ဣစ္ဆာသရမောင်ပုံနဲ့ တစ်ပွဲတိုးရှင်နွားသူခိုးများ ( စ၊ ဆုံး) скачать в хорошем качестве

ဣစ္ဆာသရမောင်ပုံနဲ့ တစ်ပွဲတိုးရှင်နွားသူခိုးများ ( စ၊ ဆုံး)

မောင်ပုံက ကျုပ်တို့ သရက်တောရွာက သူ့အိမ်ကပိုင်တဲ့ နွားတွေကို ကျောင်းတဲ့ နွားကျောင်းသားတစ်ယောက်။ ကျပ်က မပြည့်ဘူး။ စကားပြောရင် အမြဲလို တထစ်ထစ်နဲ့။ ဒါပေမယ့် သီချင်းဆိုရင်တော့ ဖြောင့်တန်းနေတတ်တာကလား။ အသက်အားဖြင့်တော့ ၂၅ ဝန်းကျင်ပေါ့။ လူကောင်ကတော့ ခပ်ညှပ်ညှပ်၊ ခပ်သင့်သင့်ရယ်။ မောင်ပုံနဲ့ ပက်သက်ပြီးတော့ ရွာထဲမှာ ပြောနေကြတဲ့ စကားတစ်ရပ်လည်းရှိတယ်။ မောင်ပုံက အစောင့်အရှောက်ကြီးတယ်တဲ့...။ ပြီးတော့..။ ဣစ္ဆာသရလိုအင်လည်း ပြည့်တယ်တဲ့ဗျာ...။ ဒါပေမယ့် သူ့ရဲ့ ဣစ္ဆာသရဆိုတာက မတော်မတရားကိစ္စတွေကို တောင်းဆိုလို့တော့ မရဘူးလို့ သိရတယ်။ ဒိအကြောင်းတွေဆီက အဖြစ်အပျက်တစ်ခုကို နဲနဲလေး ဖောက်သည်ပြန်ချချင်တယ်။ xxxxx မောင်ပုံ ဆယ်နှစ်သားအရွယ်လောက်မှာ မောင်ပုံ့ အဖေက တစ်ညလုံးအမောဖောက်ရာက မနက်အစောကြီး ဝေလီဝေလင်းမှာမှ ရုတ်တရက်ကြီး ထလို့ သက်သာလေတယ်။ ဒီအတွက် ဒေါ်ထွေးရီက တစ်ညလုံး ပြုစုနေရတာမို့ မနက်လင်းချိန်မှာ ထမင်းဟင်း မချက်အားသေးဘူး။ အိပ်ရေးပျက်မှုကြောင့် အိပ်ရာထဲမှာ ခဏလှဲပြီး မှေးနေမိတယ်။ ညတုန်းကလည်း ထမင်းကြမ်းက မကျန်လေတော့ အိုးထဲမှာ ဘာထမင်းမှကို ရှိမနေခဲ့ဘူးရယ်။ အဲ့ဒီ့အချိန် မောင်ပုံက ရွာဦးကျောင်းမှာ ညတုန်းက သွားအိပ်ရာကနေ ဗိုက်ဆာဆာနဲ့ ပြန်လာတယ်။ ညက သူ့အဖေအဖြစ်အပျက်ကို သူမသိဘူး။ စိတ်က သာမန်မဟုတ်တဲ့သူဆိုတော့ မောင်ပုံဟာ သူ့အဖေကျန်းမာရေးအကြောင်းကို စေ့စေ့ပေါက်ပေါက်လည်း မတွေးနိုင်ဘူး။ သူဗိုက်ဆာလာတာကိုပဲ သူသိခဲ့တယ်လေ။ ' အမေ...ကျုပ် ဗိုက်ဆာလာလို့...' ' အို...မောင်ပုံ။ ဒီမယ် မင်းအဖေက တစ်ညလုံး ကျန်းမာရေးမကောင်းဘူး။ အမောဖောက်နေလို့ မနက်လင်းမှ သက်သာလာတယ်။ အမေလည်း ပင်ပန်းလွန်းတာမို့ ခဏပြန်မှေးနေတာနဲ့ ထမင်းဟင်း ဘာမှမချက်ရသေးဘူးရယ်...' ' အို...