#जंगलसफारी скачать в хорошем качестве

#जंगलसफारी

   • #भैरवगड ट्रेक आणि जंगल सफारी #bhairavgarh ...      • यवतेश्वर पुरातन काळातील शिवमंदिर l Yahutes...   .प्रज्ञा धनंजय अवसरे 9921937999 सहाय्यक:- धनंजय अवसरे 8999173932 हेमंत लंगडे 9146831015 godgift tours & travels 9822314109 जंगलसफारी निसर्ग सहल#यवतेश्वर#बामनोली#कास तलाव#शेम्बड़ी मठा# जागतिक महिला दिन ८ मार्च जगभरात पाळल्या जाणाऱ्या काही विशेष दिवसांना जागतिक दिवस (जागतिक दिन), आंतरराष्ट्रीय दिवस किंवा वैश्विक दिन म्हणतात. या सर्व शब्दांच्या अर्थांमध्ये किंवा उपयोगांत काहीही फरक नाही. यांपैकी काही दिवस पूर्वापार चालत आलेले आहेत, आणि काही राष्ट्रसंघाने पुरस्कृत केलेले आहेत. या दिवसांशिवाय काही दिवस, विशिष्ट देशांतच पाळले जातात दिवसाचे औचित्य साधून हल्ली सर्व महिला एकत्र येऊन एक दिवस मस्त साजरा करतात, कोणी एक दिवसाची सहल करतात, तर कोण वॉटर पार्क ला,कोण सिनेमा पाहायला जातात तर काही सामाजिक उपक्रम राबवताना दिसतात. एकूण काय तर हा दिवस महिला आपल्या स्वतः साठी राखून ठेवतात.यावर्षीच्या महिला दिनाचे औचितत्य साधून शुक्रवार पेठ सातारा येथील जिजाऊ महिला बचत गटातील सख्यांसाठी एक निसर्गसहल आयोजित करण्याचा योग आला. असे व्यवसायाने ब्युटिशियन असणाऱ्या सौ. प्रज्ञा धनंजय अवसरे, यांनी सांगितलसौ. प्रज्ञा अवसरे, सांगतात माझे मिस्टर श्री. धनंजय अवसरे यांना भटकंतीची प्रचंड आवड असल्याने घरातील सर्वामधे आपोआप हि आवड निर्माण झाली. जेंव्हा शक्य होईल तेंव्हा आम्ही त्यांच्यासोबत भटकायला जात असतो, नवीन नवीन अनोखी ठिकाणे पाहताना खूप मजा येते. गडकिल्ले, प्राचीन मंदिरे, जंगल सफारी तसेच अनेक रानवाटा, जंगल वाटेची भटकंती खूप आवडते, ते नेहमीच ट्रेक तसेच निसर्ग सहली आयोजित करतात, त्यांची प्रेरणा घेऊन मी ही त्यांच्या मदतीने खास महिलांसाठी ट्रेक, जंगलसफारी निसर्ग सहली आयोजित करते, जानेवारी 2022 मध्ये महिलांसाठी वासोटा ट्रेक तर फेब्रुवारी 2022 मध्ये भैरवगड ट्रेक सहित जंगल सफारी आयोजित केली होती, त्याला महिलांनी उत्स्फूर्त प्रतिसाद दिला होता, व्यवसायाच्या निमित्ताने राजमाता जिजाऊ महिला बचत गटाच्या काही सख्या मला भेटत असतात. बोलता-बोलता त्यांनी सांगितले ताई, तुम्ही नेहमी फिरत असता, व्हॉटसअपवरील तुमचे भटकंतीचे फोटो पहायला आम्हाला खूप आवडते. आम्ही असं कधी कुठे फिरलोच नाही. आमचं फिरणं म्हणजे कुटुंबियांसोबत कुठे देवदर्शनाला, लग्नकार्याला, किंवा दुःखद कार्याला जाणे एवढेच आमचे फिरणे. आता या बचत गटामुळे आमच्या हातात देखील चार पैसे राहतात. तुम्ही आमच्यासाठी अशी एखादी छान-छोटी ट्रिप काढाल का? त्यानुसार मी सरांशी चर्चा केली आणि या ट्रिपचे नियोजन केले. ट्रिप म्हणजे एक निसर्ग सहल आयोजित केली जी सातारा परिसरातील मंदिर, देवराई सारख्या निसर्ग संपन्न परिसराला भेट, तसेच कोयना जलाशयात बोटिंग आणि दुर्गम भागातील एका गावाला भेट देऊन तेथील जीवनशैली जाणून घेण्यासाठी व त्यांच्या हातच्या तांदळाच्या आणि नाचणीच्या भाकरी सोबत जेवण आणि बरेच काही .असे नियोजन केले.यासाठी आम्ही सकाळी बाजीराव विहीर, शुक्रवार पेठ येथून गणपती बाप्पा मोरयाच्या घोषात ट्रीपला सुरुवात केली, सर्व सख्या मस्त फ्रेश मूडमध्ये छान तयार होऊन आल्या आहेत. सुरुवातीला आम्ही यवतेश्वर येथे श्री महादेवाचे दर्शन घेतले. नंतर आम्ही वाटेत एका घनदाट वनराईमध्ये थांबलो. इथे अवसरे सरांनी सर्वांना देवराईबद्दल खूप छान माहिती सांगितली. सर्वानी खूप उत्सुकतेने हि माहिती ऐकली. इथेच आम्ही मस्त चहा-नाष्टा घेतला. इथून निघाल्यानंतर सर्वांच्या आग्रहाखातर आम्ही कास तलाव येथे थांबून पाण्यात खेळण्याचा आनंद घेतला. सर्वानी खूप सेल्फ्या काढल्या. तिथून आम्ही पुढे बामणोली- शेम्बड़ी वाघळी मठाकडे निघालो. सर्वजण भोवतालचे निसर्गसोंदर्य न्याहाळत होते. त्यामुळे आमचे उतरण्याचे ठिकाण कधी आले हे कोणाला कळलेच नाही. हा शेम्बड़ी मठ खूप सुंदर आहे. सर्वत्र दाट झाडी आणि भोवताली शिवसागर जलाशय असल्याने इथे खूप प्रसन्न आणि पवित्र वातावरण अनुभवायला मिळते. येथे सर्वानी श्री. दत्तात्रय, श्री. महादेवाचे, आणि श्री. गणेशाचे दर्शन घेतले. श्री. महादेवाचे गुहेमधील मंदिर सर्वांना खूप आवडले .आता सर्वजण बोटीमध्ये बसायला खूप उत्सुक होते, काहींच्या मनात थोडी धाकधूक होती. एकमेकांना हात देत सर्व सख्या बोटीमध्ये चढल्या आणि स्थिरसावर झाल्या. बोट सुरु झाली आणि सगळ्या जलविहाराच्या आनंदामध्ये रममाण झाल्या. अवसरेसर सर्वाना आजूबाजूच्या परिसराची माहिती देत होते. त्यानंतर भरपूर फोटो काढून झाले सर्वानी खूप धमाल केली. साधारण पाऊण तासाने बोट किनाऱ्याला लागली, आणि सर्व खाली उतरले. 10-15 मिनिटात सगळे एका छोट्या टुमदार गावातील एका सुंदर घरात पोहोचलो. येथे आमची जेवणाची सोय केली होती. सर्वानी हातपाय धुतले. थोडा आराम केला, तोपर्यंत जेवणाची ताटे, सॉरी पाने लागली होती. आता सगळ्याच भुकेल्या असल्याने सर्वानी चविष्ट-गरमागरम जेवणावर यथेच्छ ताव मारला आणि तृप्तीचा ढेकर दिला. जेवण झाल्यानंतर थोडा आराम करून गावात थोडा फेरफटका मारून पुन्हा सर्व बोटीतून शेम्बड़ी मठाकडे निघाले. तिथून गाडीत बसून अंधारी या गावापर्यंत पोहोचलो तो पर्यंत मावळतीची वेळ झाली होती. इथून दहा मिनिटांत आम्ही एका खूप उंचीवरील सुंदर ठिकाणी पोहोचलो. येथून दूरवर पसरलेल्या शिवसागर जलाशयाचा आणि त्यामागील डोंगररांगेचा खूप अद्भुत-रमणीय नजारा दिसत होता. सर्वजण हे दृष्य डोळेभरून पाहण्यात मग्न झाले होते, आणि वेगवेगळ्या अँगलमध्ये कॅमेराबद्ध करीत होते. सूर्यास्त झाला तरी कोणाचा पाय निघेना. मग चहाची आठवण करून दिल्यानंतर सर्वानी आटोपते घेतले. मस्त वाफाळत्या कडक चहाचा आस्वाद घेऊन दिवसभराचे सुंदर क्षण आठवत परतीच्या प्रवासाला लागलो.आता गाडीमध्ये गाण्याच्या भेंड्यांचा डाव रंगला होता. सर्वच सख्या यामध्ये मनापासून सहभागी झाल्या होत्या त्या नादात उतरण्याचे ठिकाण कधी आले समजले नाही.