అన్నపరెడ్డి బుద్ధ ఘోషుడు గారికి దమ్ము నివాళి | బుద్ధ పూర్ణిమ రజితోత్సవం | మంగళగిరి బుద్ధ విహార скачать в хорошем качестве

అన్నపరెడ్డి బుద్ధ ఘోషుడు గారికి దమ్ము నివాళి | బుద్ధ పూర్ణిమ రజితోత్సవం | మంగళగిరి బుద్ధ విహార

మిత్రులారా! 2025వ సంవత్సరం మే నెల 12వ తేదీన, మంగళగిరిలో బుద్ధ పూర్ణిమ రజితోత్సవ వేడుకలు చాలా ఘనంగా జరిగాయి. ఈ సందర్భంగా మంగళగిరి బుద్ద విహార వైస్ చైర్మన్ కీర్తిశేషులు, అన్నపరెడ్డి బుద్ధ ఘేషుడు గారిని స్మరిస్తూ, ఆ సంస్థ చైర్మన్ రేకా కృష్ణార్జున రావు గారు రాసిన దమ్ము నివాళి పత్రం ఇది. మిత్రులు వీలు చూసుకుని చూడగలరు అన్నపరెడ్డి వెంకటేశ్వరరెడ్డి గారు. రిటైర్డ్ లెక్చరర్ తెనాలి. వీరికి బౌద్దం అంటే ఎనలేని ప్రేమ. ఆ ప్రేమ తోనే ఎన్నో మూల బౌద్ద గ్రంథాలను అధ్యయనం చేశారు. ఆ అధ్యయనం ద్వారా కలిగిన బౌద్ద జ్ఞానం తో, అనేక స్వతంత్ర - అనువాద బౌద్ద గ్రంథాలను రచించారు - బౌద్దాభిమాను లందరికీ తమ అభిమాన రచయితగా మారాడు. మానవీయ బుద్ద, నేటి ప్రపంచానికి బౌద్దం వంటి ఇంకా అనేక స్వతంత్ర రచనలతో పాటు, బుద్దుని దీర్ఘ సంభాషణలు, బుద్దుని మధ్యమ సంభాషణలు, బుద్ద దర్శనం, సుత్త నిపాత వంటి ఇంకా అనేక బౌద్ద అనువాద గ్రంథాలను రాశారు _ ముఖ్యంగా మహా బౌద్ద విజ్ఞాన సర్వస్వ నిఘంటువును తాను స్వయంగా రాసి, మంగళగిరి బుద్ధ విహార పేరుతో దానిని ప్రచురణ చేశారు. అన్నపరెడ్డి వెంకటేశ్వరరెడ్డి గారు 2009 సంవత్సరం చివరిలో మంగళగిరి బుద్ధ విహార కార్యాలయంలో జరిగిన విస్తృత సమావేశంలో తన పేరును అన్నపరెడ్డి బుద్ద ఘోషుడు గా మార్చుకున్నట్లు ప్రకటించారు - ఇక అప్పటి నుంచి బౌద్ద సమాజం ఆయనను బుద్ద ఘోషుడు గా పిలవటం చేస్తున్నారు. బుద్ధ ఘోషుడు గారు 2007 సంవత్సరం నుంచి 2022 సంవత్సరం ఆయన చని పోయే వరకు మంగళగిరి బుద్ధ విహార కు వైస్ చైర్మన్ గా ఉన్నారు. నాలుగు గోడల మధ్య కూర్చుని పుస్తకాలు రాసుకునే తనను కృష్ణార్జున బోధి గారు బైటకు తీసుకు వచ్చి తెలుగు నేలంతా తెగ తిప్పుతూ, బౌద్ద సంఘాలను - బౌద్ద మేధావులను పరిచయం చేస్తున్నాడని చెప్పే వాడు. కృష్ణార్జున బోధి గారు పరిచయం కాక ముందు నాకు ఈ తెలుగు నేలపై ఒక్క బౌద్ద సంఘంతో కూడా పరిచయం లేదని - కృష్ణార్జున బోధి గారి ద్వారా ఈనాడు దాదాపుగా అన్ని బౌద్ద సంఘాలతో నాకు పరిచయాలు కలిగాయని సంతోషంగా చెప్పే వారు. అన్నపరెడ్డి బుద్ద ఘోషుడు గారి అధ్యక్షతన మంగళగిరి బుద్ధ విహార, మంగళగిరి లో వందలాది సభలు సమావేశాలు, సదస్సులు మహా సమ్మేళనాలు, ధ్యాన కార్యక్రమాలు, ధర్మ చర్చా గోష్ఠులు జరిగాయి. కృష్ణార్జున బోధి గారు బుద్దభూమి పత్రికను మంగళగిరిలో స్థాపించినప్పుడు ఆ పత్రికకు ప్రధాన సంపాదకుడిగా బుద్ద ఘోషుడు గారిని ప్రతి పాదించటం, అందుకు వారు అంగీకరించటం