КЛАССИЧЕСКИЙ БИСКВИТ С КЛУБНИЧНЫМ КОНФИ 🍰🍓 скачать в хорошем качестве

КЛАССИЧЕСКИЙ БИСКВИТ С КЛУБНИЧНЫМ КОНФИ 🍰🍓

Бисквиккэ: • сымыыт – 6 уст.; • саахар – 200 г; • бурдук – 220 г; • разрыхлитель – үрдүлээх 1 ч.нь. Кремҥэ: • холбуйуу сүөгэй – 500 г; • творожнай сыыр – 400 г; • саахар – 200 г. Начыынкаҕа: • клубникаттан конфи. Сакалааттаах подтек: • хараҥа сакалаат – 70 г; • 33-35%-наах холбуйуу сүөгэй – 40 мл. Ингредиеннэрбитин бэлэмнээн астаабытынан барабыт. Туспа иһиккэ сымыыт уонна саахары бүттүү кутабыт. Миксер саамай түргэнигэр туруоран, маасса үллүөр диэри ытыйабыт. Эмиэ туспа иһиккэ бурдугу кытта разрыхлитель кутабыт. Сиидэлэммит бурдугу үстэ төхтүрүйэн кутабыт уонна маасса биир тэҥ буолуор диэри булкуйабыт. Манна лопатканы туһаныҥ, тоҕо диэтэр миксер үллүбүтүн түһэрэн кэбиһиэҕэ. Сымыыт үллэ сылдьара ордук, бисквит көбдөркөй буолара киниттэн тутулуктаах. 18 см диаметрдаах уонна 10 см үрдүктээх төгүрүк форма аннын фольганан эргитэбит уонна духуопка лииһигэр уурабыт, тиэстэбитин кутабыт. 180 кыраадыска диэри сылыйбыт духуопкаҕа 30-40 мүнүүтэ буһара уурабыт. Үөһэ-аллара режими холбуубут. Бисквит буһуутун шпажканан бэрэбиэркэлиибит. Кураанах, ыраас буоллаҕына, ол аата аспыт буспут. Буспут бисквиппитин иһитигэр 15 мүнүүтэ туруоран сойутабыт. Сойорун саҕана кыратык түһүөҕэ. Сэрэнэн форматыттан хостуубут. Эргитэбит. Бисквит анна торт үрдэ буолуоҕа. Уонна маннык туран сойор. Сойдоҕуна 4 корж гына бысталыыбыт. Клубникалаах конфи рецебин туспа видео5а булуоххут. Онно сиһилии барыта сурулла сылдьар. Креммитин оҥоробут. Тымныы сыыр, сүөгэй уонна саахар хостоон бииргэ холбуубут, үллүөр диэри ытыйабыт. Биир да хомуога суох буолуохтаах. Тортпутун хомуйабыт: кондитерскай мөһөөччүк көмөтүнэн бисквиккэ крем уурабыт. Бастакы уонна үһүс араҥаҕа конфи кутуохпут. Ону учуоттаарыҥ. Барытын бүтэрэн баран, тортпутун креминэн сыбыыбыт. Хайдах сыбыыры уонна пропитка туһунан ютуб каналбар көрдөрө-көрдөрө кэпсээбитим. Сакалааттан ганаш бэлэмниибит: сакалааты уонна сүөгэйи холбоон, микроволновкаҕа 30 сөкүүндэҕэ уулларабыт уонна биир маасса оҥоробут. Хомуоктаах буоллаҕына өссө уулларабыт. Ганаш убаҕас буолуохтаах. Подтегу ньуосканан кутан оҥоробут. Ньуоскаҕа баһабыт, торт кытыытынан кутан ааһабыт. Бэйэбит хайдах сөбүлүүрбүтүнэн киэргэтэбит. Мин сибиэһэй отоннорунан киэргэттим. Бу торду амсайбыт киһи барыта рецепт көрдөөн бэйэтэ астыыр буолуоҕа. Оннук судургу, минньигэс торт буолар.