အမေကလည်း ထမင်း၊ ဟင်းတွေရှိရဲ့သားနဲ့ ကျုပ်ကို ညာနေပြန်ပြီ။ ကိုပ် အနံ့ရနေတယ်ဗျ။ အိုဗျာ အမေ ပင်ပန်းတယ်ဆိုလည်းနေတော့ ကျုပ်ဘာသာပဲ သွားခူးစားလိုက်မယ်...' မောင်ပုံက ပြောပြောဆိုဆိုကို မီးဖိုထဲဆီ ဝင်သွားတယ်။ အရီးလေးကလည်း သားဖြစ်သူ အိုးအခွံက်ု တွေ့ရင် ပြန်ထွက်လာမယ်ပဲ အလွယ်တွေးထားလိုက်တယ်။ တစ်အောင့်ကြာတော့ မောင်ပုံ အိမ်ပေါ်ကို ပြန်တက်လာတယ်။ ထမင်းမရှိဘူးဆိုတာကို သိပြီး ပြန်တက်လာမယ်ဆိုတာ သိနှင့်ပြီးသားမို့ မှေးစက်နေတဲ့ အရီးလေး မျက်စိတောင် ဖွင့်မကြည့်မိဘူး။ ' အမေ...ပင်ပန်းနေလို့ ကျုပ်ကို ညာတယ်ဆိုတာ ကျုပ်သိသားပဲ။ ဒီမယ် ထမင်းတွေ ဟင်းတွေ...' မောင်ပုံ့စကားကြောင့် အရီးလေး မျက်လုံးဖွင့်ကြည့်မိလိုက်တယ်။ မောင်ပုံ့ပန်းကန်ထဲမှာ ထမင်းတွေ၊ဟင်းတွေ အပြည့်။ အငွေ့တထောင်းထောင်းတောင် ထနေသေးတယ်။ ' အမေရော စားဦးမလား...ရော့...' မောင်ပုံက ထမင်းတစ်လုတ်ကိုတောင် ထိုးခွံ့လာသေးတယ်တဲ့။ အရီးလေးက မောင်ပုံ အခြားအိမ်ကများ ဝင်ပြီး ခူးခပ်လာသလားဆို တွေးမိပြီး မျက်လုံးတွေတောင် ပြူးကျယ်သွားပြီး လှဲနေရာက ထလိုက်ရတယ်။ ' သား...ဒါတွေ မင်းဘယ်အိမ်က ဝင်ခူးလာတယ်လဲ...' ' ဟင်...မီးဖိုထဲကလေ။ အိုးထဲမှာ ထမင်းဟင်းတွေ အပြည့်နဲ့ကို အမေက ကျုပ်ကို လာညာနေသေးတယ်...' မောင်ပုံက လှမ်းခွံနေတဲ့ ထမင်းလုတ်ကို ပြန်ရုတ်ပြီး သူ့ပါးစပ်ထဲ သူပြန်ခွံ့လို့ ပလုတ်ပလောင်းနဲ့ ပြောလာတယ်။ ဒါနဲ့ အရီးလေးလည်း မသင်္ကာဖြစ်ပြီး ထပ်မေးမယ် ကြံလိုက်ပေမယ့် မောင်ပုံ့ကို မေးလို့ ရေရေရာရာ ဘာမှသိရမှာ မဟုတ်တာကြောင့် ထပြီး မီးဖိုထဲကို မဝင်မိသေးဘဲ အိမ်ရှေ့ကိုထွက်ကာ နံဘေးအိမ်က ဖိုးတင့်တို့အိမ်ကို မောင်ပုံ ထမင်းဟင်းတွေလာယူသေးလားလို့ မေးမိတယ်။ ဖိုးတင့်တို့က မယူဘူးဆိုတော့ နောက်တစ်အိမ်ကို မေးပြန်တယ်။ အရီးလေးလည်း သုံးလေးငါးအိမ်မေးပြီးတော့ မယူဘူးဆိုတာ သေချာသွားတဲ့အတွက် အိမ်ကို ပြန်လာပြီး မီးဖိုထဲကို ဝင်ကြည့်လိုက်တယ်။ ' အို...ဘုရား...