်ပွဲဖြစ်ရာမှာ စစ်ကောင်စီတပ်ဖွဲ့ဝင် နှစ်ဦးသေဆုံးပြီး ရှစ်ဦး ဒဏ်ရာရတယ်လို့ KNU ဗဟိုက ဆိုထားပါတယ်။    People's Spring အနေနဲ့ တော့ စစ်ကောင်စီတပ်ဖွဲ့တွေ ထိခိုဒဏ်ရာရနဲ့ သေဆုံးစာရင်းကို သီးခြားအတည်မပြုနိုင်ပါဘူး။   ပိုင်ကျုံမြို့မှာ စစ်ကောင်စီတပ်က ပြီးခဲ့တဲ့ဇန်နဝါရီလကတည်းက ရွေးကောက်ပွဲလုံခြုံရေးအကြောင်းပြပြီး အင်အားအလုံးအရင်းဝင်ရောက်နေရာယူထားတာကြောင့် နှစ်ဖက်စစ်ရေးတင်းမာမှုတွေ ရှိနေတာပါ။   ဖေဖော်ဝါရီ ၂၃ ရက်ကတော့ ပိုင်ကျုံမြို့ပေါ်ကနေ ဒေါနတောင်ခြေဘက်ကို ဦးတည်လာချိန်မှာ စစ်ကောင်စီတပ်နဲ့ KNU ပူးပေါင်းတပ်တွေအကြားပစ်ခတ်မှု ဖြစ်ပွားခဲ့တယ်လို့ ကရင်သတင်းရင်းမြစ်ကလည်း  ဆိုပါတယ်။   ပိုင်ကျုံမြို့ရဲ့မြောက်ဘက် ပညာပလီးရွာဘက်ကို စစ်ကြောင်းထိုးဝင်ရောက်လာတဲ့အတွက် KNU တပ်မဟာ (၇) နဲ့ နာရီအနည်းငယ်ကြာ ပစ်ခတ်မှုဖြစ်ပွားခဲ့တယ်လို့ ကရင်သတင်းရင်းမြစ်က ပြောပါတယ်။   စစ်ကောင်စီတပ်ဟာ ပိုင်ကျုံမြို့ကို အခြေပြုပြီး မြို့ရဲ့ မြောက်ဘက် ဒေါနတောင်ခြေအောက်က ကျေးရွာတွေဖြစ်တဲ့ ပညာပလီး၊ လော်ကော်၊ ဖားကပ်၊ ညာမရော၊ မိကြောင်၊ တမိုလာခီးကျေးရွာတွေဆီ ဦးတည်နေတာပါ။   အဲဒီကျေးရွာကနေတဆင့် ပွိုင့်(၉၂၈)စခန်း၊ နော်တရာ(နောင်ခလာ)စခန်းအတိုင်း ထိုင်း-မြန်မာနယ်စပ် အနီးက တာလယ်ဗျုဟာဘက်ကို ဆင်းလာပြီး စစ်ကြောင်းထိုးဖို့ လုပ်ဆောင်လာတာလို့ သိရပါတယ်။   စစ်ကောင်စီတပ်ဟာ  KNU တပ်မဟာ (၇) ဆီ လက်လွှတ်လိုက်ရတဲ့ ဒေါနတောင် အရှေ့ခြမ်းက ခလယ်ဒေး၊ မယ်လ၊ မော်ဖိုးကေ၊ မော်ဖားသူး၊ ပူလူးတူ၊ တခေါ်ဘီခွီး၊ တာလယ်ဗျူဟာအစရှိတဲ့ နယ်စပ် တပ်စခန်းတွေ ပြန်လည်ရယူဖို့အတွက် ဒီ ဖေဖော်ဝါရီ နောက်ဆုံးပတ်မှာ စစ်ရေးလှုပ်ရှားလာတာပါ။   ပိုင်ကျုံမြို့အနီးက စစ်ရေးအခြေအနေကြောင့် အနီးအနားကျေးရွာတွေက ဒေသခံတွေဟာ ဘေးလွတ်ရာဆီ ထွက်ပြေးတိမ်းရှောင်နေကြရပါတယ်။   ထိုင်း-မြန်မာနယ်စပ်အနီး ကရင်ပြည်နယ်၊ လှိုင်းဘွဲမြို့နယ် ဒေါနတောင် အရှေ့ဘက်က ခြေကုပ်တပ်စခန်းတွေကို KNU က ထိုးစစ်ဆင်ရာမှာ စစ်ကောင်စီတပ်က လက်လွှတ်ထားခဲ့ရပါတယ်။   စစ်ကောင်စီတပ်ဟာ KNU တပ်မဟာ (၇) ဆီရောက်သွားတဲ့ နယ်စပ်စခန်းကိုရဖို့ စစ်ရေးလှုပ်ရှားလာနေသလို မြဝတီမြို့တောင်ဘက် တပ်မဟာ(၆)နယ်မြေကို စိုးမိုးနိုင်ဖို့အတွက်လည်း ထိုးစစ်ဆင်နေပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA