МӘМС қорынан миллиардтаған қаржы заңсыз иемденілген скачать в хорошем качестве

МӘМС қорынан миллиардтаған қаржы заңсыз иемденілген

Міндетті әлеуметтік медициналық сақтандыру қорынан орасан зор қаражат ұрланып жатыр. Соңғы үш жылда емханалар мен клиникалар науқасқа көрсетпеген қызмет үшін бір миллиард төрт жүз миллион теңгені заңсыз иемденген екен. Қордағы ақша мен алған медициналық көмектің сәйкес келмейтінін айтып, шағым түсіретін жандар да көбейіпті. Жалпы, тұрғындар көрсетілмеген қызмет үшін ақша алынып жатқанын қайдан көре алады? Мамандар не дейді? Әріптесім Руслан Жасұланұлы біліп келді. Міндетті әлеуметтік медициналық сақтандыру қорының мәліметінше, емханадан бір қызмет алған адамға қосымша бірнеше қызмет көрсетілді деп жалған есеп беретін мекемелер көбейген. Тексеріс барысында заңсыздықтарды анықтап, кінәлілер айыппұл арқалап жатыр. Соған қарамастан, қордан ұрланған ақшаның көлемі жылдан жылға артып барады. Мысалы, былтыр 645 миилион теңге қолды болған. БЕКЗАТ ТҰРМАХАНБЕТОВ, міндетті әлеуметтік медициналық сақтандыру қорының басқарма басшысы: Біз ай сайынғы төлем кезінде мысалы қызмет 5 мың теңге тұрса, сол қызметті жалған енгізген үшін 15 мың теңге ұстап қаламыз. То есть 300 пайыздық экономикалық ықпал ету деп аталады бұл. Және де осылардың сомасы 200 АЕК асқан жағдайда біз оның бәрін экономикалық тергеу жөніндегі мемлекеттік мекемелерге жібереміз. Сондай-ақ, мамандар әр азамат көрсетілмеген қызмет үшін ақшаның ұрланғанын бақылай алады дейді. Ол үшін ЕГОВ қосымшасы арқылы ЕДЕНСАУЛЫҚ бөліміне өту қажет. Сол жерде науқас адам алған медициналық қызмет пен аударылған ақша көрсетіледі. Егер пациент заңсыздықты анықтаса, 1414 нөмірі арқылы шағым түсіре алады. Ал тұрғындар бұндай жағдай туындамас үшін құзырлы органдар қордың жұмысын үнемі тексеріп отыру керек деген пікірде. Халық бдительный болғанмен жоғары жақта жиналып жатқан ақшаны қайдан білеміз. Қайда барып жатыр. Қайда кетіп жатыр. Мысалы біз өзіміз көзімізбен көріп, қолдан ұстап алмағаннан кейін. Біз еш әрекет істей алмаймыз. Онымен жоғарыдағы қызметтегі адамдар айналысу керек. Ну говорят а что делать? Их искорянять надо. Органы должны бороться с этим жестче. Ұрламау үшін заңды қатаңдату керек болды. Қор өкілдері халықтың ақшасы қайда кетіп жатқаны жіті тексеріледі дейді. Заңсыздықтарды азайту мақсатында ай сайын аудит, одан қалса тексеріс жұмыстары жүргізіледі деп отыр. #Информбюро #31арна #БастыЖаңалықтар #Новости #31канал