ဘုရား...' အရီးလေး အလွန်အမင်း အံ့အားသင့်ပြီး ဘုရားတောင်တမိလိုက်ရတယ်။ ထမင်းအိုးနဲ့ ဟင်းအိုးထဲမှာ ထမင်းတွေ ဟင်းတွေရှိနေတယ်။ ဆန်ကို သေချာကြည့်တော့ သူ့အိမ်က ဆန်မဟုတ်ဘူး။ ဟင်းကလည်း ပိန္နဲသီးနဲ့ အရွက်အချို့ကို ကြော်ချက်ချက်ထားတဲ့ သားသက်လွတ်ဟင်း။ အရီးလေး ဘယ်သူများ ဝင်တည်ပေးသွားတာလဲ မသိဘူးဆိုပြီး မီးဖိုကို ကြည့်ပြန်တော့ မီးဖိုမှာ မီးမွှေးထားတာ ရှိမနေပြန်ဘူး။ အရီးလေး အတော့်ကို အံ့သြမိရတယ်။ အဖြေကိုလည်း ရှာမရခဲ့ဘူး။ နောက်များမှာတော့ ဒီလို အဖြစ်အပျက်တွေက လေးငါးဆယ်ကြိမ်ရှိလာတဲ့အခါမှာတော့ အရီးလေးတို့ လင်မယားဟာ သူတို့သား မောင်ပုံတစ်ယောက် ဣစ္ဆာသရလိုအင်ပြည့်နေပြီဆိုတဲ့ အကြောင်းကို ရေးရေးမြင်မိလာတယ်။ ဒီအတွက်ကို သူတို့ စမ်းသပ်ကြည့်ပြန်ကြတယ်။ ဒီအခါကျ မောင်ပုံတစ်ယောက် အမှန်တကယ်ကြီး လိုအင်ပြည့်နေတာကို သိလိုက်ကြရတယ်။ ဒါနဲ့ အရီးလေးတို့က လူသားတို့ပီပီ မောင်ပုံ့ကို ရွှေတွေငွေတွေတောင်းခိုင်းပါရဲ့။ မောင်ပုံကလည်း တောင်းပေးပါတယ်။ ဒါပေမယ့် သူတစ်ပါးရဲ့ ဆန္ဒကို လျှပ်ကူးတာမို့လားမသိ၊ အကြောင်းကတော့ ထူးမလာခဲ့ပါဘူး။ ဒါပေမယ့် မောင်ပုံကိုယ်တိုင် စိတ်ဆန္ဒက စီးပွားဖြစ်မဟုတ်ဘဲ ဖြူဖြူစင်စင်နဲ့ တောင်းဆိုတာတွေကတော့ ဆက်လက်ဖြစ်ပေါ်နေဆဲပဲပေါ့။ ဒီကနေစတင်လို့ မောင်ပုံကို ဣစ္ဆာသရမောင်ပုံရယ်လို့ ရိုးရိုးရိပ်ရိပ် သတ်မှတ်ခဲ့ကြတော့တာပေါ့။ ✅ #သရဲ ✅ #တစ်ဆေ ✅ #မြန်မာသရဲ ✅ #သရဲဇာတ်လမ်း ✅ #တစ်ဆေဝတ္ထု ✅ #မြန်မာဘောင် ✅ #ထိတ်လန့်မှု ✅ #နောက်ကွယ်ကအကြောင်း ✅ #သွေးအေးဖွယ် ✅ #လျှို့ဝှက်စွန့်စားမှု • #သရဲပျောက်ဆုံးမှု • #မထင်မှတ်ထားတဲ့ သရဲဖြစ်ရပ် • #တစ်ဆေထိုးခံရခြင်း • #မြန်မာသရဲဇာတ်လမ်းတို • #နောက်ကွယ်ကအဖြစ်အပျက် • #ကြောက်စရာ သရဲပုံပြင် • #စတုတ်လမ်းသရဲ • #မြို့ပြသရဲဇာတ်လမ်း • #ကျောင်းသားသရဲဖြစ်ရပ် • #လျှို့ဝှက်ဇာတ်လမ်း • #HorrorStoryMyanmar • #GhostStoryMM • #ScaryStoryMM • #သရဲချန်နယ် • #မြန်မာသရဲထိတ်လန့် • #မြန်မာတစ်ဆေထိတ်လန့်မှု • #စိတ်ဝင်စားဖွယ်သရဲများ