श्री मुक्तादेवी विद्यालय, नारोडी, ता. आंबेगाव, जि. पुणे सातारा दर्शन शैक्षणिक सहल скачать в хорошем качестве

श्री मुक्तादेवी विद्यालय, नारोडी, ता. आंबेगाव, जि. पुणे सातारा दर्शन शैक्षणिक सहल

*सहलीत विद्यार्थ्यानी घेतला आकाश निरीक्षणाचा आनंद* दिनांक 30.12.2015 रोजी श्री मुक्तादेवी विद्यालय, नारोडी, ता. आंबेगाव, जि. पुणे या विद्यालयातील विद्यार्थ्यांची सातारा दर्शन शैक्षणिक सहल आयोजित करण्यात आली होती. सहलीमध्ये इयत्ता पाचवी ते दहावीतील 85 विद्यार्थी व 4 शिक्षक हे दोन बसेसमध्ये सहभागी झाले होते. अशी माहिती विद्यालयाचे प्राचार्य श्री साळी आर. बी. यांनी दिली. सहलीचा प्रमुख उद्देश विद्यार्थ्यांना विज्ञान, इतिहास व संस्कृती यांचा प्रत्यक्ष अनुभव देणे हा होता. प्रथम विद्यार्थ्यांनी सातारा येथील रयत सायन्स अँड इनोव्हेशन ॲक्टिव्हिटी सेंटर, वर्ये, सातारा येथे भेट दिली. तेथे मा. श्री सचिन सोनुले सर यांनी विद्यार्थ्यांना विविध विज्ञानप्रयोग व प्रकल्पांची सविस्तर माहिती दिली. विशेषतः सहलीत विद्यार्थ्यांनी दुर्बिनीतुन आकाश निरीक्षणाचा मनमुराद आनंद लुटला आणि त्यांच्या वैज्ञानिक जिज्ञासेला चालना मिळाली. यानंतर विद्यार्थ्यांनी केंद्रातील रोबोट प्रणालीची माहिती प्रा. गणेश दांगट सरांकडून घेतली, तसेच इतर प्रात्यक्षिक मॉडेल्स पाहून आधुनिक तंत्रज्ञानाविषयी ज्ञान मिळवले. या सर्व उपक्रमांमुळे विद्यार्थ्यांचा विज्ञान विषयावरील आत्मविश्वास आणि आवड अधिक दृढ झाली. पुढे विद्यार्थ्यांनी रयत शिक्षण संस्था कार्यालय, कर्मवीर भाऊराव पाटील समाधी परिसर येथे भेट देऊन ज्या संस्थेमध्ये शिकत आहे त्या संस्थेचे संस्थापक श्री कर्मवीर भाऊराव पाटील यांच्या समाधीचे तसेच कार्यालयाचे प्रत्यक्ष भेट देऊन माहिती घेतली.त्यानंतर सज्जनगड, बारामोटेची विहीर, प्रती बालाजी मंदिर इत्यादी ऐतिहासिक व सामाजिक वारसा दर्शविणाऱ्या ठिकाणांना भेट दिली. कर्मवीर भाऊराव पाटील यांच्या कार्याविषयी माहिती मार्गदर्शकांनी देताना विद्यार्थ्यांना प्रेरणादायी,परिश्रम, समाजकार्य आणि शिक्षणाचे महत्त्व देऊन गेली . संपूर्ण सहलीदरम्यान श्री भोर डी. डी., श्री गुंजाळ एस. एस., सौ. शिंगाडे एन.व्ही., सौ. भामे व्ही. एस.यांसारख्या शिक्षकवर्ग व श्री. दशरथ रंधवे या मार्गदर्शक मंडळींनी शिस्त, सुरक्षा आणि योग्य मार्गदर्शनाची जबाबदारी सांभाळली. विद्यार्थ्यांनी सहलीचा मनमुराद आनंद लुटत विविध वैज्ञानिक, ऐतिहासिक व धार्मिक स्थळांविषयी प्रत्यक्ष ज्ञान मिळवले. या शैक्षणिक सहलीमुळे विद्यार्थ्यांच्या ज्ञानात लक्षणीय भर पडली असून त्यांचा दृष्टीकोन व्यापक होण्यास मदत झाली आहे. सहल यशस्वीरीत्या व सुखरूप संपन्न होण्यासाठी पश्चिम विभागीय अधिकारी श्री. संजय मोहिते साहेब व सहाय्यक विभागीय अधिकारी श्री. दत्तात्रय गायकवाड साहेब यांचे मोलाचे मार्गदर्शन मिळाले. सहल सर्व मार्गदर्शक नियमावलीच्या अधीन राहून यशस्वीरित्या जाऊन आली अशी माहिती जेष्ठ शिक्षक श्री. दत्तात्रय भोर यांनी दिली.