محرم کے پانچ مسنون اعمال۔ مفتی محمد سلمان زاہد Moharram k 5 Masnoon Kam By Mufti Salman zahid скачать в хорошем качестве

محرم کے پانچ مسنون اعمال۔ مفتی محمد سلمان زاہد Moharram k 5 Masnoon Kam By Mufti Salman zahid

محرم الحرام کی اہمیت و حرمت اور اُس کے پانچ مسنون اعمال بیان میں مجموعی طور پر کُل تین باتیں ہیں: ❶پہلی بات: اِسلامی ہجری سال کے ماہ و سال کا تحفظ اور اُس کا یاد رکھنا فرض کفایہ ہے ❷دوسری بات: محرم الحرام ایک محترم اور بابرکت مہینہ ہے قرآن کریم میں سال کے چار مہینے محترم قرار دیے گئے ہیں اُن میں سے ایک محرم بھی ہے حرمت والے مہینے کا تقاضہ یہ ہوتا ہے کہ اس میں دو اہم کام کیے جائیں: (1)عبادات کا خوب اہتمام کیا جائے۔ (2)ہر طرح کے منکرات سے اجتناب کیا جائے۔ ❸تیسری بات: محرم الحرام کے پانچ مسنون کام : ❶محرم کے مہینے کو محترم سمجھنا: عام طور پر لوگ اسے منحوس اور غم کا مہینہ قرار دیتے ہیں جس کی کوئی اصل نہیں اور ایسا کہنے والا گناہ گار ہوتا ہے،کیونکہ اس کا کوئی ثبوت نہیں ، یہ لوگوں کا من گھڑت فاسد نظریہ ہے ❷روزے رکھنا: حضرت ابوہریرہ رضی اللہ عنہ نبی کریم ﷺ کا اِرشاد نقل فرماتے ہیں: أَفْضَلُ الصِّيَامِ، بَعْدَ رَمَضَانَ، شَهْرُ اللهِ الْمُحَرَّمُ، وَأَفْضَلُ الصَّلَاةِ، بَعْدَ الْفَرِيضَةِ، صَلَاةُ اللَّيْلِ رمضان کے بعد سب سے افضل روزے رمضان کے ہیں ، اور فرض نمازو کے بعد سب سے افضل نماز رات کی تہجد کی نماز ہے۔ (مسلم:1163) ❸عاشوراء کے روزے کا خصوصی اہتمام: آپ ﷺکا ارشاد ہے: صِيَامُ يَوْمِ عَاشُورَاءَ، أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ مجھے اللہ تعالی کی ذات سے امید ہے کہ اس کی برکت سے پچھلے ایک سال کے گناہوں کا کفارہ ہوجائے گا ۔ ( مسلم:1162) حضرت سیدنا علی کرّم اللہ وجہہ فرماتے ہیں: كَانَ يَصُومُ عَاشُورَاءَ وَيَأْمُرُ بِهِ نبی کریم ﷺ عاشوراء کا روزہ خود بھی رکھتے اور دوسروں کو بھی اس کی تلقین فرمایا کرتے تھے ۔(مسند احمد:1069) رمضان کے روزوں کی فرضیت سے پہلے عاشوراء کا روزہ فرض تھا۔(بخاری:1892) 🏮ایک کے بجائے دو روزے رکھیں: حضرت عبد اللہ بن عباس رضی اللہ عنہما فرماتے ہیں کہ نبی کریم ﷺنے جب عاشوراء کے دن روزہ رکھا اور لوگوں کو اس کی تلقین فرمائی تو صحابہ کرام رضی اللہ عنہم نے عرض کیا کہ اس دن کو تو یہود و نصاری بھی عظیم سمجھتے اور اس میں روزہ رکھتے ہیں ، آپ ﷺ نے ارشاد فرمایا : ”فَإِذَا كَانَ الْعَامُ الْمُقْبِلُ إِنْ شَاءَ اللهُ صُمْنَا الْيَوْمَ التَّاسِعَ“ آیندہ سال ان شاء اللہ ہم نویں تاریخ کا بھی روزہ رکھیں گے ۔لیکن آیندہ سال عاشوراء کا دن آنے سے پہلے ہی آپﷺ کا وصال ہوگیا ۔( مسلم :1134) ایک اور روایت میں ہے: صُومُوا يَوْمَ عَاشُورَاءَ وَخَالِفُوا فِيهِ الْيَهُودَ صُومُوا قَبْلَهُ يَوْمًا أَوْ بَعْدَهُ يَوْمًا عاشوراء کے دن روزہ رکھو اور اس میں یہودیوں کی مخالفت کرو ، یعنی اس سے ایک دن پہلے یا بعد میں روزہ رکھو ۔(سنن کبریٰ بیہقی:8406) 🏮عاشوراء کا روزہ رکھنے کے تین طریقے: (1)-- اعلی درجہ: نو ، دس اور گیارہ کی تینوں تاریخوں میں تین روزے رکھے جائیں یہ اس لئے اعلیٰ ہے کیونکہ اس میں مہینے کے تین روزے رکھنے کا بھی فائدہ حاصل ہوجائے گا جس سے پورے مہینے روزے رکھنے کا ثواب ملے گا ، کیونکہ ایک روزہ دس کے برابر ہوتا ہے اور تین روزے پورے مہینے کے۔ (2)-- متوسط: نو اور دس تاریخ کے دو روزے رکھے جائیں یا دس اور گیارہ کو رکھا جائے (3)-- ادنیٰ درجہ: صرف عاشوراء یعنی دس محرم کا روزہ رکھا جائے ۔ یہ بھی جائز ہے اس لئے کہ عاشوراء کے ساتھ ایک روزہ مزید رکھنا بہتر تو ہے لیکن واجب نہیں ، لہٰذا اگر کوئی صرف ایک رکھ سکتا ہے تو ایک ہی رکھ لے۔ (فتح الباری:4/264) ❹گھر والوں پر وسعت کرنا: حضرت جابررضی اللہ عنہ سے مروی ہے کہ نبی کریم ﷺ نے ارشاد فرمایا : مَنْ وَسَّعَ عَلَى أَهْلِهِ يَوْمَ عَاشُورَاءَ وَسَّعَ اللهُ عَلَى أَهْلِهِ طُولَ سَنَتِهِ جو شخص عاشوراء کے دن اپنے گھر والوں پر وسعت اور کشادگی کرتا ہے اللہ تعالی اس کے گھر والوں پر سارے سال وسعت کا معاملہ فرماتے ہیں ۔ (شعب الایمان:3512) 💠 تین اہم تنبیھات 💠 (1)-- یہ حدیث اگر چہ سند کے اعتبار سے ضعیف ہے لیکن محدّثین کی صراحت کے مطابق تعدّدِ طرق کی وجہ سے کسی قدر قوت آگئی ہے، لہذا اس پر عمل کرنے میں کوئی مضائقہ نہیں ۔(مرقاۃ المفاتیح:4/1349) (2)-- وسعت کے حکم کا مطلب یہ نہیں کہ حلیم پکائی جائے یا سبیل لگا کر لوگوں کو پانی پلایا جائے ، کیونکہ حدیث میں وسعت کا حکم ہے ،اُس کی کوئی مخصوص شکل اور طریقہ متعیّن نہیں کیا لہٰذا اپنے گھر والوں پرعام دنوں کے مقابلہ میں کچھ اچھا خرچ کرلینا چاہیئے (3)-- حدیث میں صرف اپنے گھر والوں پر وسعت کا کہا گیا ہے سارے محلہ میں تقسیم کرنے یا کوئی مخصوص قسم کی دعوت کرکے لوگوں کو جمع کرنے کا نہیں کاہا گیا لہٰذا یہ وسعت اپنے گھر والوں کی حد تک ہونی چاہیئے گلی محلہ میں تقسیم نہیں کرنا چاہیئے کیونکہ اسی سے بدعت کی طرف جانے کا راستہ کھلتا ہے۔ ❺خرافات اور بدعات سے قطعی طور پر اجتناب: ⭕محرم کے مہینے کو غم اور افسوس کا مہینہ سمجھنا ⭕کالے اور سیاہ کپڑے پہننا ⭕گھروں ، دوکانوں یا گاڑیوں پر کالے جھنڈے لگانا ⭕ہاتھوں یا سروں پر کالی پٹی باندھنا ⭕حلیم پکانا ⭕سَبیل بنانا ⭕تعزیہ اورعَلم نکالنا ⭕شادی بیاہ اور دیگر تقریبات سے اجتناب کرنا ⭕بچوں کی پیدائش کو منحوس سمجھنا ⭕نوحہ وماتم کرنا ⭕مرثیہ پڑھنا اور سننا یہ تمام غیر شرعی کام میں لگنا ناجائز اور حرام ہے جن سے مسلمانوں کو بہر صورت بچنا چاہیئے ۔ ------------------------------------------------------------------------- ــMufti Mohammad Salman Zahidــ ــFazil Jamia DarulUloom Karachiــ ــــــــــــ USTAAZ ــــــــــــــــــ ــJAMIA ANWAR UL ULOOM SHAD BAGH MALIR KARACHI ــAL-EMAAN INSTITUTE ـــــــــــــــــــــــــــــــــــــــــــــــــــــــــــــــــــــــــــــــــــــ مفتی محمد سلمان زاھد فاضل جامعه دار العلوم کراچی ـــــــــــــــــــــ استاذ ــــــــــــــــــ جامعه انوار العلوم شاد باغ ملیر "و "الایمان انسٹیٹیوٹـ