ТОРТ «ТРИ ШОКОЛАДА» 🍫 скачать в хорошем качестве

ТОРТ «ТРИ ШОКОЛАДА» 🍫

Ингредиенэ, браунига: • ынах арыыта – 90 г; • хараҥа сакалаат – 50 г; • саахар – 100 г; • сымыыт – 2 уст.; •бурдук–50г; • разрыхлитель – 1 ч.нь. Мусска: • желатин – 8 г (үстэ төхтөрүйэн); • уу желатины илитэргэ – 30 мл (үстэ төхтөрүйэн); • хараҥа сакалаат – 75 г; • үүттээх (молочный) сакалаат – 75 г; • үрүҥ сакалаат – 75 г; •33 эбэтэр онтон үрдүк %-наах холбуйуу сүөгэй – 150 г (үстэ төхтөрүйэн) 18 см диаметрдаах, декорун кытта холбоон 1,5 киилэ курдук ыйааһыннаах торт буолар. Төһөнөн үрдүк хаачыстыбалаах сакалаат туттаҕыт, соччонон минньигэс амтаннаах торт буолан тахсыаҕа. «Callebaut» диэн бельгийскэй сакалаатынан оҥоруҥ диэн сүбэлиибин. Бастаан брауни оҥоробут. Халыҥ аннылаах сотейникка ынах арыытын уонна хараҥа сакалааты кутан кыра уокка ууллара уурабыт. Барыта биир маасса буолбутун кэннэ. Туспа иһиккэ сымыыты тэһэбит уонна саахар кутан маасса сырдыар диэри ытыйабыт. Ол кэннэ сымыыттаах булкааһыкка, сакалааттаах булкааһыгы кутабыт ытыйабыт кичэйэн лопатканан булкуйабыт. Миксери туттубаппыт. Холодильниктан брауни хостуубут, үрдүгэр мусс кутабыт уонна тутатына тымныыга угабыт. Мусс сойорун күүтэбит, быһа холоон 10 мүнүүтэ курдук буолар. Дьэ, мусспут тоҥно дии санаатаххытына, тутатынан үүттээх (молочнай) уонна үрүҥ сакалааттан итинник схеманан аныгыс мусстарбытын оҥоробут. Сакалааты уулларабыт, сүөгэйи ытыйабыт, сүөгэйгэ ууллубут сакалааты, онтон желатины кутабыт. Барытын лопатканан булкуйабыт. Тортпутун холодильниктан хостуубут, үрдүгэр мусс кутабыт. 3-4 чааһынан торт оннун булуоҕа. Ол эрэн холодильникка түүн хоно хаалара ордук. Торду форматтан хостуубут, ацетатнай пленкатын ылан кэбиһэбит. Туора барбыты эҥин быһаҕынан кыһыйан кэбиһэбит. Бу торт кремнэнэрэ эҥин наадата суох буолан астык. Холобура, куттуҥ, тоҥордуҥ, бэлэм торт буолар. Бэйэҕит хайдах баҕарар киэргэтиэххитин сөп. Мин сибиэһэй отону тутуннум. Маннык ордук барсар дии саныыбын. Биһиги дьиэ кэргэн сөбүлээн сиир тортпут бэлэм. Эһиги эмиэ бу торду астаан дьиэ кэргэҥҥит биир сөбүлээн, астынан сиир минньигэстэрэ буолуо диэн эрэнэбин.