ရေစကြို ရှင်မတောင်အနီး စစ်အုပ်စုကို လိုက်လံတိုက်ခိုက်၊ တစ်နေ့တည်း တိုက်ပွဲ သုံးကြိမ်ဖြစ်၊ скачать в хорошем качестве

ရေစကြို ရှင်မတောင်အနီး စစ်အုပ်စုကို လိုက်လံတိုက်ခိုက်၊ တစ်နေ့တည်း တိုက်ပွဲ သုံးကြိမ်ဖြစ်၊

မကွေးတိုင်း ရေစကြိုမြို့ပေါ်ကနေ ရှင်မတောင် စစ်အုပ်စု စခန်းဘက် ရိက္ခာလာပို့တဲ့ စစ်အုပ်စုကို ယမန်နေ့က လိုက်လံ တိုက်ခိုက်ခဲ့ရာ တစ်နေ့တည်း သုံးကြိမ်တိုက်ပွဲဖြစ်ပြီး စ်စအုပ်စု အသေအပျောက် ရှိတယ်လို့ ပြည်သူ့ကာကွယ်ရေး တပ်ဖွဲ့ ရေစကြို - ပ.က.ဖ က သတင်း ထုတ်ပြန်ပါတယ်။ ဇန်နဝါရီ(၇)ရက် မနက်ပိုင်းက ရေစကြိုမြို့နယ် ရှင်မတောင် တောင်ပေါ် ရိက္ခာလာပို့တဲ့ စစ်အုပ်စု တပ်မ(၁၀၁) လက်အောက်ခံ ရေစကြိုမြို့ အခြေစိုက် ခြေလျင်တပ်ရင်း (ခလရ) - ၂၅၈ က စစ်အုပ်စုနဲ့ ဆင်ချောင်းပျူရွာက ပျူတွေ၊ စုစုပေါင်း အင်အား(၇၀)ခန့်ပါ စစ်အုပ်စုကို ရေစကြို ပ.က.ဖ နဲ့ ပခုက္ကူခရိုင် တပ်ရင်း အမှတ်(၉)တို့ ပူးပေါင်း တိုက်ခိုက်ခဲ့တာလို့ ဆိုပါတယ်။ “နံနက်(၃)နာရီခွဲ အချိန်မှ စတင်၍ ထိတွေ့မှု သုံးကြိမ် ဖြစ်ပွားခဲ့ပါသည်။ အင်အား(၇၀)ခန့်ပါ စစ်ကြောင်းအား ပြည်သူ့ ကာကွယ်ရေး တပ်များမှ Drone များဖြင့် တိုက်ခိုက်သလို၊ မြေပြင်ကပါ အကြိမ်ကြိမ် လိုက်လံ တိုက်ခိုက် ခဲ့ပါသည်။ အဆိုပါ တိုက်ခိုက်မှုကြောင့် (စခ)များ ထိခိုက်မှုရှိနိုင်ပြီး တိုက်ခိုက်မှုအတွင်း မျက်မြင်အရ စခ နှစ်ကောင် လဲကျသွားကြောင်း သိရှိရပြီး အသေးစိတ်အား မသိရှိရသေးပါ။ အဆိုပါ စစ်ကြောင်းမှာ တောင်အို တာတိုင် စစ်ဆေးရေးဂိတ်မှ တဆင် ခလရ-၂၅၈သို့ ပြည်သူ့ကားများအား ချောဆွဲ ပြန်သွားကြောင်း သိရှိရပါသည်” လို့ ရေစကြို ပ.က.ဖ က ဖော်ပြပါတယ်။ ရေစကြိုနယ် ရှင်မတောင် တောင်ပေါ်က စစ်အုပ်စုကို တော်လှန်ရေး တပ်တွေက ပိတ်ဆို့ထားပြီး ရိက္ခာပို့လာတဲ့ စစ်အုပ်စုနဲ့ ပျူတွေကိုလည်း ကြားဖြတ် တိုက်ခိုက်နေတာ ဖြစ်ပါတယ်။ #Mandalay_Free_Press_MFP