20260301KTT скачать в хорошем качестве

20260301KTT

MAGNIFICAT Festival tal-Korijiet fl-okkażjoni tal-75 Sena mill-Inkurunazzjoni tal-Kwadru Titulari tal-Madonna tal-Grazzja Belt ta’ Ħaż-Żabbar Taħt il-Patroċinju tal-E.T. Mons Joe Alessandro OFM. Cap Isqof Emeritus ta’ Garissa, il-Kenja Il-Ħadd 1 ta’ Marzu 2026 Daħla għall-Programm Il-Kor tat-Tfal Notre Dame Mill-Parroċċa tal-Madonna tal-Grazzja – Ħaż-Żabbar Il-Kor tat-Tfal Notre Dame jaf il-bidu tiegħu f’Novembru tal-2024, fuq inizjatitva tal-Kap tal-Iskola Primarja B ta’ Ħaż-Żabbar, is-Sur Nicholas Agius,li esprima x-xewqa li jitwaqqaf kor tat-tfal sabiex il-quddies tal-iskola tiġi animata bil-kant. Fl-istess perjodu, waqt it-tħejjijiet għall-Velja tal-Milied ta’ dik is-sena, din l-inizjattiva ġiet diskussa mal-Arċipriet, Fr Roderick Camilleri, u mal-Viċi Arċipriet, Fr Gylan Camilleri, li laqgħu din il-proposta b’entużjażmu u appoġġ. Il-Kor tat-Tfal għamel l-ewwel dehra pubblika tiegħu waqt il-Velja tal-Milied tal-2024, u fl-istess sena ħa sehem ukoll fil-Kunċert tal-Milied annwali organizzat mill-Kor Parrokkjali Notre Dame. B’hekk, il-Kor tat-Tfal beda jsaħħaħ ir-rabta tiegħu mal-ħajja mużikali tal-parroċċa. Wara l-festi tal-Milied, il-Kor kompla jiltaqa’ b’mod regolari, fejn beda jiżviluppa repertorju varjat li jinkludi kemm mużika sagra kif ukoll kanzunetti adattati għat-tfal, inkluż xogħlijiet mużikali minn repertorji popolari, bħal dik ta’ Disney, bil-għan li tissaħħaħ il-formazzjoni mużikali u jitkattar l-entużjażmu tat-tfal. Tul il-ħidma tiegħu, il-Kor tat-Tfal Notre Dame pparteċipa f’diversi attivitajiet parrokkjali, fosthom il-Via Sagra Parrokkjali li ssir matul il-Ġimgħa Mqaddsa, il-purċissjoni tal-Madona tar-Rużarju ġewwa l-Housing Estate fix-xahar ta’ Mejju, kif ukoll il-Quddiesa tal-Festa tat-Tfal f’Settembru. Barra minn hekk, il-Kor anima wkoll diversi ċelebrazzjonijet matul in-Novena u reġa’ ħa sehem fil-Velja tal-Milied tas-sena ta’ wara. Bħalissa, il-Kor magħmul minn għaxar membri, b’etajiet li jvarjaw bejn il-ħames snin u t-tlettax-il sena. Il-Kor tat-Tfal Notre Dame qed ikompli jservi bħala spazju ta’ formazzjoni mużikali, spiritwali u komunitarja, filwaqt li jikkontribwixxi b’mod attiv fil-ħajja liturġika u pastorali tal-parroċċa. IL-PROGRAMM TNEŻŻAJT MILL-ĠMIEL U L-MAESTÀ Noel Richards ‘TINA L-ĦLEWWA Ġiuseppe Caruana MAKE ME A CHANNEL OF YOUR PEACE Sebastian Temple ĠEJT QUDDIEMEK NITLOB Maria Parkinson Akkumpanjat fuq l-orgni mis-Sa Annalise Xuereb Taħt it-tmexxija tas-Surmast Direttur, is-Sa Tracy Galea Tabone