Әскери бөлімде болған әлімжеттіктен кейін бірнеше офицер қызметінен босатылды скачать в хорошем качестве

Әскери бөлімде болған әлімжеттіктен кейін бірнеше офицер қызметінен босатылды

Жамбыл облысындағы әскери бөлімде болған әлімжеттіктен кейін лауазымды тұлғалар қызметінен босатылды. Төрт бірдей офицердің жұмысынан айырылуына 18 жастағы сарбаздың соққыға жығылғаны себеп болған. Жағы мен мұрны сынған Есбол Қапар қазір әскери госпитальде емделіп жатыр. ӘЙГЕРІМ АҒЫЛТАЕВА, ҚР қорғаныс министрлігінің ресми өкілі: Басшылық құрамындағы төрт лауазымды тұлға – әскери бөлім командирі, оның тәрбие және идеологиялық жұмыс жөніндегі орынбасары, батальон командирі және рота командирі қызметтерінен босатылды. Әскери бөлім командирінің орынбасары – штаб бастығына, батальон командирінің орынбасарына және оның тәрбие жұмысы жөніндегі орынбасарына қызметтік әрекетке сәйкес емес деп ескерту жарияланды. Сондай-ақ, сарбаздар тікелей бағынатын - сержанттарға қатаң тәртіптік жаза қолданылды. Айта кетейік, Жамбыл облысы Гвардейск әскери гарнизонында Отан алдындағы борышын өтеп жүрген сарбаздың оңбай таяқ жеп, жарақат алғанын ата-анасы хабарлаған болатын. Олар жақ сүйегі мен мұрны сынған жас жауынгерді әскерилер екі апта бойы пәтерде тығып ұстағанын да айтқан. Қазір Алматыдағы әскери клиникалық госпитальде жатқан сарбаз дәрігерлердің бақылауында. Ем шара біткен соң ол үйіне емес әскери бөлімге барады. #Информбюро #31арна #БастыЖаңалықтар #Новости #31канал