ذی الحجہ کے فضائل اور اعمال مفتی محمد سلمان زاہد Zilhajja k Fazail o Aamal By Mufti Salman zahid скачать в хорошем качестве

ذی الحجہ کے فضائل اور اعمال مفتی محمد سلمان زاہد Zilhajja k Fazail o Aamal By Mufti Salman zahid

ماہ ذی الحجه کے فضائل اور مسنون اعمال ذی الحجه کے مہینے کے فضائل: ❶چار حرمت والے مہینوں میں سے ہے۔ ❷اُن حرمت والے مہینوں میں بھی سب سے زیادہ حرمت والا مہینہ ہے۔ ❸اشھُر حج یعنی حج کے مہینوں میں سے ہے۔ ❹اس مہینے فریضہ حج اداء کیا جاتا ہے۔ ❺اس مہینے قربانی کی عبادت سرانجام دی جاتی ہے۔ ❻عشرہ ذی الحج جیسے مبارک اور محبوب ترین ایام کا مہینہ ہے عشرہ ذی الحجه کے فضائل: ❶اللہ تعالیٰ کاعشرہ ذی الحجه کی دس راتوں کی قسم کھانا۔ ﴿وَلَيَالٍ عَشْرٍ﴾ قسم ہے دس راتوں کی ۔(الفجر:2) ❷سب سے افضل اور عظمت والے ایّام ہونا ۔ ”مَا مِنْ أَيَّامٍ أَفْضَلُ عِنْدَ اللهِ وَلَا الْعَمَلُ فِيهِنَّ أَحَبُّ إِلَى اللهِ عَزَّ وَجَلَّ مِنْ هَذِهِ الْأَيَّامِ الْعَشْرِ“ اللہ تعالیٰ کے نزدیک کوئی دن اِن دس دنوں سے زیادہ افضل نہیں ہیں اور ان میں کیے جانے والے اعمال سے زیادہ کوئی عمل اللہ تعالیٰ کو محبوب اور پسندیدہ نہیں ہے۔(شعب الایمان:3481) ایک اور روایت میں ”مَا مِنْ أَيَّامٍ أَعْظَمُ عِنْدَ اللهِ“کے الفاظ وارِد ہوئے ہیں: یعنی اللہ تعالیٰ کے نزدیک کوئی دن اِن دس دنوں سے زیادہ عظیم(یعنی عظمت والے) نہیں ہیں ۔(مسند احمد:5446) ❸اس عشرہ میں کے جانے والے اعمال کا سب سے زیادہ محبوب و پسندیدہ ہونا۔ ”مَا مِنْ أَيَّامٍ الْعَمَلُ الصَّالِحُ فِيهَا أَحَبُّ إِلَى اللهِ مِنْ هَذِهِ الْأَيَّامِ يَعْنِي أَيَّامَ الْعَشْرِ“ کوئی دن ایسے نہیں جن میں کیے جانے والے اعمالِ صالحہ اللہ تعالیٰ کے نزدیک ذی الحجہ کے دس ایام سے زیادہ محبوب ہوں۔(ابوداؤد:2438) ❹ہر دن کا روزہ ایک سال کے روزوں کے برابر ہونا ۔ ”يَعْدِلُ صِيَامُ كُلِّ يَوْمٍ مِنْهَا بِصِيَامِ سَنَةٍ“ ذی الحجہ کے دس دنوں میں (ابتدائی نو دنوں میں سے)ہر دن کے روزے کا ثواب ایک سال کے روزے کے برابر ہے۔(ترمذی:758) ❺ہر شب کی عبادت کا شبِ قدر کی عبادت کے برابر ہونا۔ ”وَقِيَامُ كُلِّ لَيْلَةٍ مِنْهَا بِقِيَامِ لَيْلَةِ القَدْرِ“ذی الحجہ کے دن دنوں میں ہر رات کے قیام(عبادت)کا ثواب لیلۃا لقدر کی عبادت کے برابر ہے۔(ترمذی:758) عشرہ ذی الحجه کے اعمال: ❶پہلا عمل : قربانی کے ہونے تک ناخن اور بال کاٹنے سے احتراز: ”إِذَا رَأَيْتُمْ هِلَالَ ذِي الْحِجَّةِ، وَأَرَادَ أَحَدُكُمْ أَنْ يُضَحِّيَ، فَلْيُمْسِكْ عَنْ شَعْرِهِ وَأَظْفَارِهِ“ جب تم ذی الحجہ کا چاند دیکھ لو اور تم میں سے کسی کا ارادہ قربانی کرنے کا ہو تو اُسے (قربانی کرنے تک )اپنے بال اور ناخن کاٹنے سے احترازکرنا چاہیئے۔(صحیح مسلم:1977) ❷دوسرا عمل :عبادت کی کثرت: کوئی دن ایسے نہیں جن میں کیے جانے والے اعمالِ صالحہ اللہ تعالیٰ کے نزدیک ذی الحجہ کے دس ایام سے زیادہ محبوب ہوں، لوگوں نے دریافت کیا کہ یا رسول اللہ ! کیا اللہ کے راستے میں جہاد بھی اِن اعمالِ صالحہ کے برابر نہیں؟