Tv Klan - Ia rrëzojnë tarifat, Trump zemërohet me Gjykatën e Lartë скачать в хорошем качестве

Tv Klan - Ia rrëzojnë tarifat, Trump zemërohet me Gjykatën e Lartë

Presidenti Donald Trump u shfaq i zemëruar pas vendimit të Gjykatës Supreme që rrëzoi tarifat globale të importit. “Vendimi i Gjykatës së Lartë për tarifat është thellësisht zhgënjyes. Jam i turpëruar nga anëtarë të caktuar të gjykatës, absolutisht i turpëruar që nuk patën guximin të bënin atë që është e duhur për vendin tonë.” Trump shpalosi planin për vendosjen e një tarife të re prej 10% mbi çdo mall që hyn në Shtetet e Bashkuara, duke përdorur rrugë të tjera ligjore. Shefi i Shtëpisë së Bardhë mund të përdorë Nenin 122 të Ligjit të Tregtisë së vitit 1974, që i jep të drejtën të vendosë tarifa deri në 15% pa pasur nevojë për miratimin e Kongresit. Megjithatë, ky ligj parashikon që tarifat të qëndrojnë në fuqi vetëm për 150 ditë. Në vendimin e Gjykatës së Lartë, që u miratua me 6 vota pro dhe 3 kundër, thuhet se presidenti kapërceu kompetencat me tarifat e vendosura vitin e kaluar. Sipas Gjykatës, Kushtetuta ia jep këtë të drejtë vetëm Kongresit. Kundër Trump dolën dy gjyqtarë të emëruar nga vetë ai, Neil Gorsuch dhe Amy Coney Barrett. Vendimi konsiderohet si goditja më e madhe ligjore për axhendën ekonomike të Trump që nga marrja e mandatit të dytë. Trump në prill të vitit të shkuar shpalli vendosjen e tarifave të ndryshme për shtete të shumta, si Kina, Kanadaja, Britania e Madhe dhe vende të BE-së. Këtyre taksave nuk iu shpëtuan as Shqipëria dhe Kosova, në masën 10%. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/