Алматыда студент университет ішінде мұғалімді пышақтап тастады скачать в хорошем качестве

Алматыда студент университет ішінде мұғалімді пышақтап тастады

Алматыда студент университет ішінде мұғалімді пышақтап тастады. Екінші курста оқитын жігіт оқытушыға дәретханада тап берген. Білім ордасы басшылығының айтуынша, емтихан жүріп жатқандықтан сол күні адам қарасы көбейіп, студенттің суық қарумен кіргенін ешкім байқамапты. Жас баланың пышық ала жүгіруіне не себеп? Жапа шеккен мұғалімнің жағдайы қалай? Мән-жайды әріптесім Оразай Нұртайұлы анықтап көрді. Оқиға Алматыдағы логистика және көлік академиясының ішінде болған. Өзгелер емтихан тапсырып жүргенде ғимаратқа пышақпен келген 2 курс студенті мұғалімнің ізіне түскен. Оқытушы дәретханаға кіргенде суық қаруымен тап берген. Университет қызметкерлерінің айтуынша, жас бала пышағын әуелі мойынға қарай кезеген. Қайта сол сәтте күзет пен өзге студенттер байқап, істі насырға шаптырмай арашалап қалған. Дегенмен, суық қару ала жүгірген жас бала оқытушының мойыны мен бетін жаралап үлгерді дейді. ЖӘНІБЕК СМАДИЯРОВ, ALT UNIVERSITY аппарат жетекшісі: Абсолютно трезвый. Ол экспертизадан да өткен. Жанындағы достары, студенттердің айтуынша тұйық мінезді. Ешкіммен қарым-қатынаста болмаған. Сабағына келеді, сабағына қатысатын бала. Жаман характеристика жоқ оған. Университет қызметкерінің сөзіне сенсек, пышақ ала жүгірген тәлімгердің оқу үлгеріміне қатысты мәселе туындамаған. Мінезі де бірқалыпты, ешкіммен араздығы жоқ еді дейді. Бұған дейін оқиғаға мұғалімнің ол студентті жазғы оқуға қалдыруы себеп болуы мүмкін деген ақпарат тараған еді. Университет оны жоққа шығарды. ЖӘНІБЕК СМАДИЯРОВ, ALT UNIVERSITY аппарат жетекшісі: Ол мұғалімге қатысы жоқ. Ол мұғалім оған ешқашан сабақ бермеген. Қарым-қатынасы болмаған, сөйлеспеген. Мұндай жағдай не үшін болғаны әзірге беймәлім. Өзімізге жұмбақ. АЛМАТЫ ҚАЛАСЫ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ: Полиция күдіктінің ізін суытпай, бірден ұстады. Ол уақытша ұстау изоляторына қамалды. Оқиғаның басқа да мән-жайлары анықталуда. ОРАЗАЙ НҰРТАЙҰЛЫ, тілші: Университет басшылығының сөзіне сенсек, жапа шеккен мұғалімнің жарақаты жеңіл. Қазір ол өз жұмысын жалғастырып жатыр дейді. Ал қамауға алынған студенттің бұл әрекетке нақты қандай себеппен барғаны әзірге жұмбақ. Барлығы да тергеу қорытындысын күтіп отыр. #Информбюро #31арна #БастыЖаңалықтар #Новости #31канал