အာဏာရှင်တွေ မျက်မုန်းကျိုးတဲ့ တေးရေးဆရာ (ရုပ်/သံ) скачать в хорошем качестве

အာဏာရှင်တွေ မျက်မုန်းကျိုးတဲ့ တေးရေးဆရာ (ရုပ်/သံ)

အာဏာရှင်တွေ မျက်မုန်းကျိုးတဲ့ တေးရေးဆရာ (ရုပ်/သံ) ဧရာဝတီ၊ ဖေဖော်ဝါရီ ၇၊ ၂၀၂၅ စစ်အာဏာရှင် ဆန့်ကျင်ရေး ဆန္ဒပြပွဲတွေမှာ ပြည်သူတွေ ဟစ်ကြွေးသီဆိုခဲ့ကြတဲ့ “ကမ္ဘာမကြေဘူး” တေးသီချင်းကို ရေးသားခဲ့တဲ့ တေးရေးဆရာ၊ ကဗျာဆရာနိုင်မြန်မာ ဟာ ၂၀၂၅ ခုနှစ် ဖေဖော်ဝါရီလ ၇ ရက်နေ့ မနက်ပိုင်းမှာဘဲကွယ်လွန်သွားခဲ့ပါတယ်။ ရုတ်တရက် သူ့ရဲ့ နာရေးသတင်းထွက်ပေါ်လာပြီး မိနစ်ပိုင်းအကြာမှာပဲလူမှုကွန်ရက်သုံးတဲ့ အလွှာစုံပြည်သူတွေ အကြားမှာ နှမြောတသသ ရေးသားကြတဲ့သတင်းစကားမှတ်ချက်တွေ ဆက်တိုက် တွေ့မြင်ခဲ့ရပါတယ်။ နိုင်မြန်မာဟာ Dust in the wind ရဲ့ သံစဉ်ကို မြန်မာစာသားသွင်းပြီး ကမ္ဘာမကြေဘူးသီချင်းကို ရေးသားခဲ့တာ ၁၉၈၈ အရေး တော်ပုံကာလကစလို့ နှစ်ပေါင်းလေးဆယ်နီးပါး ကြာမြင့်သွားပြီဆိုပေမယ့် ၁၉၈၈ လူထုအရေးတော်ပုံ အပါအဝင်နောက်ပိုင်းဒီမိုကရေစီရေးလှုပ်ရှားမှု ဆန္ဒပြပွဲတွေပွဲအခမ်းအနားတွေနဲ့ ချီတက်အလေးပြုမှုတွေမှာ မပါမဖြစ် သီဆိုဟစ်ကြွေးကြတဲ့တော်လှန်ရေး သီချင်းတပုဒ်ဖြစ်ခဲ့ပါတယ်။ တကျော့ပြန်စစ်အာဏာသိမ်းတဲ့ ၂၀၂၁ မှာလည်း ကမ္ဘာမကြေဘူးသီချင်းက လူထုကြားပြန်လည်ပျံ့နှံလာခဲ့ပြီး လူထုဆန္ဒပြပွဲတွေမှာ လူသန်းနဲ့ချီကိုစိတ်ဓါတ်တက်ကြွအောင် နှိုးဆွပေးတဲ့သီချင်းအဖြစ်ဆက်လက်ရှင်သန်စီးဆင်းခဲ့ပါတယ်။ ဒီသီချင်းသာမကပဲနိုင်မြန်မာဟာ ပလက်ဖောင်းရှိုး၊ ဒုံးယိမ်းည၊ ကိုယ်ရံတော်တပ်မှူးလေး၊ ဝါဆို၊ တူနှစ်ကိုယ်တိုင်းပြည်၊ အခုတော့ပါးစပ်ရာဇဝင်လေးဖြစ်ခဲ့ပြီ စတဲ့သီချင်းကောင်းများစွာကိုလည်း သူ့ရဲ့ပရိတ်သတ်ကို တသသဖြစ်နေအောင်ချန်ထားခဲ့တာဖြစ်ပါတယ်။ ကိုယ်တိုင်လည်း စစ်အာဏာရှင်တွေအုပ်ချုပ်တာကို မကြိုက်ခဲ့လို့ သီချင်းတွေနဲ့သူ့ရဲ့ကဗျာတွေမှာ ထည့်သွင်းရေး သားဝေဖန်ခဲ့သလို စစ်အာဏာရှင်စစ်နစ်ကိုတွန်းလှန်တဲ့ ပြည်သူတွေကိုလည်း သီချင်းတွေကဗျာတွေနဲ့ အားပေးခဲ့တဲ့သူ ဖြစ်ပါတယ်။ #မြန်မာ #ဧရာဝတီ #နိုင်မြန်မာ #ကမ္ဘာမကြေဘူး #ဗျူဟာ #ဝါဆို စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/supporttheirrawaddy