MGA NAPAOS NA LETRA (Spoken Word Poetry) скачать в хорошем качестве

MGA NAPAOS NA LETRA (Spoken Word Poetry)

#WorldPoetryDay #MgaNapaosNaLetra Mga Napaos Na Letra Nakakabaliw rin palang simutin ang tinta ng pluma Sapagkat ramdam ko ang paghihingalo nito Tulad ng pusong patuloy na inilalaban ko para sa'yo Na kahit naririnig ko nang humihingi ito ng saklolo Ay hindi ko pa rin isinusuko Ilang kwaderno na rin ang nasayang Napuno ito ng mga damdaming nanghihinayang Na parang Lagi mong hinaharang Ang mga salitang inalayan ko ng tapang Sapagkat hindi lang dahil hindi mo ito binabasa Kundi dahil pagbuklat sa mga pahina ay 'di mo na magawa Hindi mo pa nga nakikita ang mga salita Pero iniwas mo na agad ang 'yong mga mata Paano mo pa mapapakinggan ang mga sinasabi nila Kung pinipili mo agad na ibasura ang mga letra Hindi ko naman sila iginuguhit lang basta-basta Isinusulat ko sila sapagkat dito ko nasasabing mahal na mahal kita Kahit mas mahal na mahal mo siya. Kaya sinta, Kung patuloy mo lang na pupunitin ang mga papel Ay 'di na 'ko mag-aaksaya Kung wala ka na talagang balak magbasa Ay babasahin ko nalang sila Paubos na rin ang tinta, at halos wala nang espasyo ang mga pahina Kumpleto na ang talata Kaya ito na, ang huling pagsigaw ng mga letra MAHAL KITA, apat na pantig na salita at dito ako magsisiimula MAHAL KITA, kahit sa aking pananatili ay mas pinili mo siya Mas nangibabaw sa'yo ang pag-ibig na pansamantala Sapagkat alam naman nating dalawa na ginagamit ka lang niya MAHAL KITA, kahit na ilang beses mo na 'kong ginagawang tanga Mas ginusto mong sumama sa taong ilang beses nang pinaluha ka At hindi sa tulad kong ilang beses nang pinatahan ka MAHAL KITA, kahit paulit-ulit mo na 'kong iniiwang mag-isa Pupunta ka lang kapag may kailangan ka Pagkatapos ay aalis na sa oras na balikan ka na niya MAHAL KITA, kahit paulit-ulit mo na 'kong binabalewala Kahit 'di mo nakikitang ginagawa ko ang lahat para ikaw ay sumaya Kahit pilit mong pinapamukha na hanggang dito lang ako talaga Kahit binubusulan mo na agad ang mga salita kong gusto magsalita Ang nais ko lang naman ay mapakinggan mo ito Hindi ko hinihiling na sagutin mo ang mga sulat ko Dahil tanggap ko naman mahal, Na hindi mo mabibigay ang pagmamahal Pero hindi ka naman magiging hangal Sa pagtanggap ng mga tulang inipon nang kay tagal Pakikinig mo lang naman ang kailangan ko Dahil gusto nang magpahinga nang puso kong pagod na pagod nang isigaw ang nararamdaman nito Nakumpleto ko na ang mga letra mula sa alpabeto Lahat nang ito ay nailatag ko na sa mga pahinang ibinibigay ko sa'yo Pero pinili mong walang basahin sakanila Pinili mong maghikahos ang mga salita Na kahit naririnig mo na ang sinisigaw nitong "mahal kita" Ay hindi mo pa rin pinagbigyan na buklatin ang pahina Kaya tama na. Tanggap ko na na hindi mo 'ko matatanggap talaga Na kahit anong isulat, isigaw o ilathala ay agad-agad mong ibabasura Sapagkat ang gusto mong pakinggan ay ang boses lang niya. Paos na ang mga letra at sumuko na sila. Kaya sa natitirang espasyo ay wala na 'kong isusulat pa, kundi tuldok, at dito ay tatapusin ko na. 'Wag kang mag-alala Dahil hindi magtatapos ang aking paglika. Magpapatuloy ako, pero hindi na para sa'yo. Kundi para sa mga taong mas kayang pakinggan ang sinasabi ng mga sulat ko. -- For more updates, follow me on my social media sites listed below: FACEBOOK PAGE:   / bcumla   TWITTER:   / beverly_cumla   INSTAGRAM: @beverlycumla FOLLOW OUR FAMILY AND BE PART OF THE BEVIES!   / @officialbevies   For business purposes, email me at: beverly.cumla@gmail.com - - #BeverlyCumla #SpokenWord #Poetry #HugotTalk