Şəhid – Eldar Həsənli | Dastana Dönən HEKAYƏLƏR layihəsi (Mingəçevir) скачать в хорошем качестве

Şəhid – Eldar Həsənli | Dastana Dönən HEKAYƏLƏR layihəsi (Mingəçevir)

📍 “Dastana dönən HEKAYƏLƏR” layihəsi çərçivəsində ilk şəhid ailəmizi ziyarət etdik. Bu təkcə bir görüş deyildi – bu, bir ömrün hekayəsini gələcəyə əmanət etmək idi. Layihə Gənclər Fondunun “Konstitusiya və Suverenlik İli” çərçivəsində elan etdiyi qrant müsabiqəsinin qalibi olaraq Mingəçevir Dövlət Universitetinin və Sabirabad Gənclər Evinin dəstəyi ilə həyata keçirilir. Layihə rəhbəri Müşfiq Tarıverdiyevdir. Məqsəd gənclər arasında vətənpərvərlik ruhunun gücləndirilməsini, qəhrəmanlarımızın həyat yolunun unudulmamasını hədəfləyir. Bəzən bir mesaj bütöv bir ömrün xülasəsi olur… Şəhid Eldar son döyüşünə getməzdən cəmi 15 dəqiqə əvvəl həyat yoldaşına yazmışdı: “Ay Fəridə, mənim iki arzum vardı… Birincisi, ilk övladımın qız olmasını istəyirdim. Sənin kimi qadının qismətim olmasından xoşbəxtəm. İkinci arzum da zabit kimi bu torpaqlarda xidmət etmək idi. Daha arzum yoxdur… Mən bütün arzularıma çatdım.” Eldar Kəlbəcərdə şəhidlik zirvəsinə ucaldı. İki ay sonra isə dünyaya bir qız gəldi… Zərifə. Atasının üzünü görmədən böyüyən, amma adını daşıdığı igidliyin ruhunu daşıyan bir qız… Bu gün Zərifə nənəsinin gözünün önündə böyüyür. Anası – şəhidə layiq bir ömür yoldaşı kimi – müəllimdir, doktoranturaya hazırlaşır. Nənəsi Nəzakət xanım isə deyir: “Oğlumun ətrini nəvəmizdən alırıq… Onlar Eldarın yadigarlarıdır.” Çünki biz inanırıq: Şəhidlər torpağa yox, tarixə köçür. Və bu tarix – danışıldıqca yaşayır… 🇦🇿