Арыстағы жарылыстан үйлері бүлінген халық тағы да шу көтерді скачать в хорошем качестве

Арыстағы жарылыстан үйлері бүлінген халық тағы да шу көтерді

Түркістан облысы Арыс қаласындағы оқ-дәрі қоймасындағы жарылыстан баспанасы бүлінген тұрғындар шу шығарды. Олардың мердігер компанияның жұмысына көңілдері толмайды. Құрылысшылар үйді шала-шарпы жөндеп кетті. Соның салдарынан іргетасымыз шөгіп, қабырғалар қайтадан қақырап жатыр деп ашынады. Жарамсыз күйге түскен баспаналардың саны жүзден асады дейді жұрт. Соттың табалдырығын тоздырып шаршаған қарашаның жанайқайын өңірдегі әріптесім Назерке Үкібасова тыңдап келді. Темірхан Қанжігітов сөгілген қабырға алапат жарылыстан қалған таңба деп қынжылады. Құрылысшылар кеткеннен кейін үйім қайтадан қирай бастады дейді жігіт ағасы. Үреймен өмір сүріп жатқан отбасы баспананың жарамсыз күйге түскенін дәлелдей алмай қиналған. ТЕМІРХАН ҚАНЖІГІТОВ, Арыс қаласының тұрғыны: Екі жұмысшы жіберген. Не қыл дейсіңдер десем тамды қысамыз дейді. Ей сендер тамды қысып ақымақсыңдар ма? Там қышқа там қысылмайды ол бетон тамдарға қысылады десем көнбеді. Қазір соттасқаныма үш жыл болды. Ешқандай нәтиже жоқ. Мердігер компаниялардың жұмысына көңілі толмаған төрт жүзге жуық отбасы бар екен. Олар үйіміздің жөнделгені мүлдем білінбейді деп күйінеді. Бірі есік-терезені дұрыс салмады десе, енді бірі апатты үйді бұзудың орнына жамап-жасқап кетті деп отыр. АҚЖОЛ ИСМАИЛОВ, Арыс қаласының тұрғыны: Біз жарылыстан кейін, Шымкент қаласынан келгеннен кейін терезелер сыртта жатыр. Оның орнына терезе салып берді. Бергенін қайтейін откос, моткос сыланып ешқандай жұмыс істелінген жоқ бұл жерде. Оның үстіне мына жер екі дуал арғы жағынан күн көрініп тұр. Еске салайық, 2019 жылы маусым айында Арыс қаласында әскери бөлімдегі оқ-дәрі қоймасында алапат жарылыс болған еді. Апаттан төрт адам ажал құшқан. Қатты дүмпуден сегіз мыңнан астам үй бүлінді. Шенеуніктер тұрғындарға мемлекеттен тиісті көмек көрсетілгенін жеткізді. АРЫС ҚАЛАСЫ ӘКІМДІГІНІҢ БАСПАСӨЗ ҚЫЗМЕТІ: Қала аумағы 17 секторға бөлініп, қайта қалпына келтіру жұмыстары толық көлемде жүргізілді. Нәтижесінде 8637 тұрғын үйдің 7386-ы жөндеуден өтіп, 477 тұрғын үй қайта салынды. Сонымен қатар, төтенше жағдайда зардап шеккен 62 610 тұрғынға мемлекет тарапынан 100 мың теңгеден жалпы сомасы 6 миллиард 261 миллион теңге көлемінде материалдық көмек төленді. Әкімдік өкілдері жөндеу жұмыстарына көңілі толмаған тұрғындар екі мәрте сотта жеңілгенін жеткізді. Сондықтан халыққа кассацияға шағымдануға кеңес береді. #Информбюро #31арна #БастыЖаңалықтар #Новости #31канал