അരുന്ധതി ടീച്ചർ Part 1/Arundhathi Teacher by കൊട്ടാരക്കര ഷാ Voice Indira Pillai скачать в хорошем качестве

അരുന്ധതി ടീച്ചർ Part 1/Arundhathi Teacher by കൊട്ടാരക്കര ഷാ Voice Indira Pillai

അരുന്ധതി ടീച്ചറുടെ അനുഭവക്കുറിപ്പുകള്‍ ഭാഗം 1 കൊട്ടാരക്കര ഷാ തലേന്നു രാത്രി എഴുതി വച്ച ഡയറിക്കുറിപ്പുകളുടെ പേജ് വായിച്ചു നോക്കി അവസാനം ടീച്ചര്‍ ഇങ്ങനെയെഴുതി. ''എല്ലാ നന്മകള്‍ക്കും നന്ദി, ഇന്നും ഒരു മനോഹരമായ ദിവസമാട്ടെ..'' സ്കൂളിലേയ്ക്കുള്ള അവസാന ദിവസവും അയ്യപ്പന്‍ കാവിലെ മൂര്‍ത്തിക്ക് വിളക്കു കത്തിച്ചു പ്രാര്‍ത്ഥിക്കുന്ന പതിവ് ടീച്ചർ തെറ്റിച്ചില്ല. 28 വര്‍ഷങ്ങള്‍ക്കു മുന്‍പ് കേരള തമിഴ്നാട് അതിര്‍ത്തിയില്‍ കൊഴിഞ്ഞാമ്പാറയ്ക്കടുത്തുള്ള 'കോഴിപ്പാറ' സ്കൂളിലാണ് ആദ്യമായി പോസ്റ്റിംഗാവുന്നത്. മരുമകള്‍ക്കൊപ്പം കാറില്‍ സ്ക്കൂളിലേക്കു പോവുമ്പോള്‍ ആദ്യ ദിവസങ്ങളില്‍ നടന്ന സംഭവങ്ങളൊക്കെ ടീച്ചറുടെ ഓര്‍മ്മയിലേക്ക് ഓടിയെത്തി. എത്രയെത്ര കുഞ്ഞുങ്ങളാണ്. പലരും ഇന്ന് സര്‍ക്കാരുദ്യോഗസ്ഥരും, അദ്ധ്യാപകരുമൊക്കെയായി ഈ പരിസരത്തൊക്കെയുണ്ട്. തികഞ്ഞ ഉഴപ്പനായ കഴിഞ്ഞ വര്‍ഷത്തെ ദേശീയ പുരസ്കാര ജേതാവ് സുചിത്ത് ചന്ദ്രശേഖരനും.. ഓര്‍മ്മകളങ്ങനെ മിന്നി മറഞ്ഞു. കോഴിപ്പാറയിലെത്തുമ്പോ തനിക്കാണേലത്ര തമിഴ് വശം ഇല്ല. തമിഴും മലയാളവും, കലര്‍ന്നിട്ടാണവരു സംസാരിക്കുക തന്നെ ചെയ്യുക. മലയാളം മീഡിയത്തിലെ കുട്ടികളും അങ്ങനെ തന്നെ. ഒന്നാം ക്ലാസിന്റെ തൊട്ടപ്പു റത്താണ് തന്റെ ഏഴാം ക്ലാസുള്ളത്. അപ്പോ കേട്ടു ഞെട്ടിയ ഒരു ആദ്യകാല സംഭവമോർത്തു ചാഞ്ഞു പിൻ സീറ്റിലിരുന്നു. തൊട്ടടുത്ത ക്ലാസിലാണ് സംഭവം, ടീച്ചര്‍ 1,2,3,4,5 എന്നു ബോര്‍ഡില്‍ എഴുതിയിട്ടു, ടീച്ചറൊരു മൂന്നാലു വട്ടം വായിച്ചു കൊടുത്തു. എന്നിട്ട് ഓരോ കുട്ടിയോടും ഇത് വായിക്കാന്‍ ആവശ്യപ്പെട്ടു. അങ്ങനെ ഒരു കുട്ടിയുടെ അടുത്തെത്തിയപ്പോ കുട്ടി പറഞ്ഞു : ''ഇത്ര പ്രാവശ്യം വായിച്ചിട്ടും നിനക്കറിയില്ലേടീ... ഞന്‍ വായിച്ചു തരണോ.. നിനക്ക് ബുദ്ധിയൊന്നുമില്ലേ..? ഒരു നിമിഷം ഞാന്‍ അന്തംവിട്ട് ആലോച്ചിച്ചു. "ഈ കുട്ടി ആരോടാ ഇത് പറയുന്നേ..!" എന്ന്. പെട്ടെന്നു ഞാനാ ക്ലാസിലേക്കു ചെന്നു. അപ്പോഴും കുട്ടി.. ഇതേ ചോദ്യം റിപ്പീറ്‌റ് ചെയ്യുകയാണ്. ടീച്ചറന്മാരും അന്തംവിട്ടു നില്‍ക്കുന്നു. അന്നവിടെ പഠിച്ചവരില്‍ ഇപ്പോള്‍ പെരിന്തല്‍മണ്ണ ഭാഗത്തുള്ള നാടക പ്രവര്‍ത്തകന്‍ ജബ്ബാറുമുണ്ടായിരുന്നു. എല്ലാവരും നില്‍ക്കുകയാണ്. കുട്ടി ചോദിക്കുന്ന ചോദ്യം : "അഞ്ചു പ്രാവശ്യം വായിച്ചിട്ടും നിനക്കറിയില്ലേടീന്ന്.. നിനക്കറിയില്ലേടീ.. ഞാൻ നീനക്കു പറഞ്ഞു തരണോടീ.. " എന്നൊക്കെ ചോദിക്കുന്ന കുട്ടികൾ..! മറ്റൊരു ദിവസം അവിടെ സാധാരണ തട്ടിക കൊണ്ടാണ് ക്ലാസുകൾ തിരിച്ചിരുന്നത്. തട്ടികയിലിടയ്ക്കു കുട്ടികളെ സൈലന്റാക്കാൻ തട്ടുന്ന ശീലമുണ്ടായിരുന്നു. അന്നു ക്ലാസ് റൂം അപ്പുറത്തു ബിൽഡിങ് പണി നടക്കുന്നതു കൊണ്ട് തൽക്കാലത്തേക്ക് ഒന്നാം ക്ലാസിന്റെ പകുതിയിലായിരുന്നു അന്ന്. കുട്ട്യോളു ബഹളം വെച്ചിട്ട് ക്ലാസ്സെടുക്കാൻ പറ്റാതായി. അപ്പോ ആ തട്ടികയിൽ തട്ടി. : "മിണ്ടാതിരിക്കിനല്ലേ പറഞ്ഞത്..." അപ്പോൾ തിരിച്ചവിടെ നിന്ന് ഒരേ സ്വരത്തിൽ എല്ലാവരും കൂടി.. ഒരമ്പതോളം കുട്ടികളുണ്ട്, എല്ലാവരും കൂടി തട്ടികയിൽ തട്ടി എന്നോട്.. : "മിണ്ടാണ്ടവിടിരുന്നോ... ഞങ്ങളെ സംസാരിക്കാൻ സമ്മതിക്കാണ്ട്... " പൊട്ടിച്ചിരിച്ചു പോയി. അപ്പോഴാണ് എനിക്കു മനസ്സിലായത് `അത് ഏഴാം ക്ലാസ്സല്ല, ആതൊന്നാം ക്ലാസ്സാണെന്ന്...! കുട്ടികളുടെ ആരവം കേട്ടാണ് പിന്‍സീറ്റില്‍ ചാരിയിരുന്നുറങ്ങിപ്പോയ ടീച്ചറുണര്‍ന്നത്. (തുടരും)