S59 скачать в хорошем качестве

S59

S59 02/07/2025 Libera me, Deus Altissime, ab inimicis meis; defende me ab his qui insurgunt adversum me. Erue me ab operantibus iniquitatem, et a viris sanguinum salva me. Quia ecce insidias parant animae meae; congregantur adversum me fortes, nec iniquitas est in me, Domine, nec peccatum meum. Sine culpa mea currunt et praeparantur. Exsurge in occursum meum, et vide. Et tu, Domine, Deus virtutum, Deus Israel, surge ad visitandas omnes gentes; noli misereri omnibus iniquitatem operantibus perfidis. Vesperi revertuntur, latrant ut canes, et circumeunt civitatem. Ecce loquuntur in ore suo, gladii in labiis eorum: quis enim audit? Tu autem, Domine, ridebis eos; subsannabis omnes gentes. Fortitudinem eorum observabo ad te, quia Deus susceptor meus es. Deus misericordiae meae praeveniet me; Deus ostendet mihi in inimicis meis desiderium meum. Ne occidas eos, nequando obliviscatur populus meus; disperge illos in fortitudine tua, et deprime eos, protector noster, Domine. Propter peccatum oris eorum, sermonem labiorum eorum, in superbia sua comprehendantur; et de maledictione et mendacio loquentur. Consume eos in furore tuo, consume ut non subsistant; et scient quia Deus dominatur in Iacob usque ad terminos terrae. Et redeant ad vesperam, et latrent ut canes, et circumeant civitatem. Errent in cibo quaerendo; si non fuerint saturati, murmurabunt. Ego autem cantabo fortitudinem tuam, et exsultabo mane misericordiam tuam; quia factus es mihi refugium et adjutor in die tribulationis meae. Ad te, fortitudo mea, psallam: quia Deus susceptor meus est, Deus misericordiae meae. Amen!