Олимпиададан соң қатты сынға ұшыраған министрлікте қандай өзгерістер болуы мүмкін? скачать в хорошем качестве

Олимпиададан соң қатты сынға ұшыраған министрлікте қандай өзгерістер болуы мүмкін?

Ұлттық олимпиада комитетінің өкілі Елсияр Қанағатов "Токио Олимпиадасынан кілең қола медаль алғанымыз ұлттық рухтың жоқтығынан" дегенге келіспейді! Миллиардтар бөлінді, жылдап жаттықты, спортшыларға жағдай жасалды, бірақ тек қана қола медальмен шектелгенімізді шенеуніктер сәтсіздік деп бағалады. Жауаптылар халықтың: "спорт пен мәдениет өз алдына бөлек министрлік болсын" дегенімен келісетін сыңайлы. Бұл сұраққа мәдениет және спорт вице-министрі Ерлан Қожағапанов: "оны мемлекет басшысы мен үкімет шешеді, біз соларға қарап отырмыз" деп, жауап берді. Биылғы 8 қоладан кейін көпшілік министр Ақтоты Райымқұлова орнынан кетсін, спорт пен мәдениет бөлек-бөлек министрлік болсын деді. Мұнымен жауаптылар келісетін сыңайлы. Әдеттегідей Үкімет пен Мемлекеттің басшысына қарап отыр екен. Бокстағы 69-келі салмақ қазақстандық боксшылардың алтын алатын салмақ дәрежесі еді. Сенім ақталмады. Бұл Бахтияр Артаевтың маңдайына қатты соққы болып тиген секілді. "Басқасы басқа бокстан алтын медаль алатын күн алыс емес". Мемлекеттік жаттықтырушы осылай деп, өзіне сенімді отыр. БАХТИЯР АРТАЕВ, Қазақстан бокс федерациясының вице-президенті, бокстан ҚР құрамасының мемлекеттік жаттықтырушысы: – Нағыз мықтыларды апарамыз әлем біріншілігіне. Қыздардан да ұлдардан да мықтыларды апарамыз. Енді Алла жазса басқа бокс көріп, мықтыларды көретін боласыздар Токио олимпиадасы мен келер жылы болатын Пекиндегі қысқы олимпиадаға 15 миллиард теңге бөлінген. Шенеуніктер әрбір тиынын бақылап отырмыз деп сендірді. Сондықтан кейбір азаматтардың айтқанындай негізсіз ақша жұмсау дегенмен келіспейді. ЕРЛАН ҚОЖАҒАПАНОВ, ҚР Мәдениет және спорт вице-министрі: – 1565 млрд тг бөлінді. Спортшыларға барлық жағдай жасалды Ал, Елсияр Қанағатов көпшіліктің "биылғы спортшыларымыздың көзінде от, бойында ұлттық рухы болмады" дегенімен келіспейді. ЕРЛАН ҚОЖАҒАПАНОВ, ҚР Мәдениет және спорт вице-министрі: – Патриоттық сезім болса ол менің ойымша кішкентай бала кезден тәрбиелену керек. Тек қана осы спортты мектепте емес, жанұядан, оқитын мектептен. Биылғы сәтсіздікті жауаптылар елімізде бұқаралық спорт пен балалар спорты дамымағанымен түсіндірді. Яғни, екінің бірі баласын қалаған спорт үйірмесіне бере алмайды. Аты дардай спорт кешендері ірі мегаполистерде ғана бар. Өңірлерде дені дұрыс спорт алаңдары жоқ. Осыны айтқан Ерлан Қожағапанов бізде спорт медицинасы да тұралап тұрғанын жеткізді. Жауаптылардың ішінен бүгін қайсыңыз отставкаға кетуге дайынсыз деген сұраққа тек Гюзель Манюрова ғана орныма лайықты маман келсе кетуге қарсы емеспін деп жауап берді. Ал, Ұлттық олимпиада комитетінің Бас хатшысы Андрей Крюков қола алдық екен деп басшыларды ауыстыруға асықпау керек, қателікті нақты анықтап, федерациялардағы өзге де мамандардың жұмысын жандандыру керек деді. Айбар Төлжанұлы Дидиар Елеуов Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #СпортМинистрлігі #ҰлттықКомитет #Олимпиада