PD mbledh Kryesinë, Berisha: Rama hodhi poshtë integrimin në BE скачать в хорошем качестве

PD mbledh Kryesinë, Berisha: Rama hodhi poshtë integrimin në BE

Partia Demokratike zhvilloi sot, 16 mars, një mbledhje të Kryesisë. Gjatë fjalës së tij, kreu i selisë blu, Sali Berisha, akuzoi kryeministrin Edi Rama se me vendimin për të mos autorizuar heqjen e imunitetit të Belinda Ballukut ka hedhur poshtë integrimin e vendit në Bashkimin Europian. “Në një moment në të cilin Edi Rama pas një përpjekje të jashtëzakonshme të opozitës, por e vërteta është edhe të partnerëve ndërkombëtare dhe institucioneve ndërkombëtare për zbatimin, funksionimin e shtetit ligjor, zbatimin e ligjit dhe Kushtetutës, Edi Rama haptas hoqi çdo maskë, hodhi poshtë një përpjekje të madhe për të ndihmuar Shqipërinë dhe votoi në parlament murin, mburojën e korrupsionit të tij, të vjedhjeve të tij dhe përfshiu, ose nën pretekst, zëvendëskryeministren Lubi Balluku”, tha Berisha. Më tej ai shtoi, se "në të vërtetë, vendimet u morën në parlament me gjithë paralajmërimin më serioz të jo një, por disa vendeve anëtare të BE, se ato nuk mund të pajtohen kurrë me një vendim të tillë. Dhe se procesi i integrimit të Shqipërisë në BE, jo vetëm që ndalon, por edhe mund të shpërbëhet nga alfa gjer në alfën ku ka filluar". Ai u shpreh se Rama e mori këtë veprim “për të shpëtuar lëkurën e tij”. Sipas Berishës, edhe drejtësia ka marrë një goditje fatale me këtë vendim nga ana e mazhorancës. “Pra, në vend që Lubi Balluku dhe bashkëpunëtorët e saj, se në fakt nuk është ajo që ka ngrënë dardha pas shpinës së Ramës, por është Rama që ka ngrënë dardha, pra me votimin në parlament, mesazhi është shumë i qartë se ju nuk do mund të ushtroni kërkesa të ligjshme ndaj asnjë personi të lidhur me Edi Ramën, pa aprovimin paraprak nga Edi Rama”, tha Berisha. Berisha akuzoi edhe ambasadorin e Bashkimit Europian në Tiranë, Silvio Gonzato duke u shprehur se sillet “si ambasadori i Edi Ramës” dhe se përpiqet të mjegullojë qëndrimet e PD-së në procesin e integrimit. “E ka bërë dhe vazhdon ta bëjë ai këtë”, tha Berisha. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan