KEÇMİŞDƏN GƏLƏN ADAM - Yazıçı-publisist, tədqiqatçı Bəhruzər Rüstəmovun əziz xatirəsinə... скачать в хорошем качестве

KEÇMİŞDƏN GƏLƏN ADAM - Yazıçı-publisist, tədqiqatçı Bəhruzər Rüstəmovun əziz xatirəsinə...

Rüstəmov Bəhruzər Qayvalı oğlu 19 yanvar 1956-cı ildə Tovuz rayonunda ziyalı ailəsində anadan olub. Yusif Sadıqov adına Tovuz rayonu Bozalqanlı kənd orta məktəbində təhsil alıb və 1973-ü ildə həmin məktəbi qızıl medalla bitirib. 1974-cü ildə Bakı Dövlət Universitetinin jurnalistika fakultəsinə daxil olub, 1979-cu ildə uiversiteti fərqlənmə diplomu ilə bitirib. 1989-1992-ci illərdə Bakı Sosial İdarəetmə və Politologiya İnstitutunda təhsil alıb. İxtisasca jurnalist və politoloqdur. Bəhruzər Rüstəmov 1979-cu ildən 1985-ci ilədək Tovuz rayonunda çıxan «Həqiqət» qəzetində xüsusı müxbir, 1985-ci ildən 1986-cı ilədək Tovuz rayon Xalq deputatları soveti İcraiyyə Komitəsində təlimatçı, 1986-cı ildən 1988-ci ilədək Azərbaycan KP Tovuz Rayon Komitəsində təlimatçı, 1988-ci ildən 1996-cı ilədək Tovuz rayon «Həqiqət» - «Tovuz» qəzetlərinin baş redaktoru, 1991-ci ildə Tovuz rayon Xalq Nəzarəti Komitəsinin sədri, 1996-cı ildən 1997-ci ilədək Azərbaycan Yeyinti Sənaye İnstitutunda baş müəllim, 1996-cı ildən 1999-cu ilədək Tovuz rayon Aqrar İslahat Komissiyası işçi qrupunun rəhbəri, 1999-cu ildən 2013-cü ilədək Tovuz Rayon İcra Hakimiyyəti Başçısı Aparatında ictimai təşkilatlar və siyasi partiyalarla iş şöbəsinin müdiri, 2013-cü ildən 2015-ci ilədək Tovuz Rayon İcra Hakimiyyəti Başçısı Aparatında ictimai-siyasi və humanitar məsələlər şöbəsinin böyük məsləhətçisi, 2016-cı ildən 2020-ci ilədək Tovuz Rayon İcra Hakimiyyəti Başçısı Aparatında ictimai-siyasi və humanitar məsələlər şöbəsi müdirinin müavini vəzifələrində çalışıb, 2001-ci ildən 2009-cu ilədək YAP Tovuz Rayon Təşkilatının sədri işləyib. 1979-cu ildən Azərbayan Jurnalistlər Birliyinin üzvü olub. Peşəkar jurnalist, etnoqraf, tədqiqatçı, araşdırmaçı yazar Bəhruzər Rüstəmov «Qarğınsız», «Keçmiş Gələcək», «Sayalı Yurdlar» və nəşrə hazırlanan «Dirənənlər», «Babalar belə söylərdi» adlı beş kitab müəllifidir. Eyni zamanda Televiziya kanalı və Youtube portalında yayımlanan «Bəhruzərlə Keçmiş Gələcək» adlı silsilə verilişlərin müəllif-aparıcısı olub.