Jizzaxdagi Eski shahar dehqon bozorida qurilish va taʼmirlash ishlari jadal surʼatda davom etmoqda скачать в хорошем качестве

Jizzaxdagi Eski shahar dehqon bozorida qurilish va taʼmirlash ishlari jadal surʼatda davom etmoqda

Jizzax shahridagi Eski shahar dehqon bozorida qurilish va taʼmirlash ishlari jadal surʼatda davom etmoqda Jizzax shahridagi Eski shahar dehqon bozori hududida hozirgi kunda keng koʻlamli qurilish va taʼmirlash ishlari olib borilmoqda. Mazkur ishlar Jizzax viloyati hokimining bevosita tashabbusi bilan amalga oshirilmoqda. Eski shahar dehqon bozori hududida mavjud muammolarga yechim topish, sotuvchi va xaridorlar uchun qulay shart-sharoitlar yaratish maqsadida zamonaviy talablarga javob beradigan yangi savdo rastalari barpo etilmoqda. Shu bilan birga, hududda keng koʻlamli taʼmirlash va obodonlashtirish ishlari ham olib borilmoqda. Ayni paytda bozorda obodonlashtirish va koʻkalamzorlashtirish ishlari amalga oshirilmoqda. “Yashil makon” umummilliy loyihasi doirasida 2000 ta butalar va 200 ga yaqin pavloniya turiga mansub manzarali daraxt koʻchatlari ekildi. Shuningdek, hududdagi favvoralar taʼmirlanib, qayta ishga tushirildi. Bozor hududidagi ulgurji oziq-ovqat savdo markazi ham zamon talablariga mos ravishda taʼmirlanmoqda. Bozor ichidagi uzunligi 20 metr, eni 3 metr boʻlgan 3 ta ayvonda ham qurilish va taʼmirlash ishlari amalga oshirilmoqda. Ilgari bu yerda sotuvchilar quyosh va yomgʻirdan himoyasiz holda, noqulay shart-sharoitda savdo qilishga majbur edilar. Endilikda esa ular uchun barcha qulayliklarga ega maxsus savdo rastalari barpo etilmoqda. Savdo rastalari atrofiga oqova suv tarmoqlari uchun kichik beton ariqlar ham oʻrnatildi. Eʼtiborli jihati shundaki, endi sotuvchilar mahsulot turlari boʻyicha alohida joylarda savdo qilishadi. Bozor hududidagi barcha savdo rastalarining tom qismi yangi alikofon materiallari bilan toʻliq qoplandi. Qurilish ishlari yakunlangach, bozorda 30 ga yaqin yangi savdo joylari yaratilishi rejalashtirilgan. Bundan tashqari, bozorning elektr taʼminotini yaxshilash maqsadida 40 kilovattlik quyosh panellari oʻrnatildi. Hozirda esa yana 60 kilovattlik quyosh panellari uchun maxsus maydon tayyorlanmoqda. Avvallari bozordagi ichki yoʻlaklar taʼmirtalab holatda boʻlib, yozda chang, qishda esa loy bilan qoplangan edi. Hozirda 1000 kvadrat metr maydondagi yoʻlaklar asfaltlandi va ulardan foydalanish xavfsizligi taʼminlandi. 150 metr masofada oqova suv tarmogʻi uchun beton ariqlar oʻrnatildi. Bozor hududida tungi yoritish chiroqlari va yangi bannerlar ham oʻrnatildi. Shu bilan birga, hududda joylashgan “Oltin Toj” xususiy avto shoxbekati ham yangilanish ishlaridan chetda qolmadi. Bekat rahbari Asqar Azimov tashabbusi bilan bu yerda ham keng koʻlamli taʼmirlash ishlari amalga oshirildi. Suv quvurlari irrigatsiya tarmoqlariga ulanib, beton ariqlar yotqizildi. Eski shahar dehqon bozorida tashkil etilgan arzonlashtirilgan oziq-ovqat va qishloq xoʻjaligi mahsulotlari savdo yarmarkasining sanitariya talablariga muvofiq faoliyat yuritishi bozor maʼmuriyati tomonidan doimiy nazoratga olingan. Aytish joizki, Eski shahar dehqon bozorida amalga oshirilayotgan bu kabi qurilish, taʼmirlash va pardozlash ishlari nafaqat xaridorlar, balki sotuvchilar va mahalliy tadbirkorlar uchun ham katta qulayliklar yaratayotgani shubhasiz.