జరిగింది. బుద్ధ ఘోషుడు గారు దాదాపుగా తాను పాల్గొన్న ప్రతి సభలోను కృష్ణార్జున బోధి గారిని, ఆయన కుటుంబాన్ని బౌద్ద సమాజానికి ఆదర్శంగా చెప్పే వారు. మంగళగిరి బుద్ధ విహార కార్యదర్శి పామర్తి రవి గారు అంటే బుద్ద ఘోషుడు గారికి చాలా అభిమానం. రవి గారు ఎన్నో వ్యయ ప్రయాసలకోర్చి దేశ విదేశాల్లో నిర్వర్తిస్తున్న దమ్మ యాత్రలను, ఆయన పరి పరి విధాలుగా ప్రశంసించే వారు - "రవి గారు నాకు అనేక విధాలుగా నచ్చ చెప్పి, నన్ను ఎంతో ప్రేమ పూర్వకంగా ఒప్పించి, నా లగేజీని తాను మోసుకుని, నన్ను దమ్మ యాత్రకు తీసుకుని పోక పోతే, బుద్దగయలో బుద్ధుని పాదాలకు శిరసాభి వందనం చేయాలనే నా చిర కాల వాంఛ తీరేది కాదు" అని, చాలా కృతజ్ఞతా భావంతో అందరికీ చెప్పే వాడు. మంగళగిరి బుద్ధ విహార అధ్యక్షుడు రేకా కృష్ణార్జునరావు గారి ఆలోచనతోను, దృఢ సంకల్పంతోనూ, మహా తపస్సు లాగా ఐదు సంవత్సరాల పాటు, అంటే 2005 నుంచి 2010 వరకు, నిర్విరామంగా కృషిచేసి రూపొందించిన " ఆంధ్రప్రదేశ్ బౌద్ధ మహా సమ్మేళనం" 2010 జనవరిలో విజయవాడ సిద్ధార్థ హైస్కూల్లో విజయవంతం కావడానికి, మేధావుల మద్దతును సమీకరించటంలో కృష్ణార్జునరావు గారికి రిటైర్డ్ డిజిపి చెన్నూరు ఆంజనేయరెడ్డి గారితో పాటు అన్నపరెడ్డి బుద్ధ గోషుడు గారు కూడా ప్రధాన పాత్ర పోషించారు. ఆయన మేధావుల పత్రిక గా కొనియాడ బడే మిసిమి పత్రికకు సుమారు ఇరవై సంవత్సరాలు సంపాదకుడిగా పని చేశాడు - ప్రపంచ మనో వైజ్ఞానిక శాస్త్రవేత్త సిగ్మడ్ ఫ్రాయిడ్ ను తెలుగులో తొలిసారి పరిచయం చేసింది కూడా బుద్ద ఘోషుడు గారే. ఆయన మనసు మర్మాలు వంటి మనో వైజ్ఞానిక గ్రంథాలు కూడా కొన్ని రాశారు. తన గొప్ప రచనా పాటవంతో బౌద్ద సాహిత్యాన్ని సృజించి, ఎందిరికో బౌద్దం పట్ల ప్రేమ కలిగేలా చేసిన బుద్ద ఘోషుడు గారు బౌద్ద సాహితీ లోకాన ఎన లేని సేవలు చేశారు. తన ఇంటికి మహాబోధి అని పేరు పెట్టుకున్న బుద్ద ఘోషుడు గారు మంచి అధ్యయన శీలి, బహు బౌద్దగ్రంథ రచయిత, ఉపన్యాసకుడు, బౌద్ద తాత్వికుడు, అరుదైన మేధావి, మంగళగిరి బుద్ధ విహార కు వైస్ చైర్మన్. మంగళగిరిలో మే 12వ తేదీ సోమవారం బుద్ద పూర్ణిమ రజితోత్సవ వేడుకలు జరగనున్న ఈ శుభ తరుణంలో అన్నపరెడ్డి బుద్ద ఘోషుడు గారికి మంగళగిరి బుద్ధ విహార దమ్మ నివాళులు తెలుపుతుంది 🙏🏻🙏🏻🙏🏻 @@@@@@@@@@ పెనుగాలికి పర్వతము కంపించదు నిందా స్తుతులకు సజ్జన బృందం తలకిందు గాదు. ధర్మ దానం సకల దానాలలో మిన్న రసము లన్నింట ధర్మ రస మొక్కటే మిన్న ప్రేమలన్నింట ధర్మ ప్రేమయే కడు మిన్న సర్వ దుఃఖాంతమే తృష్ణా క్షయమే మిన్న. --గౌతమ బుద్ధుని దమ్మపదం. 🌹🌻🌹🌻🌹🌻🌹 #BuddhaPurnima #BuddhistScholar #AnnapareddyBuddhaGhosha #BuddhistLiterature #MangalagiriBuddhaVihar #BuddhaTeachings #Dhamma #BuddhistCommunity