КАПКЕЙК ШОКОЛАДНЫЙ 😋🍫 скачать в хорошем качестве

КАПКЕЙК ШОКОЛАДНЫЙ 😋🍫

Ингредиенэ (12-14 устуукаҕа): • саахар – 100 г; • бурдук – 120 г; • сымыыт – 3 уст.; • ынах арыыта – 100 г; • хараҥа сакалаат – 100 г; • разрыхлитель – 1 ч.нь. Кремҥэ: • 33-35%-наах холбуйуу сүөгэй – 200 мл; • творожнай сыыр – 200 г; • саахар – 80-100 г; • хараҥа сакалаат – 70 г; • 33-35%-наах холбуйуу сүөгэй – 40 мл (бу ганаш оҥорорго наада). Астыырбытыгар: • капкейк оҥорорбутугар аналлаах форма; • капкейк аналлаах кумааҕыттан капсула; • кремҥэ аналлаах насадка; • кондитерскай мөһөөччүк; • сибиэһэй отон, миэнэ ежевика Сакалааты ынах арыытын кытта уулларабыт. Саахардаах сымыыты миксеринэн эрийтэрэбит, көбдөркөй буолуор диэри. Онтон сымыыттаах маассабытыгар уулларбыт сакалааттах булкааһыкпытын кутабыт уонна кичэллик лопатканан булкуйабыт. Салгыы разрыхлителлаах бурдугу кыралаан эбэбит, биир маасса буолуор диэри лопаткабытынан булкуйабыт. Эрдэ 180 кыраадыска диэри сылытыллыбыт духуопкаҕа 20 мүнүүтэҕэ буһара уурабыт. Онтон зубочистканан бэрэбиэркэлиибит. Өскөтүн маспыт ыраас буоллаҕына – ол аата буспут. Манна сүрүнэ диэн духуопкаҕа өр туруорумуоххутун наада. Капкейк начыыҥкатын араас оҥоруохха сөп. Начыыҥка хайаан да оҥоһуллар диэн буолбатах, бэйэҕит билэргитинэн. Бу сырыыга мин бэйэ оҥоһуута карамель таллым. Карамель рецебэ «Начыыҥкалар» диэн баска баар. Сойбут кекстэр истэрин хостуубут. Маныаха анал кондитерскай насадка эбэтэр судургутук быһаҕы туттуохха сөп. Хас биирдии кекс иһин начыыҥканан толоруҥ. Аны билигин креммитин оҥоробут. Кекс үрдэ универсальнай сакалааттаах крем буолар. Бу рецебэ туспа видеонар баар. Ол эрэн манна эмиэ хатылыам. Бастатан туран, сакалааттан ганаш оҥоробут. Хараҥа сакалааты сүөгэйи кытта холбуубут уонна микроволновкаҕа импульсунан 10 сөкүүндэ уулларабыт. Булкуйабыт. Ууллуор диэри хаста да хатылыыбыт. Бэлэм буолла, билигин күүтэр, кыратык сойор. Сүөгэйи, сыыры, саахары холбоон биир маасса буолуор диэри миксеринэн эрийтэрэбит. Хомуога суох буолуохтаах. Кремҥэ сакалааппытын кутабыт, кыратык сылаас буоллаҕына куттанымаҥ, уулларыа суоҕа. Эрийтэрэбит. Крем бэлэм. Кремҥэ аналлаах кондитерскай мөһөөччүккэ насадкабытын угабыт уонна бэлэм креми кутабыт. Капкейк үрдүн креминэн киэргэтэбит уонна эбии сибиэһэй отонунан, араас кондитерскай посыпкаларынан киэргэтиэххэ сөп. Олус минньигэс десерт