آپﷺنے اِرشاد فرمایا:ہاں! اللہ کے راستے میں جہاد کرنا بھی ان کے برابر نہیں ،ہاں مگر وہ شخص جو اللہ کے راستے میں اپنی جان و مال لے کر نکلا ہو اور کچھ بھی واپس لے کر نہ آئے(یعنی شہید ہوجائے)۔(ابوداؤد:2438) ”وَالْعَمَلُ فِيهِنَّ يُضَاعَفُ سَبْعمِائَةِ ضِعْفٍ“ اِن دس دنوں میں کیے جانے عمل کا بدلہ سات سو گنا بڑھا دیا جاتا ہے۔(شعب الایمان:3481) ❸تیسرا عمل : روزوں کا اہتمام: ”كَانَ رَسُولُ اللهِ صَلَّى اللهُ عَلَيْهِ وَسَلَّمَ يَصُومُ تِسْعَ ذِي الْحِجَّةِ“ نبی کریم ﷺذی الحجہ کے نو دن روزہ رکھا کرتے تھے ۔(ابوداؤد:2437) ہر دن کے روزے کا ثواب ایک سال کے روزے کے برابر ہے۔(ترمذی:758) ❹چوتھا عمل : عرفہ کے روزے کا خصوصی اہتمام: ”صِيَامُ يَوْمِ عَرَفَةَ، إِنِّي أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ وَالسَّنَةَ الَّتِي بَعْدَهُ“ مجھے اللہ تعالی سے امید ہے کہ عرفہ کے دن کا روزہ رکھنا ایک سال پہلے اور ایک سال بعدکے(صغیرہ) گناہوں کو مٹادے گا۔(ترمذی:749) ❺پانچواں عمل :تسبیح ،تحمید ،تہلیل اور تکبیر کی کثرت: ”فَأَكْثِرُوا فِيهِنَّ مِنَ التَّهْلِيلِ، وَالتَّحْمِيدِ، وَالتَّكْبِيرِ وَالتَّسْبِيحِ“ اِن دس دنوں میں تہلیل ، تحمید،تکبیر اور تسبیح کی کثرت کیا کرو۔(شعب الایمان:3473) بخاری شریف میں تعلیقاً نقل کیا گیا ہے: ”وَكَانَ ابْنُ عُمَرَ، وَأَبُو هُرَيْرَةَ:يَخْرُجَانِ إِلَى السُّوقِ فِي أَيَّامِ العَشْرِ يُكَبِّرَانِ، وَيُكَبِّرُ النَّاسُ بِتَكْبِيرِهِمَا“۔ ۔(بخاری:باب فضل العمل فی ایام التشریق) ❻چھٹا عمل : شب بیداری : ہر رات کے قیام (عبادت)کا ثواب لیلۃا لقدر کی عبادت کے برابر ہے۔(ترمذی:758) ❼ساتواں عمل: شبِ عید کا خصوصی اہتمام : ”مَنْ قَامَ لَيْلَتَيِ الْعِيدَيْنِ مُحْتَسِبًا لِلّٰهِ لَمْ يَمُتْ قَلْبُهُ يَوْمَ تَمُوتُ الْقُلُوبُ“ جس نے عیدین(یعنی عید الفطر اور عید الاضحیٰ) کی راتوں میں ثواب کی امید رکھتے ہوئے عبادت کی اُس کا دل اُس (قیامت کے ) دن مُردہ نہ ہوگا جس دن سب کے دل مردہ ہوجائیں گے۔(ابن ماجہ:1782) حضرت ابوسعید خدری نبی کریمﷺکا یہ اِرشاد نقل فرماتے ہیں: ”سَيِّدُ الشُّهُورِ شَهْرُ رَمَضَانَ وَأَعْظَمُهَا حُرْمَةً ذُو الْحِجَّةِ“ تمام مہینوں کا سردار رمضان کا مہینہ ہے اور اُن میں حرمت کے اعتبار سے سب سے عظیم ”ذی الحجہ“ کا مہینہ ہے۔(شعب الایمان:3479) ------------------------------------------------------------------------- ــMufti Mohammad Salman Zahidــ ــFazil Jamia DarulUloom Karachiــ ــــــــــــ USTAAZ ــــــــــــــــــ ــJAMIA ANWAR UL ULOOM SHAD BAGH MALIR KARACHI ــAL-EMAAN INSTITUTE ـــــــــــــــــــــــــــــــــــــــــــــــــــــــــــــــــــــــــــــــــــــ مفتی محمد سلمان زاھد فاضل جامعه دار العلوم کراچی ـــــــــــــــــــــ استاذ ــــــــــــــــــ جامعه انوار العلوم شاد باغ ملیر "و "الایمان انسٹیٹیوٹـ